Blog Full - Audit.Az

Oxunma sayı: 132. 496

18 Sen 2019

Əmək birjası ilə bağlı Qaydalar təsdiq olunub

by Audit.Az | posted in: Xəbər | 0

“Əmək birjalarının və əmək yarmarkalarının təşkili və fəaliyyəti Qaydası”nın təsdiq edilməsi haqqında (Əmək birjası)

“Məşğulluq haqqında” Azərbaycan Respublikasının 2018-ci il 29 iyun tarixli 1196-VQ nömrəli Qanununun tətbiqi barədə” Azərbaycan Respublikası Prezidentinin 2018-ci il 24 avqust tarixli 233 nömrəli Fərmanının 1.1.8-ci yarımbəndinin icrasını təmin etmək məqsədilə Azərbaycan Respublikasının Nazirlər Kabineti qərara alır:

“Əmək birjalarının və əmək yarmarkalarının təşkili və fəaliyyəti Qaydası” təsdiq edilsin (əlavə olunur).
Bu Qərarda dəyişikliklər Azərbaycan Respublikası Prezidentinin 2002-ci il 24 avqust tarixli 772 nömrəli Fərmanı ilə təsdiq edilmiş “İcra hakimiyyəti orqanlarının normativ hüquqi aktlarının hazırlanması və qəbul edilməsi qaydası haqqında Əsasnamə”nin 2.6-1-ci bəndinə uyğun edilə bilər.

Azərbaycan Respublikasının
Baş Naziri Novruz Məmmədov

Azərbaycan Respublikası Nazirlər
Kabinetinin 2019-cu il 16 sentyabr
tarixli 412 nömrəli Qərarı ilə
təsdiq edilmişdir.

Əmək birjalarının və əmək yarmarkalarının təşkili və fəaliyyəti
QAYDASI
1. Ümumi müddəalar

1.1. Bu Qayda “Məşğulluq haqqında” Azərbaycan Respublikası Qanununun 23.3-cü maddəsinə əsasən hazırlanmışdır və əmək birjalarının (bundan sonra – Birja) və əmək yarmarkalarının (bundan sonra – Yarmarka) təşkili və fəaliyyəti qaydasını müəyyən edir.

1.2. “Məşğulluq haqqında” Azərbaycan Respublikası Qanununun 23-cü maddəsinə əsasən birjalar və yarmarkalar əmək bazarında tələb və təklif, habelə daxil olan sifarişlər əsasında əhalinin müvəqqəti məşğulluğunun təmin olunması, işaxtaran və işsiz şəxslərin müvafiq inzibati ərazi vahidi üzrə mövcud olan vakant iş yerləri haqqında məlumat əldə etməsi, aktiv məşğulluq tədbirlərinə cəlb olunması, işəgötürənlərin qısa müddətdə zəruri peşəyə, ixtisasa və təcrübəyə malik olan kadrların seçiminə köməklik göstərilməsi məqsədilə təşkil edilir.

1.3. Bu Qaydada istifadə olunan anlayışlar aşağıdakı mənaları ifadə edir:

1.3.1. Yarmarka – Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Məşğulluq Xidmətinin (bundan sonra – Xidmət) şəhər, rayon məşğulluq orqanları və ya “DOST” mərkəzləri tərəfindən işsiz və işaxtaran şəxslərin işəgötürənlərlə bilavasitə təmas yaratmaqla işə düzəlmələrinə köməklik göstərilməsi məqsədilə keçirilən aktiv məşğulluq tədbiridir;

1.3.2. Birja – hüquqi və ya fiziki şəxslərdən (bundan sonra – Sifarişçi) daxil olan sifarişlər əsasında işsiz və işaxtaran şəxslərin müvəqqəti məşğulluğunun təmin olunması məqsədilə Xidmətin şəhər, rayon məşğulluq orqanları və ya “DOST” mərkəzləri tərəfindən həyata keçirilən xidmətdir.

1.4. Bu Qaydada istifadə olunan digər anlayışlar Azərbaycan Respublikasının Əmək Məcəlləsi, “Məşğulluq haqqında” və “İşsizlikdən sığorta haqqında” Azərbaycan Respublikasının qanunları ilə müəyyənləşdirilmiş mənaları ifadə edir.

2. Yarmarkanın təşkili məqsədi və formaları

2.1. Yarmarkanın təşkili məqsədləri aşağıdakılardır:

2.1.1. işəgötürənlərə yarmarka iştirakçıları arasından lazımi kadr seçmək, həmçinin işaxtaranlarla birbaşa müsahibələr keçirmək imkanının yaradılması;

2.1.2. işsiz və işaxtaran şəxslərin aktiv əmək bazarı proqramları, vakant iş yerləri barədə məlumatlandırılması, iş axtarışı üsulu, əmək bazarında özünü təqdimetmə, peşə istiqamətinin seçilməsi ilə bağlı məsləhətlərin verilməsi.

