Blog Full - Audit.Az

Oxunma sayı: 157. 423

17 Apr 2018

Yaşayış sahəsinin təqdim edilməsi zamanı yaranan vergi öhdəliyi

by Audit.Az | posted in: Vergi, Xəbər | 0

Fiziki şəxs 4 il ərzində qeydiyyatda olduğu yaşayış sahəsini təqdim edən zaman hansı vergi öhdəlikləri yaranır?

Vergi Məcəlləsinin 150.1.9-cu maddəsinə əsasən torpaq, yaşayış və qeyri-yaşayış sahələrinin təqdim edilməsi (fiziki şəxsin azı 5 (beş) il ərzində yaşayış yeri üzrə qeydiyyatda olduğu yaşayış sahələrinin təqdim edilməsi, bu Məcəllənin 102.1.3.2-ci, 102.1.18-ci, 106.1.16-cı, 144.1.1-ci və 144.1.2-ci maddələrində nəzərdə tutulmuş hallarda təqdim edilmə, həmçinin həmin Məcəllənin 221.5-ci maddəsinə uyğun olaraq sadələşdirilmiş vergi hesablanmış tikinti sahələrinin həmin bina tikintisi fəaliyyəti ilə məşğul olan şəxs tərəfindən təqdim edilməsi halları istisna olmaqla) üzrə müqavilələri təsdiq edən notarius ödəmə mənbəyində vergini tutmağa borcludur.

Vergi Məcəlləsinin 218.4.3-cü maddəsinə əsasən, mülkiyyətində olan yaşayış və qeyri-yaşayış sahələrinin təqdim edilməsini (fiziki şəxsin azı 5 (beş) il ərzində yaşayış yeri üzrə qeydiyyatda olduğu yaşayış sahələrinin təqdim edilməsi, həmçinin həmin Məcəllənin 102.1.3.2-ci, 102.1.18-ci, 106.1.16-cı, 144.1.1-ci və 144.1.2-ci maddələrində nəzərdə tutulmuş təqdim edilmə halları istisna olmaqla) həyata keçirən şəxslər sadələşdirilmiş verginin ödəyiciləridir.

Qeyd olunanlara əsasən:

Fiziki şəxsin yaşayış yeri üzrə 5 (beş) ildən az müddətdə qeydiyyatda olduğu yaşayış sahələrinin təqdim edilməsindən notarius tərəfindən Vergi Məcəlləsi ilə müəyyən edilmiş ümumi qaydada ödəmə mənbəyində sadələşdirilmiş vergi hesablanır və hesablanmış vergi məbləği yaşayış sahəsini təqdim edən şəxsdən tutularaq dövlət büdcəsinə ödənilir.

Bununla yanaşı, yaşayış sahəsini satan şəxs 5 il ərzində yaşayış yeri üzrə qeydiyyatda olduğu halda həmin yaşayış sahəsinin satışı sadələşdirilmiş vergidən azaddır.

Mənbə: vergiler.az

Mühasibat və Audit xidmətləri üçün bizə müraciət edin

+994 12 598 20 70

+994 50 210 07 15

info@audit.az

17 Apr 2018

Əmək sahəsində hüquq və azadlığı pozulan işçi hara müraciət edə bilər?

by Audit.Az | posted in: Xəbər | 0

İşçilərin, hüquq və azadlıqlarının təmin və bərpası ilə əlaqədar aidiyyatı üzrə aşağıdakı dövlət və qeyri hökumət təşkilatlarına, ictimai təşkilatlara və mətbuat orqanlarına, məhkəmə orqanlarına Ərizə və Şikayətlə müraciət etmək hüququ vardır:

