Blog Full - Audit.Az

Oxunma sayı: 132. 586

13 Noy 2019

Dövlət rüsumu haqqında qanunda dəyişiklik edilib

by Audit.Az | posted in: Xəbər | 0

Dövlət rüsumu haqqında qanunda dəyişiklik edilib

“Dövlət rüsumu haqqında” Azərbaycan Respublikasının Qanununda dəyişiklik edilməsi barədə Azərbaycan Respublikasının Qanunu

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 15-ci bəndini rəhbər tutaraq qərara alır:

Maddə 1. “Dövlət rüsumu haqqında” Azərbaycan Respublikası Qanununda (Azərbaycan Respublikasının Qanunvericilik Toplusu, 2001, № 12, maddə 740; 2002, № 12, maddə 706; 2003, № 1, maddə 23, № 8, maddə 428, № 12 (I kitab), maddələr 676, 698; 2005, № 1, maddə 1, № 6, maddə 462, № 8, maddə 684, № 10, maddələr 873, 905, № 12, maddə 1083; 2006, № 3, maddələr 223, 225, № 6, maddə 481, № 12, maddələr 1015, 1029; 2007, № 2, maddə 80, № 12, maddə 1203; 2008, № 3, maddə 158, № 6, maddə 462, № 7, maddə 602, № 12, maddə 1047; 2009, № 1, maddə 5, № 2, maddə 56, № 3, maddə 160, № 7, maddə 519, № 12, maddə 947; 2010, № 4, maddə 276, № 6, maddə 485, № 10, maddə 840, № 11, maddə 939; 2011, № 1, maddə 12, № 4, maddələr 245, 264, № 11, maddə 985, № 12, maddə 1100; 2012, № 1, maddə 4, № 6, maddələr 508, 518, № 7, maddə 646, № 10, maddə 947, № 12, maddələr 1216, 1227, 1229; 2013, № 3, maddə 213, № 5, maddə 474, № 11, maddələr 1269, 1279, 1299, 1301, 1308, № 12, maddələr 1485, 1504; 2014, № 1, maddə 6, № 5, maddə 468, № 6, maddələr 603, 605, № 7, maddələr 774, 780, № 11, maddələr 1345, 1370; 2015, № 12, maddə 1432; 2016, № 1, maddələr 15, 36, № 4, maddə 630, № 5, maddə 849, № 6, maddə 1014, № 10, maddə 1605, № 11, maddələr 1753, 1776, 1780, 1790, № 12, maddələr 2006, 2051; 2017, № 3, maddələr 337, 341, № 5, maddə 742, № 6, maddə 1028, № 7, maddə 1308, № 8, maddə 1506, № 12 (I kitab), maddə 2265; 2018, № 3, maddə 405, № 4, maddələr 639, 647, № 6, maddələr 1186, 1194, № 7 (I kitab), maddələr 1415, 1444, № 8, maddə 1675, № 12 (I kitab), maddə 2489; 2019, № 1, maddə 45, № 4, maddələr 571, 596, № 5, maddə 797, № 7, maddələr 1176, 1181, 1190, 1192; Azərbaycan Respublikasının 2019-cu il 27 iyun tarixli 1616-VQD, 1619-VQD nömrəli və 9 iyul tarixli 1643-VQD nömrəli qanunları) aşağıdakı dəyişikliklər edilsin:

1.1. 4.1-ci maddəyə “Avtomobil Yolları” sözlərindən əvvəl “bu Qanunun 4.1-4-cü maddəsi nəzərə alınmaqla” sözləri əlavə edilsin və həmin maddədə “4.1-3-cü” sözləri “4.1-4-cü” sözləri ilə əvəz edilsin;

1.2. 4.1-4-cü maddə aşağıdakı redaksiyada verilsin:

“4.1-4. Bu Qanunun 18.65.1.1-ci maddəsinə uyğun olaraq avtonəqliyyat vasitələrinin qanunla müəyyən edilmiş hallarda texniki baxışdan keçirilməsinə görə ödənilən dövlət rüsumunun 30 faizi müvafiq icra hakimiyyəti orqanının müəyyən etdiyi orqanın (qurumun) işçilərinin sosial müdafiəsini gücləndirmək və maddi təminatını yaxşılaşdırmaq, habelə müvafiq icra hakimiyyəti orqanının müəyyən etdiyi orqanın (qurumun) texniki baxış stansiyalarının saxlanılmasını təmin etmək üçün müvafiq icra hakimiyyəti orqanının müəyyən etdiyi orqanın (qurumun) xəzinə hesabına, qalan hissəsi isə “Avtomobil Yolları” Məqsədli Büdcə Fonduna köçürülür.”;

1.3. aşağıdakı məzmunda 4.1-5-ci maddə əlavə edilsin:

“4.1-5. Bu Qanunun 4.1-ci və 4.1-1 – 4.1-4-cü maddələrində nəzərdə tutulan vəsaitlərin bölgüsü və onlardan istifadə qaydası müvafiq icra hakimiyyəti orqanının müəyyən etdiyi orqan (qurum) tərəfindən təsdiq edilir.”;

1.4. 18.65.1.1-ci və 18.65.2.1-ci maddələrdə “20” rəqəmləri “30” rəqəmləri ilə əvəz edilsin.