2.2. Yarmarkanın təşkili formaları aşağıdakılardır:

2.2.1. iqtisadiyyatın bütün sahələrini əhatə edən peşə və ixtisaslar üzrə ümumi yarmarkalar;

2.2.2. ayrı-ayrı regionlar üzrə yerli əmək bazarının tələblərinə uyğun keçirilən mini yarmarkalar;

2.2.3.əmək bazarının tələbləri nəzərə alınmaqla, iqtisadiyyatın ayrı-ayrı sahələri üzrə ixtisaslaşmış yarmarkalar.

3. Yarmarkanın təşkili və fəaliyyəti

3.1. Yarmarkanın təşkil edilməsi üçün Xidmətin şəhər, rayon məşğulluq orqanları və ya “DOST” mərkəzləri tərəfindən mövcud olan vakansiyalar əsasında işəgötürənlərin işçi qüvvəsinə real tələbatı öyrənilir.

3.2. Tələbat nəzərə alınaraq, hər bir inzibati ərazi vahidi üzrə Yarmarkanın təşkili qrafiki Xidmət tərəfindən təsdiq edilir. Yarmarka təsdiq edilmiş qrafikə uyğun, lakin üç ayda bir dəfədən az olmayaraq təşkil olunur.

3.3. Yarmarkanın təşkili məqsədilə müvafiq Yarmakanın təşkil edildiyi aydan əvvəlki ayın 20-dən gec olmayaraq Xidmət tərəfindən fəaliyyət planı hazırlanır və təsdiq edilir. Fəaliyyət planında aşağıdakı məlumatlar öz əksini tapır:

3.3.1. Yarmarkanın yeri, tarixi və vaxtı;

3.3.2. Yarmarkada iştirak edəcək işsiz və işaxtaran şəxslərin sayı, təhsil səviyyəsi, peşə və ixtisaslar üzrə bölgüsü;

3.3.3. Yarmarkada iştirak edəcək işəgötürənlərin (müəssisələrin) sayı, iqtisadi fəaliyyət sahəsi;

3.3.4. Yarmarkaya təqdim olunacaq vakansiyaların sayı, peşə və ixtisaslar üzrə bölgüsü;

3.3.5. Yarmarkanın keçirilməsi üzrə xərclər smetası.

3.4. Bu Qaydanın 3.3.1-ci və 3.3.4-cü yarımbəndlərində göstərilən məlumatlar Nazirliyin rəsmi internet səhifəsində dərc edilir və MAS-da işaxtaran və işsiz kimi qeydiyyatda olan şəxslərin elektron kabinetində yerləşdirilir.

3.5. Yarmarkada işsiz və işaxtaran şəxslərə işəgötürənlərlə bilavasitə təmas yaratmaqla aşağıdakı xidmətlər göstərilir:

3.5.1. karyera imkanları, əmək bazarı və peşələr haqqında məlumatlar verilir;

3.5.2. peşə seçiminə istiqamətləndirilir;

3.5.3. peşə hazırlığına cəlb edilir;

3.5.4. haqqı ödənilən ictimai işlərə cəlb edilir;

3.5.5. iş yerlərinə göndəriş verilir.

4. Birjanın təşkili və fəaliyyəti

4.1. Birja Sifarişçinin müraciəti əsasında işsiz və işaxtaran şəxsləri birdəfəlik, qısamüddətli, mövsümi işlərə cəlb etməklə onların məşğulluğunu təmin edir.

4.2. İşaxtaran və ya işsiz kimi qeydiyyata alınmış şəxs Birjada qeydiyyata alınmaq hüququna malikdir. Bunun üçün həmin şəxs “Elektron hökumət” və ya “e-sosial” portallarının mövcud autentifikasiya vasitələrindən istifadə etməklə MAS-da bu Qaydanın 1 nömrəli əlavəsinə uyğun “Müraciət-Ərizə”ni dolduraraq təsdiq edir.

4.3. Birja tərəfindən sifarişlərin qəbulu Sifarişçi tərəfindən MAS-da bu Qaydanın 2 nömrəli əlavəsinə uyğun doldurularaq təsdiq edilmiş “Müraciət-Ərizə” əsasında, telefon vasitəsilə və ya birbaşa Xidmətin şəhər, rayon məşğulluq orqanlarına və ya “DOST” mərkəzlərinə müraciət etməklə qəbul olunur. Telefon vasitəsilə daxil olan hər bir sifariş və onu yerinə yetirən şəxs barədə məlumatlar Xidmətin şəhər, rayon məşğulluq orqanları və ya “DOST” mərkəzləri tərəfindən MAS-a daxil edilir.

4.4. Birjada sifarişlərin qəbul edilməsi, işaxtaran və işsiz şəxslərin qeydiyyatı və müvəqqəti işlə təmin edilməsi, habelə məlumat verilməsi, məsləhət xidmətlərinin göstərilməsi ödənişsiz həyata keçirilir.

4.5. Sifarişçi və bu Qaydanın 4.2-ci bəndində nəzərdə tutulmuş şəxs arasında münasibətlər onlar arasında bağlanılmış əmək müqaviləsi və ya mülki-hüquqi xarakterli müqavilə əsasında tənzimlənir.