Əmək qanunvericiliyinə ictimai nəzarəti həyata keçirən və üzvü olduğunuz Həmkarlar İttifaqlarına. Həmkarlar İttifaqları pozulmuş hüquqlarınızın bərpası ilə əlaqədar İşəgötürənə müraciət edə bilər, sizə maddi və mənəvi dəstək verə bilər, məhkəmələrdə və digər orqanlarda sizin müdafiənizi təşkil edə bilər.
Əmək qanunvericiliyinə əməl olunmasına dövlət nəzarətini həyata keçirən Dövlət Əmək Müfəttişliyi Xidmətinə. Bu qurum hüququnuz pozulduğuğu halda İşəgötürəni maddi və inzibati məsuliyyətə cəlb edə bilər. Dövlət Əmək Müfəttişliyi Xidmətinin qərarı İşəgötürənlər üçün məcburi xarakter daşıyır.
Azərbaycan Respublikasında fəaliyyət göstərən məhkəmələrə.
Bu sahədə fəaliyyət göstərən əmək hüquqları üzrə ixtisaslaşmış Qeyri-Hökumət Təşkilatlarına.
İnsan Haqları üzrə Azərbaycan Respublikasının Ombudsmanına.
Şikayətinizin ictimailəşdirilməsi üçün Mətbuat, Televiziya və Digər Kütləvi İnformasiya Vasitələrinə.
Azərbaycan Respublikası Vətəndaşlarının hüquq və azadlıqlarının təminatçısı olan Azərbaycan Respublikasının Prezidentinə.

Müraciətlərə baxılma qaydası

Aidiyyəti və tətbiq sahələri istisna olmaqla, vətəndaşların müraciətlərinə ən geci 15 iş günü, əlavə öyrənilmə və yoxlanılma tələb edən müraciətlərə isə ən geci 30 iş günü müddətində baxılır.

Müraciətə baxılması üçün əlavə məlumatların əldə edilməsi və ya aidiyyəti üzrə sorğu göndərilməsi tələb edildikdə, müraciətə baxan subyektin vəzifəli şəxsinin müraciətə baxılması müddətini ən çoxu 30 iş günü uzatmaq hüququ vardır. Bu barədə müraciət edən vətəndaşa, habelə müraciəti baxılmaq üçün bu subyektə göndərmiş yuxarı dövlət orqanına onun tələbi ilə məlumat verilməlidir.

Müraciətə baxan subyektlər vətəndaşların qəbul edilməsini, vətəndaşların qəbulu cədvəlinə uyğun olaraq ayda bir dəfədən az olmamaqla təmin etməlidirlər.

Vətəndaşları müraciətə baxan subyektlərin rəhbərləri və ya digər vəzifəli şəxsləri qəbul edirlər.

Vətəndaşlar əvvəlcədən məlumat verilən günlərdə və saatlarda qəbul edilməlidirlər. Vətəndaşın müraciəti ilə əlaqədar təxirəsalınmaz tədbirlərin görülməsi tələb edildikdə müraciətə baxan subyektin rəhbəri və ya digər vəzifəli şəxsləri onları dərhal qəbul etməlidirlər.

Vətəndaş şəxsiyyətini təsdiq edən sənəd və ya şəxsiyyətini müəyyən edən rekvizitlər və ya elektron imza olduqda elektron xidmətlər vasitəsilə qəbula yazılır. Qəbula gəlmiş vətəndaş şəxsiyyətini təsdiq edən sənədi təqdim etməlidir.

Mənbə: nhmt-az

Mühasibat və Audit xidmətləri üçün bizə müraciət edin

+994 12 598 20 70

+994 50 210 07 15

info@audit.az

17 Apr 2018

3000 manat məvaciblə Audit Departamentinin Müdiri tələb olunur

by Audit.Az | posted in: Audit, İş elanı, Xəbər | 0

İşəgötürən: FAB Boya və Kimya Sənayesi MMC

Şəhər: Bakı
Yaş: 25 – 45 yaş
Təhsil: Ali
İş təcrübəsi: 3 ildən 5 ilə qədər

İş barədə məlumat

Audit Departamentinin vəzifə və məqsədlərini təmin etmək üçün forma, sistem və prosedurlar yaradır və tətbiq edir
Daxili nəzarət sistemlərinin mövcud olmasına ve effektiv işləməsinə nəzarət edir
Qəbul olunmuş mühasibat və audit prosedurlarına riayət olunmasını təmin edir, daxili mühasibatlıq prosedur və əməliyyat sistemlərinin adekvatlıq və effektivliyini yoxlayır
Audit planı və auditin nəticələrini şirkət rəhbərliyi ilə müzakirə edir və aşkar olunmuş problemlərin aradan qaldırılması ilə bağlı tövsiyələr verir
Daxili Audit Şöbəsinin vəzifələrini əks etdirən illik Daxili Audit planını hazırlayır
Müəyyən olunmuş vaxt çərçivəsində işlərin görülməsi üçün müvafiq cədvəllər qurur işi bölüşdürür, ehtiyac olan resursları müəyyənləşdirir
Auditin mahiyyətini əks etdirən siyasət və prosedurlar yaradır və tətbiq edir
Audit proqramının yaradılmasında rol oynayır və tətbiq edir
Audit iş qrafiklərini planlaşdırır və yoxlayır
Şirkət siyasəti və prosedurlarla bağlı digər şöbələrlə əməkdaşlıq edir
Satış nöqtələrinin auditini həyata keçirir
Satış nöqtələrində düzülüş, display, kampaniyaların tətbiqini yoxlayır
Xarici auditorlarla əməkdaşlıqda çalışır

