Oxunma sayı: 130. 370
5 İyn 2020

“icaze.e-gov.az” portalı yenidən aktivləşdirilir

by | posted in: Xəbər | 0

“icaze.e-gov.az” portalı yenidən aktivləşdirilir

icaze.e-gov.azFəaliyyətinə icazə verilən iş və xidmət sahələrində işləyən şəxslərin və xidməti avtomobillərin hərəkətinə işəgötürən tərəfindən həmin şəxslər barədə məlumatlar elektron imzadan istifadə edilməklə “icaze.e-gov.az” portalına daxil edildikdən sonra yol veriləcək.

Bununla bağlı Baş Nazir Əli Əsədov qərar imzalayıb.

Qərara əsasən, eyni zamanda dövlət əhəmiyyətli, həyat təminatlı müəssisələrin və qurumların, həmçinin fasiləsiz işləyən qurumların fəaliyyətləri zəruri hesab edilən işçilərini məhdud sayda cəlb etməklə tənzimlənəcək.

2020-ci il 5 iyun tarixində Bakı, Sumqayıt, Gəncə, Lənkəran şəhərlərinin və Abşeron rayonunun ərazisində dövlət orqanları və qurumları üçün saat 14:00-dək qısaldılmış iş rejimi müəyyən edilib.

Mənbə: report.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

5 İyn 2020

“Dövlət rüsumu haqqında” qanuna dəyişiklik edildi

by | posted in: Xəbər | 0

“Dövlət rüsumu haqqında” qanuna dəyişiklik edildi

Dövlət rüsumuPrezident İlham Əliyev “Dövlət rüsumu haqqında” Azərbaycan Respublikasının Qanununda dəyişiklik edilməsi barədə Azərbaycan Respublikasının Qanununu imzalayıb.

“Dövlət rüsumu haqqında” Azərbaycan Respublikasının Qanununda aşağıdakı dəyişikliklər edilib:

1. 12.2.3-cü maddədən “yaxud ən azı üç il müddətində azadlıqdan məhrum edilmiş şəxsdirsə” sözləri çıxarılsın.

2. 16-cı maddə aşağıdakı redaksiyada verilsin:

“Maddə 16. Azərbaycan Respublikasında və ya Azərbaycan Respublikasının xarici ölkələrdəki diplomatik nümayəndəliklərində aparılan konsul əməliyyatları üçün dövlət rüsumunun dərəcələri