“Əmək birjalarının və əmək
yarmarkalarının təşkili və
fəaliyyəti Qaydası”na
1 nömrəli əlavə

İşaxtaran və ya işsiz kimi qeydiyyata alınmış şəxslərin
Birjada qeydiyyata alınması üçün
Müraciət-Ərizə

İşaxtaran və işsiz şəxsin:
Fərdi identifikasiya nömrəsi
İşaxtaran kimi qeydiyyat nömrəsi*
İşsiz kimi qeydiyyat nömrəsi*
Soyadı, adı, atasının adı*
Elektron poçt ünvanı (olduğu halda)*
Telefon nömrəsi*
İxtisası/peşəsi*
Qeyd

* MEİS tərəfindən avtomatik müəyyən edilən məlumatlar.

“Əmək birjalarının və əmək
yarmarkalarının təşkili və
fəaliyyəti Qaydası”na
2 nömrəli əlavə

Birja tərəfindən sifarişlərin qəbulu üçün
Müraciət-Ərizə

Hüquqi şəxsin: – adı – VÖEN-i – hüquqi və faktiki ünvanı – elektron poçt ünvanı (olduğu halda) – telefon nömrəsi
Fiziki şəxsin: – fərdi identifikasiya nömrəsi – VÖEN-i (olduğu halda) – soyadı, adı, atasının adı – elektron poçt ünvanı (olduğu halda) – telefon nömrəsi
İşin təsviri
İşin həcmi
Tələb olunan işçilərin sayı
İşin yerinə yetirilməsi vaxtı və müddəti
Qeyd

Mənbə: cabmin.gov.az

Teleqram kanalımıza üzv olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

əmək birjası,əmək birjası, əmək birjası, əmək birjası, əmək birjası

18 Sen 2019

Yeni və boşalan iş yeri barədə məlumatların işlənməsi Qaydası və forması təsdiq olunub

by Audit.Az | posted in: Xəbər | 0

“Yeni iş yeri və ya boşalan iş yeri barədə məlumatların elektron informasiya sisteminə daxil edilməsi Qaydası və Forması”nın təsdiq edilməsi haqqında

“Məşğulluq haqqında” Azərbaycan Respublikasının 2018-ci il 29 iyun tarixli 1196-VQ nömrəli Qanununun tətbiqi barədə” Azərbaycan Respublikası Prezidentinin 2018-ci il 24 avqust tarixli 233 nömrəli Fərmanının 1.1.7-ci yarımbəndinin icrasını təmin etmək məqsədilə Azərbaycan Respublikasının Nazirlər Kabineti qərara alır:

“Yeni iş yeri və ya boşalan iş yeri barədə məlumatların elektron informasiya sisteminə daxil edilməsi Qaydası və Forması” təsdiq edilsin (əlavə olunur).
Bu Qərarda dəyişikliklər Azərbaycan Respublikası Prezidentinin 2002-ci il 24 avqust tarixli 772 nömrəli Fərmanı ilə təsdiq edilmiş “İcra hakimiyyəti orqanlarının normativ hüquqi aktlarının hazırlanması və qəbul edilməsi qaydası haqqında Əsasnamə”nin 2.6-1-ci bəndinə uyğun edilə bilər.

Azərbaycan Respublikasının
Baş Naziri Novruz Məmmədov

Azərbaycan Respublikası Nazirlər
Kabinetinin 2019-cu il 16 sentyabr
tarixli 411 nömrəli Qərarı ilə
təsdiq edilmişdir.

Yeni iş yeri və ya boşalan iş yeri barədə məlumatların elektron informasiya sisteminə daxil edilməsi Qaydası və Forması

1. Ümumi müddəalar

1.1. “Yeni iş yeri və ya boşalan iş yeri barədə məlumatların elektron informasiya sisteminə daxil edilməsi Qaydası və Forması” (bundan sonra – Qayda) “Məşğulluq haqqında” Azərbaycan Respublikası Qanununun (bundan sonra – Qanun) 18.3-cü maddəsinə uyğun olaraq hazırlanmışdır və yeni iş yeri və ya boşalan iş yeri barədə məlumatların Azərbaycan Respublikası Əmək və Əhalinin Sosial Müdafiəsi Nazirliyinin (bundan sonra – Nazirlik) Mərkəzləşdirilmiş Elektron İnformasiya Sisteminin (bundan sonra – MEİS) “Məşğulluq” altsisteminə (bundan sonra – MAS) daxil edilməsi qaydasını və formasını müəyyən edir.

1.2. Bu Qaydada istifadə olunan əsas anlayışlar Azərbaycan Respublikasının Əmək Məcəlləsi, “Məşğulluq haqqında” və “İşsizlikdən sığorta haqqında” qanunları ilə müəyyənləşdirilmiş mənaları ifadə edir.

2.Yeni iş yeri və ya boşalan iş yeri barədə məlumatların əldə olunması və MAS-a daxil edilməsi

2.1. İşəgötürənlər yeni iş yeri yarandığı və ya iş yeri boşaldığı gündən ən geci 5 (beş) iş günü müddətində əməkhaqqı göstərilməklə bu barədə məlumatı “Elektron hökumət” və ya Nazirliyin “e-sosial” internet portallarından istifadə etməklə MAS-da formalaşdırılmış “Vakansiya Bankı”na daxil edirlər.

