Oxunma sayı: 157. 554
13 Apr 2018

Alman-Azərbaycan Xarici Ticarət Palatasında təcrübə proqramı

by | posted in: Xəbər | 0

Alman-Azərbaycan Xarici Ticarət Palatası (AHK Azərbaycan) Azərbaycanda Almaniya iqtisadiyyatının rəsmi təmsilçisidir. Biz Alman və Azərbaycan şirkətlərini onların öz biznes fəaliyyətlərində dəstəkləyirik və ildə bir neçə dəfə şəbəkədaxili görüşlərin keçirildiyi tədbirləri təşkil edirik.

Praktika (Biznes xidmətləri şöbəsi)

Alman-Azərbaycan Xarici Ticarət Palatasının Biznes Xidmətləri şöbəsinə təcili olaraq praktikant axtarılır.

Təcrübə müddəti:

  • 3-6 aya qədər

Əsas vəzifə və öhdəlikləri:

  • Biznes xidmətləri üzrə fəaliyyətlər zamanı komandaya dəstək
  • Araşdırmalar, bazarın təhlili və işgüzar tərəfdaşlıq axtarışı sahələrində dəstək
  • Nümayəndə heyəti səfərləri, AHK-nın üzvləri üçün nəzərdə tutulan sosial tədbirlər və digər tədbir və layihələrə hazırlıq
  • Aİ-Azərbaycan Biznes Forumuna hazırlıq
  • Sənəd və hesabatların tərcüməsi
  • İnzibati tapşırıqlar

Tələblər:

  • İqtisadi-siyasi elmlər, beynəlxalq münasibətlər sahəsi üzrə 4-cü kurs bakalavr tələbəsi və ya magistratura təhsili
  • Azərbaycan və ingilis dilində mükəmməl yazılı və şifahi dil biliyi
  • Alman dilini bilənlərə üstünlük verilir
  • 09:00-dan 18:00-a qədər işləmək bacarığı
  • İqtisadi və siyasi münasibətlər sahəsində biliklərin olması
  • Tez öyrənmə qabiliyyəti və analitik düşünmə bacarığı
  • Yaxşı ünsiyyət və komandada işləmək bacarığı
  • MS Office proqramları ilə işləmək bacarığı
  • Dəqiqlilik və çeviklik

Bizim təklifimiz:

  • Azərbaycan və Almaniya arasındakı dinamik iqtisadi münasibətlərə baxış imkanı
  • Müxtəlif sahəli fəaliyyət diapazonu
  • Layihələrin hazırlanmasında iştirak
  • Zəngin iş təcrübəsinin əldə olunması
  • Gənc, açıqfikirli komanda ilə işləmək imkanı

Müraciət etmək üçün Sizdən tərcümeyi halınızı müraciət məktubu ilə birlikdə “AHK Azərbaycan / DL üçün praktikant” başlığı ilə praktikum(at)ahk-baku.de elektron ünvanına göndərməyinizi xahiş edirik. Tez göndərilən müraciətlər seçim mərhələsində daha erkən dəyərləndiriləcəkdir.

Mənbə: www.ahk-baku.de

Mühasibat və Audit xidmətləri üçün bizə müraciət edin
+994 12 598 20 70
+994 50 210 07 15
info@audit.az
13 Apr 2018

Yaxın qohumunun xəstələnməsi və ya vəfat etməsi səbəbindən işə gəlməyən işçi əmək vəzifələrini kobud şəkildə pozur?

by | posted in: Xəbər | 0

Sual: Yaxın qohumunun xəstələnməsi və ya vəfat etməsi səbəbindən işə gəlməyən işçi əmək vəzifələrinin kobud şəkildə pozmuş hesab edilirmi?

Cavab: Aşağıdakı hallar işçi tərəfindən əmək vəzifələrinin kobud şəkildə pozulması hesab edilir:

