You can display the Full post on your Blog Page
Vakansiya: Mühasib.
İşəgötürən: FB COMPANY
Vergilər nazirinin müavini Astarada vətəndaşları qəbul edəcək
Vergilər nazirinin müavini Sahib Ələkbərov dekabrın 13-də Astara şəhərində yerləşən Vergi ödəyicilərinə xidmət mərkəzində (Heydər Əliyev küçəsi, 34) Astara, Lənkəran, Lerik, Masallı, Yardımlı, Cəlilabad və Biləsuvar rayonlarından olan vətəndaşları qəbul edəcək.
Qəbula gəlmək istəyən vətəndaşlar 09-11 dekabr 2019-cu il tarixlərində Lənkəran şəhəri 6 saylı Ərazi Vergilər Baş İdarəsinə, habelə Astara, Lerik, Masallı, Yardımlı, Cəlilabad və Biləsuvar rayonlarında fəaliyyət göstərən vergi ödəyicilərinə xidmət mərkəzlərinə müraciət etməklə, eləcə də Vergilər Nazirliyinin “195-1” Çağrı Mərkəzinə zəng etməklə və ya nazirliyin office@taxes.gov.az elektron poçt ünvanına yazmaqla qeydiyyatdan keçə bilərlər.
Qeydiyyatdan keçmiş vətəndaşlardan xahiş olunur ki, qəbula gələrkən qaldırmaq istədikləri məsələləri dolğun ifadə edən ərizə ilə müraciət etsinlər.
Mənbə: vergiler.az
“Məcburi dövlət sosial sığortası üzrə ödəmələrin və əmək qabiliyyətini müvəqqəti itirmiş işçilərə sığortaedənin vəsaiti hesabına ödənilən müavinətin hesablanması və ödənilməsi haqqında” Əsasnamənin 28-ci bəndində fərdi sahibkarlıq fəaliyyəti ilə məşğul olan şəxslərin əmək qabiliyyətinin itirilməsi halında müavinət ödənilib-ödənilməməsi məsələsinə də aydınlıq gətirilib. Həmin bənddə qeyd edilir ki, sosial sığorta qanunvericiliyi ilə məcburi dövlət sosial sığorta haqqını fərqli qaydada (ölkə üzrə müəyyən edilmiş minimum aylıq əməkhaqqına, gəlirlərinə (əməkhaqqı istisna olmaqla) və ya qonorara nisbətdə) ödəyən və iş vaxtının uçota alınması mümkün olmayan şəxslərə əmək qabiliyyətinin müvəqqəti itirilməsinə görə müavinət hesablanarkən, qazanc kimi qanunvericiliklə müəyyən edilmiş məcburi dövlət sosial sığortasına cəlb olunan gəlirləri (minimum aylıq əməkhaqqı, qonorar və s.) əsas götürülür. İqtisadçı ekspert Anar Bayramov mövzunu misalla izah edir.
Misal. Xidmət sahəsində fəaliyyət göstərən və 15 il staji olan fərdi sahibkar 15 oktyabr 2019-cu il tarixdə əmək qabiliyyətini 6 günlük itirib. Bu zaman əvvəlki 12 ayın qazancı olaraq minimum əməkhaqqı əsas götürüləcək. 2018-ci ilin oktyabr ayından 2019-cu ilin mart ayına kimi minimum əməkhaqqı 130 manat, 2019-cu ilin martından sentyabr ayına kimi 180 manat, sentyabr ayında isə 250 manat olub. Fizikin şəxsin əvvəlki 12 ayı üzrə gəliri – 650 manat (130 manat x 5 ay) + 1080 manat (180 manat x 6 ay) + 250 manat = 1980 manat olub.
Deməli, fiziki şəxsin əvvəlki 12 aylıq qazancı 1980 manat qəbul ediləcək. 2018-ci ilin oktyabr ayı ilə 2019-cu ilin sentyabrına qədər 243 gün iş günü var. O zaman fiziki şəxsə əmək qabiliyyətinin müvəqqəti itirilməsinə görə müavinət məbləği aşağıdakı kimi hesablanacaq:
Müavinətin məbləği = (((Əvvəlki 12 ayın qazancı) / (Əvvəlki 12 ayda iş günlərin sayı) x müavinət dövründəki iş günlərin sayı) x (Staj və kateqoriyaya görə faiz)
Müavinətin məbləği = (((1980 manat) / (243 gün) x 4 gün) x (100 faiz)= 32,59 manat.
Mənbə: vergiler.az
Dekabrın 13-də Azərbaycan Mərkəzi Bankı (AMB) uçot dərəcəsini növbəti dəfə endirə bilər. (mərkəzi bank)
Məlumata görə, hazırki iqtisadi göstəricilər uçot dərəcəsinin parametrlərində dəyişikliyə şərait yaradır: “Artıq 10 aylıq idxal-ixrac əməliyyatlarının göstəriciləri, tədiyyə balansı ilə bağlı rəqəmlər və uçot dərəcəsinə təsir edən bir çox digər faktorların göstəriciləri məlumdur. Hesab edirəm ki, bütün bunlar uçot dərəcəsini bir qədər də endirilməsinə şərait yaradır”.
Dövlət Gömrük Komitəsinin statistikasına istinadən, bu ilin yanvar-oktyabr aylarında Azərbaycan xarici ölkələrlə 28,276 milyard ABŞ dolları dəyərində ticarət əməliyyatı aparıb. Bu, ötən ilin eyni dövrü ilə müqayisədə 12,1% çoxdur. Son nəticədə xarici ticarətdə 5,366 milyard dollarlıq müsbət saldo yaranıb.
Qeyd edək ki, AMB sonuncu dəfə faiz dəhlizində dəyişikliyi oktybarın 25-də edib. Həmin vaxt Azərbaycan Mərkəzi Bankının İdarə Heyəti uçot dərəcəsinin 8%-dən 7,75%-ə endirilməsi haqqında qərar qəbul edib. Bundan əlavə faiz dəhlizinin aşağı həddi 6%, yuxarı həddi isə 9,5% (uçot dərəcəsinə ±1,75%-lik simmetrik diapazonda) səviyyəsində müəyyən edilib.
Xatırladaq ki, AMB-nin rəhbərliyi faiz dəhlizinin parametrlərinə növbəti dəfə dekabrın 13-də baxacaq.
Mənbə: report.az