2.2. Qanunun 7.2-ci maddəsinə əsasən MAS işəgötürənlərin əmək müqaviləsi bildirişi və vakansiya bankının məlumatları əsasında hər bir işəgötürən üzrə ştat vahidlərinə dair cədvəl yaradır.

2.3. İşəgötürənlər boş olan iş yerlərini ləğv etdikdə, ştat vahidlərinə dair cədvəldə nəzərə alınması məqsədilə Nazirliyə bu barədə 5 (beş) iş günü müddətində rəsmi məlumat verməlidirlər.

2.4. Bu Qaydanın 2.3-cü bəndində göstərilən müddətdə məlumatlar Nazirliyə təqdim edilmədiyi halda, həmin iş yeri MAS tərəfindən vakansiya bankına daxil edilir.

2.5. İşəgötürənlər yeni iş yeri və ya boşalan iş yeri barədə məlumatları MAS-a bu Qaydanın 1 nömrəli əlavəsinə uyğun daxil edirlər.

“Yeni iş yeri və ya boşalan iş yeri barədə
məlumatların elektron informasiya sisteminə
daxil edilməsi Qaydası və Forması”na
Əlavə

Yeni iş yeri və ya boşalan iş yeri barədə məlumatların elektron
informasiya sisteminə daxil edilməsi forması

1	2	3
1.	vergi ödəyicisinin eyniləşdirmə nömrəsi
2.	işəgötürənin adı*
3.	təşkilati hüquqi forması*
4.	mülkiyyət növü (dövlət, özəl, bələdiyyə)*
5.	iqtisadi fəaliyyət növü **
6.	ünvanı (şəhər/rayon, küçə) *
7.	elektron poçt ünvanı (olduğu halda)
8.	telefonu
9.	yeni iş yeri və ya boşalan iş yerinin sayı
10.	yeni iş yeri və ya boşalan iş yeri, vəzifə (peşə)
11.	yeni iş yeri və ya boşalan iş yerinin faktiki yaradıldığı ünvan
12.	əmək müqaviləsinin müddəti: – müddətli; – müddətsiz
13.	əmək stajı tələbi
14.	iş vaxtının növləri: – tam iş vaxtı; – natamam iş vaxtı; – qısaldılmış iş vaxtı
15.	əməkhaqqının məbləği (manat)
16.	tələb olunan təhsil səviyyəsi: – ümumi orta təhsil; – tam orta təhsil; – peşə təhsili; – orta-ixtisas təhsili; – ali təhsil: – bakalavriat; – magistratura; – doktorantura; – tələb olunmur

17.	tələb olunan peşə (ixtisas)
18.	iş yeri üzrə əmək funksiyası
19.	ixtisas üzrə zəruri bilik, bacarıq və səriştələr
20.	digər bilik, bacarıq və səriştələr
21.	vəzifənin (peşənin) tutulma şərtləri: – müsabiqə əsasında; – müsahibə əsasında; – yoxdur
22.	yeni iş yeri və ya boşalan iş yerinə cəlb edilmiş şəxslərin sayı

* MEİS-dən əldə edilən məlumatlar

Qeyd. ** İqtisadi fəaliyyət növləri üzrə bölgü:

A kənd təsərrüfatı meşə təsərrüfatı və balıqçılıq

B mədənçıxarma sənayesi

C emal sənayesi

D elektrik enerjisi qaz buxar və kondisiyalaşdırılmış hava ilə təchizat

E su təchizatı çirkli suların və tullantıların təmizlənməsi

F tikinti

G topdan və pərakəndə ticarət avtomobillərinin və motosikletlərinin təmiri

H nəqliyyat və anbar təsərrüfatı

I yaşayışın təşkili və ictimai iaşə

J informasiya və rabitə

K maliyyə və sığorta fəaliyyəti

L daşınmaz əmlakla əlaqədar əməliyyatlar

M peşə elmi və texniki fəaliyyət

N inzibati və yardımçı xidmətlərin göstərilməsi

O dövlət idarəetməsi və müdafiə; sosial təminat

P təhsil

Q əhaliyə səhiyyə və sosial xidmətlərin göstərilməsi

R istirahət, əyləncə və incəsənət sahəsində fəaliyyət

S digər sahələrdə xidmətlərin göstərilməsi

T ev təsərrüfatlarının fəaliyyəti; fərdi istehlak üçün ev təsərrüfatlarının istehsal etdiyi mal və xidmətlərə dair fəaliyyət

U toxunulmazlıq hüququ olan təşkilatların fəaliyyəti

Mənbə: cabmin.gov.az

Teleqram kanalımıza üzv olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

boşalan iş yeri

18 Sen 2019

Təcrübə müqaviləsinin Nümunəvi Forması təsdiq edilib

by Audit.Az | posted in: Xəbər | 0

“İş yerində təcrübə müqaviləsinin Nümunəvi Forması”nın təsdiq edilməsi haqqında Təcrübə müqaviləsi)

“Peşə təhsili haqqında” Azərbaycan Respublikasının 2018-ci il 24 aprel tarixli 1071-VQ nömrəli Qanununun tətbiqi barədə” Azərbaycan Respublikası Prezidentinin 2018-ci il 18 iyun tarixli 140 nömrəli Fərmanının 1.1.7-ci yarımbəndinin icrasını təmin etmək məqsədilə Azərbaycan Respublikasının Nazirlər Kabineti qərara alır:

“İş yerində təcrübə müqaviləsinin Nümunəvi Formasi” təsdiq edilsin (əlavə olunur).

