Blog Full

Dövlət Reklam Agentliyi 2024-cü il üzrə maliyyə hesabatlarının beynəlxalq standartlara uyğun auditi ilə bağlı elan etdiyi açıq tenderə yekun vurub.

Tenderin qalibi “RSM Azerbaijan” MMC-dir.

Qalib şirkətə 34 min manat ödəniləcək.

Ötən il də bu tenderin qalibi “RSM Azerbaijan” MMC olub. Şirkətə 60 min manat ödənilib.

Mənbə: report.az

“XX” MMC tərəfindən tətbiq etdiyi platforma vasitəsilə üçüncü şəxslərin mülkiyyətində olan daşınmaz əmlakın həmin platformada yerləşdirilməsi və bundan sonra günlük və ya aylıq icarə xidmətinə görə platformaya müraciət edən şəxslərə bu sahədə vasitəçilik (agent) xidmətinin göstərilməsi (subicarə fəaliyyəti göstərilmir) həyata keçirilir və ödənişlər cəmiyyət vasitəsilə aparılır. Platformanın istifadəçi sayının minlərlə ev sahibi olması gözlənilir. Bu halda cəmiyyət fiziki şəxslərin icarə haqqı gəlirlərini ödəyərkən yaranmış vergi öhdəliyini yerinə yetirə bilərmi?

İqtisadiyyat Nazirliyi yanında Dövlət Vergi Xidmətindən bildirilib ki, Vergi Məcəlləsinin 124.1-ci maddəsinin müddəalarına əsasən, daşınar və daşınmaz əmlak üçün icarə haqqından ödəmə mənbəyində 14 faiz dərəcə ilə vergi tutulur. 2025-ci il yanvarın 1-dən Vergi Məcəlləsinin sözügedən maddəsində edilmiş dəyişikliklərə əsasən, icarə haqqı vergi ödəyicisi kimi uçotda olmayan fiziki şəxs tərəfindən ödənildikdə icarəyə verən özü və ya onun təyin etdiyi vergi agenti bu maddəyə uyğun olaraq 14 faiz dərəcə ilə vergini ödəyir və bu Məcəllənin 33-cü və 149-cu maddələri üzrə vergi uçotuna alınıb bəyannamə verir. Buna əsasən, icarə haqqı vergi ödəyicisi kimi uçotda olmayan şəxslər tərəfindən ödənildikdə və cəmiyyət icarəyə verən fiziki şəxslər tərəfindən agent təyin edildikdə həmin fiziki şəxslərin icarə haqqı gəlirlərindən 14 faiz dərəcə ilə verginin tutulması və bəyan edilməsi cəmiyyət tərəfindən həyata keçirilir.

Əsas: Vergi Məcəlləsinin 124.1-ci maddəsi.

Mənbə: vergiler.az

Prezident yanında Antiinhisar və İstehlak Bazarına Nəzarət Dövlət Xidmətinin tabeliyində olan Azərbaycan Standartlaşdırma İnstitutu (AZSTAND) 2024-cü ilin mənfəət bəyannaməsi üzrə audit yoxlaması üçün açıq tender elan edib.

Tenderdə iştirak haqqı 12 manatdır.

İddiaçılar təkliflərini sentyabrın 3-ü, saat 14:00-a qədər AZSTAND-ın yerləşdiyi Bakı şəhəri, Nərimanov rayonu, Elçin İsaqzadə qəsəbəsi, 7-ci köndələn ünvanına təqdim edə bilərlər.

Təkliflərə sentyabrın 3-də, saat 14:00-da qeyd olunan ünvanda baxılacaq.

Ötən il bu tenderin qalibi “Azəruçot” MMC olub. Şirkətə 3 min manat ödənilib.

Mənbə: report.az

Mövzunu “Turan” Tədris Mərkəzinin təlimçisi və vergi eksperti Cavid Vəlizadə şərh edir.

Qanunvericiliyə əsasən, amortizasiya – uzunmüddətli aktivlərin faydalı xidmət müddəti ərzində dəyərinin müntəzəm surətdə azalması deməkdir. Sadə dildə desək, amortizasiya köhnəlmə anlamı verir.

Aktivlər xarakterinə görə iki qrupa bölünür: maddi aktivlər və qeyri-maddi aktivlər.

Vergi Məcəlləsinin 13.2.17-ci maddəsinə əsasən, əsas vəsaitlər dedikdə istifadə müddəti bir ildən çox olan və dəyəri 500 manatdan çox olan, bu Məcəllənin 114-cü maddəsinə uyğun olaraq amortizasiya edilməli olan maddi aktivlər nəzərdə tutulur.

Vergi Məcəlləsinin 13.2.9-cu maddəsində isə göstərilib ki, qeyri-maddi aktivlər dedikdə intellektual, o cümlədən ticarət nişanları, digər sənaye mülkiyyəti obyektləri, habelə müvafiq qanunvericiliklə müəyyən edilmiş qaydada vergi ödəyicisinin mülkiyyət hüququnun obyekti kimi tanınan digər analoji hüquqlar nəzərdə tutulur.

Maddələrə əsasən, qeyri-maddi aktivlər əsas vəsait hesab edilmir. Vergi Məcəlləsində “yalnız əsas vəsaitlər amotizasiya olunur” kimi bir anlayış da qeyd edilməyib. Deməli, dəyəri 500 manatdan az olan qeyri-maddi aktivlər uçota alınmalı və amortizasiya edilməlidir.

Vergi Məcəlləsinin 114.3.6-cı maddəsinə əsasən, qeyri-maddi aktivlər – istifadə müddəti məlum olmayanlar üçün 10 faizədək, istifadə müddəti məlum olanlar üçün isə illər üzrə istifadə müddətinə mütənasib məbləğlərlə amortizasiya olunur.

Misal

Müəssisə 450 manata qeyri-maddi aktiv alıb. Bu aktivin 5 il istifadə müddəti var. Ona görə illik 90 manat amortizasiya məbləği hesablanaraq gəlirdən çıxılan xərc kimi nəzərə alınacaq:
450 : 5 = 90 manat.

Mənbə: vergiler.az