Namizədə tələblər

İqtisadi ali təhsil, tətbiqi riyaziyyat və digər analitik ixtisaslar üzrə ali təhsil
Satış və ya bənzər sahədə audit təcrübə
Müştəri ilə ünsiyyət qurmaq bacarığı
Problemləri həll etmə bacarığı
Komanda şəklində işləmək qabiliyyəti
Ünsiyyətcil və əlaqələr qurmaq bacarığı
MS Office proqramlarından istifadə bacarığı

Şəkilli “CV”-nizi mövzu yerinə Audit Departamentinin Müdiri yazaraq cv@fabboya.az ünvanına göndərməyiniz xahiş olunur.

Telefon: (055) 500-91-00
E-mail: cv@fabboya.az
Əlaqədar şəxs: Fuad Novruzov
Əmək haqqı: 2000-3000 AZN

Mənbə: boss.az

Mühasibat və Audit xidmətləri üçün bizə müraciət edin

+994 12 598 20 70

+994 50 210 07 15

info@audit.az

16 Apr 2018

Bu bank yeni “Online hüquq məsləhətçisi” məhsulunu təklif edir

by Audit.Az | posted in: Bank, Xəbər | 0

Azərbaycanda ilk dəfə bank VTB (Azərbaycan) müştərilərinə online rejimdə hüquq məsləhəti almağa imkan verən “Online hüquq məsləhətçisi” adlı məhsul təklif edir.

Məhsul Avropa Hüquq Xidməti ilə birgə hazırlanıb və 8 ölkə – Azərbaycan, Rusiya, Ukrayna, Qazaxıstan, Belarus, Gürcüstan, Polşa və Almaniya qanunvericiliyini nəzərə alaraq müştərilərə istənilən vaxtı və onlayn rejimdə bir sıra məsələlər üzrə hüquq məsləhəti almağa imkan verir.

Təklif olunan xidmətlər sırasına standart sənədlərin və onların tərtib edilməsi üzrə təlimatların verilməsi, müxtəlif sənədlərlə bağlı məsləhətlər, biznes-layihələrin hazırlanmasında kömək, danışıqların aparılması, eləcə də bir sıra məsələlər üzrə, o cümlədən sahibkarlıq məsələləri üzrə şifahi hüquqi məsləhətlər daxildir.

“Gündəlik həyatda tez-tez hüquqi yardım və ya məsləhət tələb edən hadisələrlə rastlaşırıq. “Online hüquq məsləhətçisi” paketini əldə edərək bizim müştərilər şəxsi hüquqşünasları vasitəsi ilə həm ölkə daxilində, həm də xaricdə istənilən hüquqi məsələni həll edə bilər. Hüquqşünas müştərinin təmsilçisi kimi çıxış edərək onun yerinə danışıqlar da apara bilər” deyə – bank VTB (Azərbaycan)-ın Təhlil, metodologiya və bank məhsullarının hazırlanması şöbəsinin müdiri Rasim Xammədov qeyd edib. Müştərilərə “Online hüquq məsləhətçisi” məhsulunun 4 paketi təklif olunur, xidmətlərdən asılı olaraq paketin qiyməti 60 manatdan 125 manatadək dəyişir. Məhsuldan bir il ərzində istifadə etmək olar (əldə edən gündən etibarən).

“Online hüquq məsləhətçisi” xidmətinə bank VTB (Azərbaycan)-ın istənilən filialında qoşulmaq mümkündür. Hüquqşünasla əlaqə saxlamaq üçün aşağıdakı kommunikasiya kanallarından istifadə etmək olar: www.huquq24.az saytında şəxsi kabinet, huquq24@els24.com elektron poçtu, Skype, 088 800 2323 nömrəli pulsuz telefon (Azərbaycan üçün).

Mənbə: apa.az