Azərbaycan Respublikasının
Baş Naziri Novruz Məmmədov

Azərbaycan Respublikası Nazirlər
Kabinetinin 2019-cu il 16 sentyabr
tarixli 413 nömrəli Qərarı ilə
təsdiq edilmişdir.

İş yerində təcrübə müqaviləsinin
Nümunəvi Forması

№

(müqavilənin bağlanıldığı yer) “ ” 20 il

Bundan sonra “İşəgötürən” adlandırılacaq _________________________________________________________

(soyadı, adı, atasının adı və şəxsiyyət vəsiqəsinin seriyası və nömrəsi)

şəxsində təmsil olunan ,

(idarənin, müəssisənin, təşkilatın adı və VÖEN-i)

“Təhsilalan” adlandırılacaq ,

(soyadı, adı, atasının adı və şəxsiyyət

____________________________

vəsiqəsinin seriyası və nömrəsi)

bundan sonra Təhsilalanın peşə təhsili aldığı “Peşə təhsili müəssisəsi”

(idarənin, müəssisənin, təşkilatın adı və VÖEN-i)

adlandırılacaq müəssisənin rəhbəri _______________________________

(soyadı, adı, atasının adı və şəxsiyyət

______________________________________________________________________________________

vəsiqəsinin seriyası və nömrəsi)

arasında (bundan sonra – “Tərəf” və ya “Tərəflər” adlandırılacaq) İşəgötürənin iş yerlərində Təhsilalanın istehsalat təlimi və təcrübəsi (bundan sonra – təcrübə) keçməsi məqsədilə “Peşə təhsili haqqında” Azərbaycan Respublikası Qanununun 11.3-cü maddəsinə uyğun olaraq aşağıdakı şərtlərə əsasən bu Müqaviləni bağladılar.

1. Müqavilənin predmeti və ümumi şərtləri

1.1. Müqavilənin məqsədi Peşə təhsili müəssisəsində ixtisası üzrə təhsil alan Təhsilalanın peşə

(peşə ixtisasının şifri və adı)

təhsili və təlimi proqramının praktiki hissəsini mənimsəməsi məqsədilə təcrübənin həyata keçirilməsidir.

1.2. Təhsilalanın bilik, bacarıq və səriştəsinin qiymətləndiril- məsi təcrübənin sonunda İşəgötürənin nümayəndələri və Peşə təhsili müəssisəsinin nümayəndələri tərəfindən birgə həyata keçirilir.

1.3. Təcrübənin sonunda Təhsilalana müəssisədə təcrübə keçməsinə dair İşəgötürən və Peşə təhsili müəssisəsi tərəfindən imzalanmış xasiyyətnamə verilir.

1.4. İşəgötürən təcrübə başa çatdıqdan sonra Təhsilalanı işlə təmin etmək öhdəliyi daşımır.

1.5. Təcrübə dövründə Təhsilalanın İşəgötürənlə əmək münasibətləri Azərbaycan Respublikasının Əmək Məcəlləsinə və “Peşə təhsili haqqında” Azərbaycan Respublikası Qanununun 11-ci maddəsinə əsasən tənzimlənir. Təhsilalan ilə İşəgötürən arasında təcrübə dövrü üçün sınaq müddəti müəyyən edilmədən müddətli əmək müqaviləsi bağlanılır və Təhsilalana onun ixtisasına uyğun yerinə yetirdiyi iş və xidmətlərə görə aylıq iş vaxtı norması tam işlənildikdə, İşəgötürən tərəfindən minimum aylıq əməkhaqqından az olmamaq şərtilə əməkhaqqı ödənilir.

2. Müqavilənin müddəti

2.1. Müqavilə _________________________ təcrübə müddətinə bağlanılmışdır.

(aylıq, həftəlik, günlük)

2.2. Təhsilalan “ ” 20 il tarixindən iş yerində təcrübəyə başlayır.

3. Tərəflərin hüquq və vəzifələri

3.1. İşəgötürənin təcrübə ilə bağlı hüquqları aşağıdakılardır:

3.1.1. müəssisədaxili intizam, sanitariya və təhlükəsizlik qaydalarına əməl edilməsini Təhsilalandan tələb etmək;

3.1.2. Təhsilalandan kommersiya sirrinin qorunmasını tələb etmək;

3.1.3. iş yerində təcrübə müddətində əmlakına və işgüzar nüfuzuna vurulmuş zərərin əvəzinin ödənilməsini Təhsilalandan tələb etmək;

3.1.4. iş yerində təcrübənin təşkilini və idarə edilməsini təmin etmək məqsədilə zəruri sənədləri Peşə təhsili müəssisəsindən (tədris vəsaitləri və proqramları, cədvəl və s.) tələb etmək;