Maddə 2. Bu Qanun 2020-ci il yanvarın 1-dən qüvvəyə minir.

İlham Əliyev

Azərbaycan Respublikasının Prezidenti

Bakı şəhəri, 22 oktyabr 2019-cu il.

Mənbə: president.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

dövlət rüsumu

12 Noy 2019

Gəlir və xərclərin uçotunun düzgün aparılması qaydaları

by Audit.Az | posted in: Xəbər | 0

Gəlir və xərclərin uçotunun düzgün aparılması qaydaları xərclər

Vergi tutulan gəlirin dəqiq hesablanması məqsədilə gəlir və xərclərin uçotunun düzgün aparılması üçün hansı qaydalara əməl olunmalıdır? Mövzunu “BSC konsalting” şirkətinin maliyyə direktoru Arzu Xəlilova şərh edir.

Vergi Məcəlləsinin 131 və 134- cü maddələrinə uyğun olaraq vergi ödəyicisi gəlir və xərclərinin uçotunu kassa metodu və ya hesablamalar metodu ilə apara bilər.

Vergi ödəyicisi bir vergi ili ərzində eyni metodu tətbiq etməlidir və tətbiq etdiyi uçot metodundan asılı olaraq gəlirlərini və xərclərini onların əldə edildiyi və ya çəkildiyi müvafiq hesabat dövrlərinə aid etməlidir.

Kassa metodu ilə uçot aparan vergi ödəyicisi gəliri əldə edəndə və ya gəlir onun sərəncamına veriləndə bu gəliri nəzərə almalı və gəlirdən öz xərclərini yalnız bu xərcləri çəkdiyi zaman çıxmalıdır.

Hesablama metodu ilə uçot aparan vergi ödəyicisi gəlirini və xərcini müvafiq surətdə gəlir almaq hüququnun əldə edildiyi və ya xərcin çəkilməsi barədə öhdəliyin yarandığı vaxt nəzərə almalıdır. Hər bir vergi ödəyicisi gəlir və xərclərinin uçotunu sənədləşdirilmiş məlumatlar əsasında aparmalıdır.

İqtisadi fəaliyyət sahələri üzrə vergitutma məqsədləri üçün gəlirlərin və xərclərin uçotunun aparılması qaydaları müvafiq normativ aktlarla tənzimlənir. Hazırda qüvvədə olan ictimai iaşə və istehsal sahələri üzrə vergitutma məqsədləri üçün gəlirlərin və xərclərin uçotunun aparılması qaydalarında vergi ödəyicisinin öz fəaliyyəti ilə bağlı bütün əməliyyatların başlanğıcını, gedişini və qurtarmasını müəyyənləşdirməyə imkan verən uçotun aparılmasını təmin etməsi nəzərdə tutulub.

Bu qaydalara görə maddi dəyərlilərin mədaxili, məxarici, təsərrüfatdaxili yerdəyişməsi, silinməsi müvafiq sənədlərlə, xüsusilə də ciddi hesabat blankları ilə qeydə alınmalıdır.

Mənbə: vergiler.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

gəlir xərclər

12 Noy 2019

Dünyada ilk pul islahatı harada keçirilib?

by Audit.Az | posted in: Xəbər | 0

Xan Kəpək (1318-1326-cı illər) öz paytaxtını Nesef yaxınlığında Mavərənnəhrə köçürən ilk cağatay xanı oldu. O, həmin ərazidə saray (monqolca karşi) tikdirdi, hansı ki, ətrafında Karşi şəhəri yüksəldi. (hazırda Özbəkistanın Kaşkadərya vilayəti adlanır). Kəpək xan 1320-ci ildə pul islahatını həyata keçirdi, versiyalardan birinə görə bundan sonra sikkələr “qəpik” adlandırılmağa başlanıldı. Tarixdə bunu ilk pul islahatı da adlandırırlar.