  • özünün xəstəliyi, yaxın qohumunun xəstələnməsi və ya vəfat etməsi istisna olunmaqla heç bir üzürlü səbəb olmadan bütün iş günü işə gəlməməsi;
  • alkoqollu içkilər, narkotik vasitələr və psixotrop, toksik və digər zəhərli maddələr qəbul edərək sərxoş vəziyyətdə işə gəlməsi, habelə işə gəldikdən sonra iş yerində həmin içkiləri və ya maddələri qəbul edərək sərxoş vəziyyətdə olması;
  • təqsirli hərəkətləri (hərəkətsizliyi) nəticəsində mülkiyyətçiyə maddi ziyan vurması;
  • təqsirli hərəkətləri (hərəkətsizliyi) nəticəsində əməyin mühafizəsi qaydalarını pozaraq iş yoldaşlarının səhhətinə xəsarət yetirməsi və ya onların bu səbəbdən həlak olması;
  • qəsdən istehsal, kommersiya və ya dövlət sirrinin yayılması və ya bu sirrin gizli saxlanılması üzrə öhdəliklərini yerinə yetirməməsi;
  • əmək fəaliyyəti zamanı yol verdiyi kobud səhvləri, hüquq pozuntuları nəticəsində işəgötürənin, müəssisənin və ya mülkiyyətçinin qanuni mənafeyinə ciddi xələl gətirməsi;
  • əmək funksiyasını pozduğuna görə əvvəllər işəgötürən tərəfindən verilmiş intizam tənbehindən nəticə çıxarmayaraq altı ay ərzində təkrarən əmək funksiyasını pozması;
  • iş vaxtı ərzində bilavasitə iş yerində inzibati xətalara və ya cinayət tərkibi olan ictimai-təhlükəli əməllərə yol verməsi.

Mənbə: nhmt-az.org

Mühasibat və Audit xidmətləri üçün bizə müraciət edin
+994 12 598 20 70
+994 50 210 07 15
info@audit.az
13 Apr 2018

“QOÇ ƏT” MMC Mühasib axtarır

by | posted in: İş elanı, muhasibat, Xəbər | 0

Tələblər:

  • Mühasibatlıq sahəsində minimum 2 il iş təcrübəsi olmalı
  • 1 C,Akinsoft proqramlarından hər hansı birində işləməyi bacarmalı
  • Ofis proqamlarını bilməli-MS office (Word,Excel,Outlook)
  • Problem həll etmək bacarığına malik
  • Məsuliyyət, düzgünlük, dəqiqlik və etibarlılıq kimi müsbət göstəricilərə sahib olmaq
  • Ünsiyyət qurma və komandada işləmək bacarığı
  • Analitik təhlil və operativlik bacarığı
  • Pirallahı və Zirə qəsəbəsində yaşayan

Vəzifələr:

  • Müdriyyət tərəfindən verilən tapşırıqları dəqiq və cəld yerinə yetirmək.
  • Şirkətin məqsəd və hədəfləri istiqamətində çalışmalıdır.
  • Əmək və nizam-intizam qaydalarına riayət etməlidir.

İş şəraiti:

  • AR Əmək Məcəlləsinə əsasən sənədləşmə
  • Həftədə 6 iş günü ( 10:00-18:30)
  • Nahar şirkət tərəfindən verilir.
  • İş yeri Zirə qəsəbəsi

Əlaqələndirici şəxs: Həsənov Rəşad Mahir

Telefon: +994(50) 200-04-95

Email: rashad@qocet.az
Mühasibat və Audit xidmətləri üçün bizə müraciət edin
+994 12 598 20 70
+994 50 210 07 15
info@audit.az
12 Apr 2018

Maliyyə Nazirliyi hüquqi şəxslərə müraciət etdi

by | posted in: Maliyyə, Xəbər | 0

Ölkə prezidentinin 28 dekabr 2016-cı il tarixli fərmanı ilə “Dövlətə məxsus olan hüquqi şəxslərin daxili və xarici borcalması Qaydası” təsdiq edilib.

Bu barədə Maliyyə Nazirliyinin dövlətə məxsus olan hüquqi şəxslərə müraciətində bildirilir.

Müraciətdə həmçinin deyilir ki, sözügedən qaydanın 3.1 bəndinə əsasən dövlətə məxsus olan hüquqi şəxslər hər ilin iyunun 1-nə qədər növbəti il üzrə borcalma niyyətləri və borcalmanın ümumi məbləğləri barədə məlumatı nazirliyin Dövlət Borcunun İdarə Edilməsi Agentliyinə təqdim etməlidirlər. Növbəti ilin borcalma limiti hazırlanarkən, yalnız qeyd olunan tarixədək Agentliyə daxil olmuş dövlət müəssisələrinin müraciətləri nəzərə alınacaq.

Mənbə: report.az

Mühasibat və Audit xidmətləri üçün bizə müraciət edin
+994 12 598 20 70
+994 50 210 07 15
info@audit.az
1 … 2. 122 2. 123 2. 124 2. 125 2. 126 2. 127 2. 128 … 2. 408