3.1.5. təcrübəyə rəhbər təyin etdiyi mütəxəssisə müəssisədə aldığı əməkhaqqından əlavə, müvafiq qanunvericiliyə əsasən təcrübə saatları üçün nəzərdə tutulmuş məbləğdə əlavə əməkhaqqı ödənilməsini Peşə təhsili müəssisəsindən tələb etmək;

3.1.6. Tərəflərin qanunvericiliklə və Müqavilə ilə müəyyən edilən vəzifələrinin icra edilməsini tələb etmək.

3.2. İşəgötürənin təcrübə ilə bağlı vəzifələri aşağıdakılardır:

3.2.1. təcrübəyə rəhbərlik etmək üçün mütəxəssis təyin etmək;

3.2.2. Təhsilalanı əməyin mühafizəsi, təhlükəsizlik texnikası və sanitariya-gigiyena norma və qaydaları, avadanlıqların istismar qaydaları, müəssisədaxili intizam qaydaları ilə təlimatlandırmaq;

3.2.3. Azərbaycan Respublikasının qanunvericiliyinə uyğun olaraq Təhsilalanın sağlamlığının və əməyinin mühafizəsinin təmin olunması üçün onu əməyin mühafizəsi, təhlükəsizlik texnikası və sanitariya-gigiyena norma və qaydalarına cavab verən iş yeri və əmək şəraiti ilə təmin etmək;

3.2.4. “İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında” Azərbaycan Respublikası Qanununun 4-cü maddəsinə və “Peşə təhsili haqqında” Azərbaycan Respublikası Qanununun 20.2-ci maddəsinə əsasən təcrübə keçən Təhsilalanı istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta etmək;

3.2.5. Təhsilalanı müvafiq olaraq istehsalat tapşırıqları, sənədlər, texniki və xidmət vasitələri ilə təmin etmək;

3.2.6. təcrübəyə cəlb olunmuş Təhsilalan tərəfindən yerinə yetirilən işlərin, xidmətlərin, eləcə də iş vaxtının uçotunu aparmaq;

3.2.7. “Peşə təhsili haqqında” Azərbaycan Respublikası Qanununun 11.6-cı maddəsinin tələblərinə uyğun olaraq iş yerində təcrübə müqaviləsi əsasında təcrübəyə cəlb olunan Təhsilalana ixtisasına uyğun olaraq yerinə yetirdiyi iş və xidmətlərə görə hər ay əmək müqaviləsində nəzərdə tutulan məbləğdə əməkhaqqı ödəmək;

3.2.8. Təhsilalana təcrübəni yerinə yetirməsi üçün lazımi şərait yaratmaq və Təhsilalanın peşə təhsili və təlimi proqramında nəzərdə tutulmayan və ixtisasına aidiyyəti olmayan peşə və ya vəzifələrdə işlədilməsinə yol verməmək;

3.2.9. Təhsilalana istehsalatda baş verən bədbəxt hadisə və ya peşə xəstəliyi halları barədə qanunvericiliklə müəyyən olunmuş qaydada vaxtında məlumat vermək;

3.2.10. Təhsilalanın işə davamiyyətini nəzarətdə saxlamaq, Təhsilalan tərəfindən əmək intizamının və müəssisədaxili intizam qaydalarının pozulması hallarına yol verildikdə, Peşə təhsili müəssisəsinə bu barədə yazılı məlumat vermək;

3.2.11. təcrübənin sonunda Təhsilalanın müəssisədə təcrübə keçməsinə dair xasiyyətnaməni tərtib etmək;

3.2.12. müvafiq ixtisas üzrə Təhsilalanın yekun qiymətləndirilməsi prosesində iştirak etmək;

3.2.13. Təhsilalanı müvafiq peşə üzrə xüsusi geyim və ayaqqabı, fərdi mühafizə vasitələri ilə təmin etmək.

3.3. Təhsilalanın hüquqları aşağıdakılardır:

3.3.1. həyatının, sağlamlığının və əməyinin mühafizəsini təmin edən əmək şəraitində çalışmaq, habelə belə şəraitin yaradılmasını İşəgötürəndən tələb etmək;

3.3.2. iş vaxtından artıq vaxtda işə cəlb olunduqda, əlavə əməkhaqqı almaq və ya onun verilməsini tələb etmək;

3.3.3. əmək müqaviləsi ilə müəyyən edilmiş əmək funksiyasına daxil olmayan işləri (xidmətləri) yerinə yetirməkdən imtina etmək, belə işləri (xidmətləri) icra etdikdə isə müvafiq əlavə əməkhaqqının verilməsini tələb etmək;

3.3.4. qanunvericiliklə müəyyən olunmuş bayram və həftələrarası istirahət günlərindən, həmçinin iş günü ərzində istirahət vaxtından istifadə etmək;

3.3.5. əmək funksiyasının yerinə yetirilməsi zamanı əmlakına və səhhətinə dəyən ziyanın ödənilməsini tələb etmək;

3.3.6. ixtisasına uyğun olaraq yerinə yetirdiyi iş və xidmətlərə görə hər ay əmək müqaviləsində nəzərdə tutulmuş məbləğdə əməkhaqqı almaq;