1534-cü ildə İvan Qroznının anası Yelena Qlinskyanın həyata keçirdiyi pul islahatı ilə bağlı bütün Rusiya dövləti ərazisində fəliyyətdə olan ilk gümüş sikkə “kopeyka” zərb olundu.

Həmin dövrdə 3 qəpiyə bir kəndli daxması almaq olurdu.

1654-cü ildə çar Aleksey Mixayloviç pul islahatı keçirməyə cəhd edərkən, mis qəpiklər və digər sikkələr zərb etdirdi. Amma tələskənlik səbəbindən və hakimiyyətin düşünülməmiş addımları ucbatından əhali yeni pulları qəbul etməkdən imtina etdi və bütün bunlar Mis Qiyamı ilə nəticələndi.

Pul dövriyyəsinin tənzimlənməsini həyata keçirəcək daha bir islahat isə 1698-ci ildə I Pyotrun əmri ilə baş tutdu və bu Pyotr tərəfindən nəzərdə tutulan ilk geniş miqyaslı dəyişikliklərdən biri oldu.

1839-1843-cü illərdə Rusiyada onun təşkilinin yeni prinsiplərinin tətbiq edilməsi və dəyərsizləşmiş dövlət vəsaitinin dövriyyədən çıxarılması məqsədi daşıyan pul islahatı həyata keçirilmişdir. Həmin islahat 1839-cu il iyulun 1-də I Nikolayın “Pul sisteminin quruluşu haqqında” Manifestin qəbulu ilə başladıldı.

II Aleksandr hökuməti təhkimçilik hüququnu ləğv etdikdən sonra gümüş monometalizmi bərpa etmək məqsədi ilə maliyyə islahatı həyata keçirməyə çalışırdı. Bundan ötrü hökumət pul sisteminin köhnə prinsiplərini bərpa etmək ümidi ilə kredit biletlərinin qızıl və gümüş pula sərbəst mübadiləsini açdı. Lakin, işgüzar aktivliyin aşağı düşməsi, dövlət büdcəsinin defisiti, passiv xarici ticarət balansı, qızılın xaricə axınına yol açdı. Metal pul ehtiyatlarının böyük hissəsini sərf etsə də, hökumət rublun kursunu yüksəldə bilmədi. 1862-ci ilin avqust ayında kredit biletlərinin qızıl və gümüş sikkələrə mübadiləsi dayandırıldı. Beləliklə, pul islahatı iflasa uğradı.

1895-1897-ci illərdə Rusiyada yeni pul islahatı keçirildi və onun müəllifi maliyyə naziri S. Vitte idi. Kağız assiqnasiyaları möhkəm valyuta əvəz etdi. Qızıl dövriyyəsi və 1914-cü ilə qədər qızıl kredit rublunun sərbəst mübadiləsi Rusiya valyutasını (onun bazar kursu qızıl ilə üçdə bir hissəsi qədər – 66,6 qəpiyə kimi) dünyanın ən sabit valyutalarından birinə çevirmişdir.

Sovet hökumətinin ilk pul islahatı 1922-1924 – cü illərdə həyata keçirilmişdi , eyni zamanda büdcə kəsrini ödəmək üçün maliyyə xalq komissarlığı tərəfindən buraxılan kağız pul nişanının nominalını iriləşdirən iki denominasiya aparılmışdır. İslahat uzanmış xarakter daşıyırdı. Bu zaman Rusiya dövlət bankının qızıl və aktivləri ilə təmin edilmiş məşhur rus çervonu – bank bileti ortaya çıxdı. O, on rublluq çar sikkəsinin dəyərinə bərabər idi. Xarici ticarətdə istifadə edilən qızıl çervonların zərb olunmasına başlanıldı.1922-ci ildə çevon yeganə dönərli rus valyutası idi. 1924-cü ilin mart ayında pul islahatı başa çatdırıldı, yeni nümunəli rubl 1/10 çervona bərabər idi və 1923-ci il nümunəli pul nişanının 50 min rubluna və ya daha erkən bütün pul nüunələrinin 50 milyonuna dəyişdirilirdi.

1947-ci ildəki denominsiya İkinci dünya müharibəsi zamanındakı emissiya nəticəsində yaranan artıq pul kütləsi səbəbindən həyata keçirilmişdi. 1947-ci ildə hökumət kartoçka sistemini ləğv etdi, on rubl bir rubla dəyişdirildi. Rublun qızılla dəyəri 0,222161 qrama müvafiq gəlirdi.

1961-da Xruşşov pul islahatı baş verdi. 1 yanvar 1961-dan yeni nümunənin əskinasları təqdim edildi, hansı ki, eyni 10 köhnə rubl, 1 yeni rubla dəyişdirilidi.