You can display the Full post on your Blog Page
İqtisadiyyat Nazirliyinə məxsus “Sumqayıt Kimya Sənaye Parkı” MMC 2020-ci il üzrə maliyyə hesabatlarının auditi üçün kotirovka sorğusu elan edib.
Sorğuda iştirak etmək istəyənlər təkliflərini iyulun 17-si, saat 17:00-a qədər şirkətin yerləşdiyi Bakı şəhəri, Xətai rayonu, Xocalı prospekti, 37 ünvanına təqdim edə bilərlər.
Maraqlanan təşkilatlar (012) 488-80-65 telefon nömrəsi ilə əlaqə saxlaya bilərlər.
Mənbə: report.az
İtirilmiş zamanla bağlı kədər. Melanxoliya yaşı nə deməkdir? (2-ci hissə)
Vəziyyəti necə düzəltməli
Əgər yenə də sizi kədər bürüdüyünü hiss edirsinizsə, onda ilk növbədə özünüzlə mübarizədən başlamalısınız. “İlk növbədə nə etmək lazımdır?, – bu, özünüzlə suallar şəklində danışmaq olmalıdır. Və ilk sual belə qoyulmalıdır – çatışmayan nədir?” – Aleksey Melexin söyləyir. Özü də bu zaman o, qeyd edir ki, əgər depressiya dalğası gəlirsə, dərhal məyusluğa qapılmayın. “Vaxtilə hələ Yunq demişdi ki, depressiya – bu qara qadındır. Və əgər o, gəlibsə, bu heç də o demək deyil ki, onun hansısa xarakteri vardır, deməli, həmin an üçün o insandan ötrü hansısa aktual bir sual vardır. Və belə bir vəziyyət – norma hesab olunur”, Aleksey Melexin deyir.
Eləcə də vəziyyəti korrektə etmək üçün düşdüyünüz rejimdən uzaqlaşmalısınız, mütəxəssis belə söyləyir. “Bizdə müasir mədəniyyət bundan çox “istifadə edir”. Məsələn, depressiyaya görə mütəxəssisin yanına getməyi, müxtəlif preparatlardan istifadə etməyi məsləhət görürlər. Amma, bu faktiki olaraq reallıqdan yayındırmaqdadır. Axı, həmin anda özünüzlə sual görüşü olmalıdır.
Vergi borcları vaxtında ödənilmədikdə
Bütün vergiləri tam və vaxtında ödəmək hər bir vətəndaşın konstitusiya ilə təsbit edilmiş borcudur. İqtisadçı ekspert Radil Fətullayev vergi borclarının ödənilməsi ilə bağlı əsas məqamları izah edir.
Vergi Məcəlləsinin 16.1.1-ci maddəsinə əsasən, qanunla müəyyən edilmiş vergiləri, habelə bu Məcəllə ilə müəyyən edilmiş qaydada hesablanmış faizləri, tətbiq edilmiş maliyyə sanksiyalarını və digər məcburi ödənişləri ödəmək vergi ödəyicisinin əsas vəzifələrindəndir.
Vergi borclarının ödənilməsi iki qaydada aparılır:
– vergi ödəyicisi tərəfindən könüllü şəkildə;
– vergi orqanı tərəfindən inzibati tədbirlərin görülməsi yolu ilə.
Vergi Məcəlləsinin 65.2-ci maddəsində göstərilib ki, bu Məcəllənin 65.2.1.1 və 65.2.1.4-cü maddələrində nəzərdə tutulan hallar istisna olmaqla, digər hallarda vergi orqanının hesabladığı və ya yenidən hesabladığı vergilər, faizlər və ya tətbiq etdiyi maliyyə sanksiyaları üzrə vergi orqanı vergi ödəyicisinin milli və ya xarici valyutada cari və ya digər hesablarında borc məbləğinin 105 faizi həcmində pul vəsaitinin məxaric əməliyyatları üzrə dondurulması haqqında kredit təşkilatına və ya bank əməliyyatları aparan şəxsə icra sənədi olan sərəncam verir.
Bu zaman kredit təşkilatları və ya bank əməliyyatlarını aparan şəxslər tərəfindən bank hesablarında dondurulmuş vəsaitdən artıq olan pul vəsaitinə dair hesabdan məxaric edilməsini nəzərdə tutan vergi ödəyicisinin ödəmə tapşırıqları icra edilir.
Başqa sözlə, vergi ödəyicisi və ya vergi orqanı tərəfindən hesablanan və bəyan edilən vergilər qanunda müəyyən edilmiş müddətdə könüllü şəkildə ödənilmədikdə, vergi orqanı vergi borclarının ödənilməsini aşağıdakı qaydada təmin edir:
– vergi ödəyicisinin milli və xarici valyuta üzrə bank hesabları olduğu təşkilatlara (bank və kredit təşkilatlarına) sərəncam vermək yolu ilə;
– məhkəməyə şikayət etməklə məhkəmənin müvafiq qərarı vasitəsilə inzibati icraat haqqında qərarın qəbul edilməsi yolu ilə;
– vergi ödəyicisinin ƏDV depozit hesabından yalnız ƏDV üzrə vergi borclarının silinməsi yolu ilə;
– vergi ödəyicisinin borc məbləğinin 105 faizi həcmində ƏDV depozit hesabında dondurulması qərarı qəbul etməklə.
Qeyd edək ki, Vergi Məcəlləsində hər bir verginin ödənilmə müddətləri və bəyannamələrinin təqdim edilməsi dövrü ayrıca müəyyən edilib.
Mənbə: vergiler.az
İşçiyə ezamiyyə normasından artıq verilən məbləğlərin sosial sığorta, işsizlikdən sığorta və icbari tibbi sığortaya cəlb olunması barədə:
Qanunvericiliklə müəyyən edilmiş normadan artıq ödənilən faktiki ezamiyyə xərclərinin məbləği müvafiq sənədlərlə təsdiq edilmədiyi halda, həmin xərclərin qanunvericiliklə müəyyən edilmiş normadan artıq olan hissəsi işçinin vergiyə cəlb olunan gəlirinə aid edilir və həmin gəlirlər işəgötürən tərəfindən məcburi dövlət sosial sığorta , İşsizlikdən sığorta haqqı və icbari tibbi sığorta üzrə sığorta haqqına cəlb olunur.
Mənbə: sosial.gov.az