3.3.7. işəgötürən tərəfindən qanunvericiliklə müəyyən olunmuş qaydada məcburi sosial sığorta və istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta olunmaq;

3.3.8. sosial müdafiə üzrə müavinətlərdən və güzəştlərdən istifadə etmək;

3.3.9. təcrübənin sonunda təcrübə keçməsinə dair xasiyyətnamə almaq;

3.3.10. elektron informasiya sistemindən onunla bağlı qeydiyyata alınmış əmək müqaviləsi bildirişinin məlumatlarını real vaxt rejimində əldə etmək;

3.3.11. Tərəflərin qanunvericiliklə və Müqavilə ilə müəyyən edilən vəzifələrinin icra edilməsini tələb etmək.

3.4. Təhsilalanın vəzifələri aşağıdakılardır:

3.4.1. Müqavilə əsasında iş yerlərində keçirilən təcrübədə iştirak etmək, bilik, bacarıq və səriştələrə yiyələnmək;

3.4.2. ixtisas üzrə verilən təlimatlara əməl etmək, tapşırılan işi diqqətlə və vaxtında yerinə yetirmək;

3.4.3. müəssisədaxili intizam qaydalarına əməl etmək, işçilərin şərəf və ləyaqətinə hörmətlə yanaşmaq;

3.4.4. əmək alətləri, avadanlıqlar və digər ləvazimatlarla ehtiyatla davranmaq, əməyin mühafizəsi və təhlükəsizlik texnikası qaydalarına riayət etmək;

3.4.5. İşəgötürənin kommersiya sirrini qorumaq; 3.4.6. əmək müqaviləsinin şərtlərinə və iş rejiminə riayət etmək;

3.4.7. təcrübədə iştirak edə bilmədikdə həm İşəgötürən və həm də Peşə təhsili müəssisəsi tərəfindən təyin edilmiş təcrübə rəhbərlərini yazılı şəkildə əvvəlcədən məlumatlandırmaq, qanunvericiliklə müəyyən olunmuş qaydada verilmiş xəstəlik vərəqəsinin (əmək qabiliyyətini itirmək vərəqəsinin) əslini əmək qabiliyyətinin müvəqqəti itirilməsinə görə müavinətin hesablanması üçün mühasibatlığa, surətlərini İşəgötürənin müəyyən etdiyi təcrübə rəhbərinə və Peşə təhsili müəssisəsinə təqdim etmək;

3.4.8. qanunvericiliklə tələb olunduğu halda, təcrübə proqramının başlanğıcında sağlamlığı haqqında tibbi arayışı İşəgötürənə təqdim etmək.

3.5. Peşə təhsili müəssisəsinin hüquqları aşağıdakılardır:

3.5.1. iş yerində təcrübənin təşkili və idarə olunmasında iştirak etmək, bununla bağlı səmərəli təkliflər irəli sürmək;

3.5.2.iş yerində təcrübənin təşkili və idarə olunmasına dair zəruri məlumatları, sənədləri İşəgötürəndən tələb etmək;

3.5.3.iş yerində təcrübə müddətində müəssisədaxili intizam və əməyin mühafizəsi qaydalarına əməl etməyən, tapşırıqları yerinə yetirməyən Təhsilalanı intizam məsuliyyətinə cəlb etmək;

3.5.4.Tərəflərin qanunvericiliklə və Müqavilə ilə müəyyən edilən vəzifələrinin icra edilməsini onlardan tələb etmək.

3.6. Peşə təhsili müəssisəsinin vəzifələri aşağıdakılardır:

3.6.1. Təhsilalanın Müqavilə ilə razılaşdırılmış müddətdə və şərtlər çərçivəsində peşə təhsili və təlimi proqramının praktiki hissəsini mənimsəməsi üçün İşəgötürənin iş yerlərinə davamiyyətini təmin etmək;

3.6.2. Təhsilalanın təcrübəsinə rəhbərlik edəcək istehsalat təlimi ustasını təyin etmək;

3.6.3. müəssisəyə təcrübəyə göndərilən Təhsilalanın ilk peşə hazırlığını, onlara istehsalat avadanlığının istifadə qaydalarını, iş yerlərində davranış və təhlükəsizlik qaydalarını öyrətmək;

3.6.4. İşəgötürənin təcrübəyə rəhbər təyin etdiyi mütəxəssisə həmin mütəxəssisin müəssisədə aldığı əməkhaqqından əlavə təcrübə saatları üçün “Büdcədən maliyyələşdirilən müəssisə, idarə və təşkilatlarda tədris məşğələlərinin aparılmasına cəlb edilən işçilərin əməyinin saathesabı ödənilməsi məbləğləri haqqında” Azərbaycan Respublikası Nazirlər Kabinetinin 2000-ci il 20 noyabr tarixli 205 nömrəli Qərarı ilə müəyyən olunmuş məbləğdən az olmayaraq əməkhaqqı ödəmək;

3.6.5. “Peşə təhsili haqqında” Azərbaycan Respublikası Qanununun 20.2-ci maddəsinin tələblərinin icrasını İşəgötürəndən tələb etmək;

3.6.6. təcrübənin gedişinə nəzarət etmək məqsədilə İşəgötürənin təcrübəyə rəhbər təyin etdiyi mütəxəssislə vaxtaşırı görüşlər keçirmək.