Dövlət rüsumu tutulmalı olan hərəkətlər Dövlət rüsumunun məbləği
16.1. Pasportların və vizaların verilməsinə görə:
16.1.1. ümumvətəndaş pasportlarının alınması məqsədilə sənədlərin səfirlikdə və ya konsulluqda tərtib edilib göndərilməsinə görə 25 ABŞ dolları
16.1.2. ölkəyə qayıtmaq üçün pasportu əvəz edən qayıdış şəhadətnaməsinin verilməsinə görə 10 ABŞ dolları
16.1.3. səfirliklərə və konsulluqlara vizaların verilməsinə dair göstərişlərin göndərilməsinə görə 4 manat
16.1.4. tranzit vizalarının və birdəfəlik giriş vizalarının rəsmiləşdirilməsinə görə 20 ABŞ dolları
16.1.5. çoxdəfəlik giriş vizalarının rəsmiləşdirilməsinə görə 350 ABŞ dolları
16.2. Vətəndaşlıq məsələləri ilə əlaqədar sənədlərin rəsmiləşdirilməsinə görə:
16.2.1. vətəndaşlığın bərpa edilməsi üçün vəsatətin rəsmiləşdirilməsinə görə 60 ABŞ dolları
16.2.2. vətəndaşlığa xitam verilməsi üçün vəsatətin rəsmiləşdirilməsinə görə 60 ABŞ dolları
16.3. Vətəndaşlıq vəziyyəti aktlarının dövlət qeydiyyatına görə:
16.3.1. nikahın qeydə alınmasına görə 10 ABŞ dolları
16.3.2. yetkinlik yaşına çatmamış ümumi uşaqları olmayan ər-arvadın qarşılıqlı razılığı əsasında nikahın pozulmasının qeydə alınmasına görə 40 ABŞ dolları
16.3.3. Qanunla müəyyən edilmiş qaydada xəbərsiz itkin düşmüş, yaxud fəaliyyət qabiliyyəti olmayan hesab edilmiş şəxslə nikahınpozulmasının qeydə alınmasına görə 5 ABŞ dolları
16.3.4. soyadın, adın və ata adının dəyişdirilməsinin qeydə alınmasına görə 20 ABŞ dolları
16.3.5. vətəndaşlıq vəziyyəti aktlarının qeydə alınması barədə təkrar şəhadətnamələrin verilməsinə görə 10 ABŞ dolları
16.3.6. vətəndaşlıq vəziyyəti aktlarının qeydlərində dəyişikliklərin, düzəlişlərin və əlavələrin edilməsi və onların bərpası ilə əlaqədar şəhadətnamələrin verilməsinə görə 10 ABŞ dolları
16.3.7. xarici ölkələrin qeydiyyat orqanlarında nikahın qeydə alınması məqsədilə ailə vəziyyətinə dair arayışın verilməsinə görə 10 ABŞ dolları
16.4. Sənədlərin sorğu əsasında alınmasına görə:
16.4.1. sənədlərin sorğu əsasında alınmasına görə (hər sənəd üçün):
16.4.1.1. Azərbaycan Respublikasında 4 manat
16.4.1.2. ölkə xaricində 10 ABŞ dolları
16.5. Sənədlərin leqallaşdırılmasına görə:
16.5.1. Azərbaycan Respublikasında 4 manat
16.5.2. xarici ölkədə 10 ABŞ dolları
16.6. Notariat hərəkətlərinin aparılmasına görə:
16.6.1. Azərbaycan Respublikasının ərazisində yerləşən daşınmaz əmlak istisna olmaqla, əmlakdan, o cümlədən nəqliyyat vasitələrindən istifadə etmək və ona sərəncam vermək, kredit əməliyyatlarını yerinə yetirmək hüququ verən etibarnamələrin təsdiqinə görə 20 ABŞ dolları
16.6.2. poçt vasitəsilə daxil olmuş pul vəsaitlərinin, bağlamaların, korrespondensiyaların bank idarələrindən alınması və ona sərəncam verilməsi barədə etibarnamələrin təsdiqinə görə 20 ABŞ dolları
16.6.3. müqavilələrin təsdiqinə görə:
16.6.3.1. nəqliyyat vasitələrinin özgəninkiləşdirilməsinə dair müqavilələrin təsdiqinə görə 50 ABŞ dolları
16.6.3.2. qiymətləndirilən digər müqavilələrin təsdiqinə görə 150 ABŞ dolları
16.6.3.3. əmlak bölgüsü, zaminlik və digər qiymətləndirilməyən müqavilələrin təsdiqinə görə 30 ABŞ dolları
16.6.4. sənədlərin surətlərinin və sənədlərdən çıxarışların düzgünlüyünün təsdiqinə görə 10 ABŞ dolları
16.6.5. sənədlərin bir dildən başqa dilə tərcüməsinin düzgünlüyünün təsdiqinə görə (hər səhifə üçün):
xarici dillərdən 10 ABŞ dolları
xarici dillərə 20 ABŞ dolları
16.6.6. sənədlərdəki imzanın, o cümlədən tərcüməçinin imzasının həqiqiliyinin təsdiqinə görə (hər sənəd üçün) 20 ABŞ dolları
16.6.7. miras əmlakın mühafizəsi üçün tədbirlərin görülməsinə görə 40 ABŞ dolları
16.6.8. vəsiyyətnamələrin təsdiqinə görə 50 ABŞ dolları
16.6.9. vəsiyyətnamənin depozitə qəbul edilməsinə görə 30 ABŞ dolları
16.6.10. vərəsəlik hüququ haqqında şəhadətnamənin verilməsinə görə 100 ABŞ dolları
16.6.11. sənədlərin (vəsiyyətnamə istisna olmaqla) saxlanmaq üçün qəbul edilməsinə görə 20 ABŞ dolları
16.6.12. öhdəliyin icra predmetinin saxlanmaq üçün qəbul edilməsinə görə (hər ay üçün) 20 ABŞ dolları
16.6.13. pul məbləğlərinin və qiymətli kağızların depozitə qəbul edilməsinə görə (hər ay üçün) 20 ABŞ dolları
16.6.14. icra qeydlərinin aparılmasına görə 10 ABŞ dolları
16.6.15. ər-arvadın ümumi əmlakındakı paya mülkiyyət hüququ haqqında şəhadətnamələrin verilməsinə görə

