Blog Full

Jan Gustav Kursel-Senel (1813-1892) – görkəmli fransız iqtisadçısı, Santyaqo universitetinin və Parisdəki ali məktəbin professoru, fransız mühasibatlıq düşüncəsinin görkəmli nümayəndələrindən biri.

Liberalizmin qəti tərəfdarı olan Jan Gustav, təsərrüfat prosesləri və onları idarəetmə metodlarını  əks etdirən orijinal mühasibatlıq konsepsiyasını və tətbiqi iqtisadiyyat nəzəriyyəsini yaradıb. Mühasibatlığın idarəetmə məqsədlərini qeyd edən Kursel-Senel yazırdı: “Uçot elmini bilmək hamıya vacibdir, lakin rəhbərlik edənlər üçün bunu öyrənmək bilavasitə zəruridir”. “Sərmayənin dövriyyəsi nə qədər yavaşdırsa, mühasibatlıq bir o qədər zəruridir”. Filiallar üzrə mərkəzləşdirilməmiş uçot işi şəraitində uçotun təşkili və balansın hesablanması ilə bağlı Kursel-Senelin baxışları çox maraqlıdır. O, belə hesab edirdi ki, mərkəzi idarə filialların hesabatını, filiallar isə mərkəzi idarənin hesabatını aparır. Kursel-Senel iki variantı nəzərdən keçirirdi. Birinci halda filialların balans hesabı (mənfəət və zərərlər) yekun Balans hesabına  və ya zərər və mənfəət hesabına köçürülür. İkinci halda isə qurama hesabatlar baş idarədə və filiallarda mövcud olan bütün dəyər və  borcları əlavə etməyə imkan verir, yəni, süni şəkildə şirkətdaxili saxta dövriyyələr yaradılır. Kursel-Senel ikinci variantı daha düzgün hesab edirdi.

Kursel-Senelin əsas əsəri : “Mühasibat uçotunun kursu”  adlanır.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

“Бухгалтер” (Mühasib) jurnalında texnika elmləri namizədi, psixoloq, mühasiblər üçün tədris mərkəzinin treninqlər proqramının rəhbəri Tatyana Lobanovanın “Mühasib dahi ünsiyyətçidirmi?” adlı məqaləsi dərc edilib. Sözügedən məqalənin oxucularımız üçün də maraq kəsb edəcəyəni nəzərə alaraq, onu hissə-hissə saytımızda dərc etməyə qərar verdik.

3-cü hissə

Əhatədə olan insanlarla ünsiyyət qura bilməmək, iş yerində stresin yaranmasının başlıca səbəblərindən biridir. Statistika göstərir ki, işdən çıxan hər on nəfərdən yeddisi vəzifəsinin öhdəsindən gəlmədiyinə görə yox,  məhz, əməkdaşlar və rəhbərliklə münaqişə üzündən iş yerini tərk edir. Eləcə də işə qəbulla bağlı keçirilən müsahibəyə qatılan hər on nəfərdən səkkizi, elə ilk mərhələdəcə iş təklif edənin qeyri-effektiv ünsiyyət bacarığı səbəbiylə sonrakı mərhələyə qatılmaqdan imtina edir.

Ünsiyyətdə mürəkkəblik bu bacarığın olmaması ilə, eləcə də situativ çətinliklərlə də bağlı ola bilər: yorğunluq, diqqətsizlik, emosional yüklənmə və s. Gizli deyil ki, peşəkarlıq kriteriyaları: təcrübə, bazar sahəsində biliklər, ali təhsil, dil bilmək və kompüterdən istifadəni bacarmaq, tabelikdə olanlar və rəhbərlik edənlər arasında stabil, münaqişəsiz münasibətlər qura bilməyə zəmanət vermir.

İşə qəbulla bağlı tələblərin söylənilməsi zamanı üzə çıxan bədnam ünsiyyət bacarıqları, hətta özünü qiymətləndirmə üçün belə qeyri-müəyyən anlayış təsəvvürü yaradır.

Ən münaqişəli adamlar belə çox vaxt özlərini ən yaxşı və ən ədalətli insanlar hesab edir və narahatlıq doğuran səbəbləri isə daim özgələrində axtarırlar. Bəzən isə insan ünsiyyətdə öz zəif tərəflərini görür, amma onların öhdəsindən necə gələ biləcəyini bilmir. Bax, elə burada öncə nəyi dəyişdirmək haqda fikirləşməli və bunu necə etmək barədə düşünülməlidir. Burada ən etibarlı və ən asan üsul mütəxəssisə müraciət etməkdir. Ünsiyyət, əlaqə qurmaq məsələləri ilə bağlı kitablar bolluğu olsa da, bu zaman nəzəriyyə az köməyə çatır və onları oxumağın təsiri isə çansıxıcılığı yalnız sözdə yatırmağa yardım edir: “Hə, indi hər şeyi başa düşürəm, hətta elmi cəhətdən necə adlandırılmalı olduğumu da bilirəm, amma bir şey edə bilmirəm, hər dəfə özümü əvvəlki tək aparmaqda davam edirəm, daha çox özümdən çıxıram…Mən bu qədərmi ümidsizəm?”

Məqalənin 2-ci hissəsini buradan oxuya bilərsiniz.