4. Mübahisələrin həlli və müqaviləyə vaxtından əvvəl xitam verilməsi

4.1. Müqavilə qüvvədə olduğu müddətdə Tərəflər yaranan mübahisələrin həllinə qarşılıqlı anlaşma və razılıq yolu ilə biri digərlərinin hüquqlarını pozmadan nail olur. Tərəflər mübahisələrin həlli haqqında razılığa gəlmədikdə, mübahisənin məhkəmə qaydasında araşdırılması hüququndan istifadə edirlər.

4.2. Tərəflərdən hər hansı biri Müqavilənin şərtlərini pozduqda, digər Tərəflər Müqaviləyə vaxtından əvvəl xitam verə bilərlər. Bu halda müvafiq Tərəf digər Tərəflərə ən azı 3 (üç) iş günü əvvəlcədən xəbər verməlidir.

4.3. İşəgötürən Təhsilalanı peşə təhsili və təlimi proqramının tələblərinə cavab verən iş yeri ilə təmin etmədikdə, boşdayanmalara yol verdikdə və lazımi əmək şəraiti yaratmadıqda, habelə Təhsilalanın əməyindən Müqavilədə nəzərdə tutulmayan məqsədlər üçün istifadə etdikdə, Peşə təhsili müəssisəsi Təhsilalanı təcrübə keçirilən müəssisə, idarə və təşkilatdan geri çağırır.

5. Tərəflərin rekvizitləri və imzaları

5.1. Müqavilə hər Tərəf üçün bir nüsxə olmaqla üç nüsxədə hazırlanır və Tərəflərdə saxlanılır. Müqavilə təcrübənin başlanğıcında İşəgötürən, Təhsilalan və Peşə təhsili müəssisəsi tərəfindən imzalanır və təcrübə müddətində etibarlı sayılır.

5.2. Tərəflər Müqaviləni imzalamaqla, onun şərtlərini qəbul edir. Müqavilə imzalandığı gündən qüvvəyə minir.

İşəgötürən Təhsilalan Peşə təhsili müəssisəsi

_________________ _______________ __________________

(idarənin, müəssisənin, (Təhsilalanın (Peşə təhsili müəssisəsinin adı və VÖEN-i)

təşkilatın adı və VÖEN-i) (valideynin/qanuni

nümayəndənin (qəyyumun) adı, soyadı, atasının adı, vəzifəsi və imzası)

____________________ ____________________

(adı, soyadı, atasının adı, (adı, soyadı, atasının adı,

vəzifəsi və imzası) vəzifəsi və imzası)

“ ” 20 il “ ” 20 il “ ” 20 il

M.Y. M.Y.

Mənbə: cabmin.gov.az

Faylı Yükləyin: [Download not found]

Teleqram kanalımıza üzv olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

(Təcrübə müqaviləsi,

18 Sen 2019

Vakansiya: Mühasib Köməkçisi tələb olunur

by Audit.Az | posted in: İş elanı, mühasib, Vakansiya, Xəbər | 0

Vakansiya: Mühasib Köməkçisi

İşəgötürən: Moon Group MMC

Əmək haqqı: 400 – 500 AZN.
Şəhər: Bakı
Yaş: 22 – 35 yaş
Cins: Qadın
Təhsil: Ali
İş təcrübəsi: 1 ildən 3 ilə qədər
Əlaqədar şəxs: Quliyev Ruslan
E-mail: hr@moongroup.az / info@finstaff.az
Telefon: (012) 440-22-11

Vakansiya barədə məlumat

– Ümumi mühasibatlıq sənədlərinin hazırlaması
– Əmək Müqavilələrinin bağlanılması və Portalda qeydiyyatı
– Bank, Kassa, Əmək haqqı və digər sənədlərin 1C proqramına daxil edilməsi
– İnvoce və müqavilələrin hazırlanması
– Bank əməliyyatlarının aparılması
– Ünvan: Nəsimi r-nu, 28 may metrosunun yaxınlığında, Mikayıl Rəfili 39
– İş saatı: 09:00-dan 18:00-dək

Mühasib köməkçisi üçün tələblər

– Yalnız xanım namizədlər tələb olunur
– Yaş həddi: 22-35
– Mühasibatlıq üzrə minimum 1-3 il iş təcrübəsi (istehsal, ticarət)
– MS Office, 1C, e-gov,e-taxes və digər portallarıdan istifadə etmək
– Mühasibat uçotu üzrə biliklər
– Vergi, əmək qanunvericilikləri üzrə məlumatlı
– Məsuliyyətli, operativ, dəqiq və etibarlılıq kimi müsbət göstəricilərə sahib olmaq
– Ünsiyyət qurmaq və danışıqlar aparmaq bacarığı

Uyğun kadrlar şəkilli CV-ni hr@moongroup.az / info@finstaff.az elektron poçt ünvanına göndərə bilərlər.