10 ABŞ dolları
16.6.16. şəxsin sağ olması və şəxsin müəyyən yerdə olması faktlarının, şəxsin fotoşəkildəki şəxslə eyniliyinin və sənədlərin təqdim olunduğu vaxtın təsdiq edilməsinə görə 10 ABŞ dolları
16.6.17. dəniz protestlərinin tərtib edilməsinə görə 10 ABŞ dolları
16.6.18. sübutların təmin edilməsinə görə 10 ABŞ dolları
16.7. Digər konsul əməliyyatlarına görə 10 ABŞ dolları

3. 17.7-ci maddə aşağıdakı redaksiyada verilsin:

“17.7. Diplomatik və ya xidməti pasporta malik olan, xarici ölkələrdə təhsil alan (müvafiq təsdiqedici sənəd təqdim edildikdə), dövlət xətti ilə pedaqoji fəaliyyət göstərən, xarici ölkələrin cəzaçəkmə müəssisələrindən azadlığa buraxılan, xarici ölkələrdən deportasiya, readmissiya, ekstradisiya edilən, insan alveri qurbanı olan, yaxud 18 yaşına çatmayan Azərbaycan Respublikasının vətəndaşlarına ölkəyə qayıtmaq üçün pasportu əvəz edən qayıdış şəhadətnaməsinin verilməsinə görə dövlət rüsumu tutulmur. Bu maddənin birinci cümləsində göstərilən hallardan başqa digər hallarda xarici ölkədə ümumvətəndaş pasportunu itirmiş və ya həmin pasportu oğurlanmış Azərbaycan Respublikasının vətəndaşı bu barədə xarici ölkənin müvafiq polis orqanı tərəfindən verilmiş təsdiqedici sənəd təqdim etdikdə ona qayıdış şəhadətnaməsinin verilməsinə görə dövlət rüsumu tutulmur.”.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

4 İyn 2020

Sahibkarlıq subyektləri üçün vergi güzəştləri və tətilləri

by | posted in: Xəbər | 0

Koronavirus pandemiyasından zərər çəkmiş sahələrdə fəaliyyət göstərən sahibkarlıq subyektləri üçün vergi güzəştləri və tətilləri.

Koronavirus pandemiyasının təsirinə məruz qalan fəaliyyət sahələrində əmlak və torpaq vergisindən azadolmalar.

Mənbə: vergiler.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

4 İyn 2020

Auditorlar Palatasının mənfəəti 7 dəfə azalıb

by | posted in: Audit, Xəbər | 0

Auditorlar PalatasıAuditorlar Palatasının mənfəəti 7 dəfə azalıb

Auditorlar Palatası 2019-cu ili 8 min manat mənfəətlə başa vurub.

Qurumun maliyyə hesabatına istinadən xəbər verilir ki, bu, 2018-ci illə müqayisədə 6,9 dəfə azdır.

Ötən il Auditorlar Palatasının əməliyyat gəlirləri 968 min manat (əvvəlki ilə nisbətən 25,1% çox), o cümlədən üzvlük haqlarından gəlirləri 895 min manat (22,6% çox), ixtisasartırma və imtahan gəlirləri 31 min manat (27,9% az), qrant və ianələrdən gəlirləri isə 42 min manat (təxminən 28 dəfə çox) təşkil edib.

Hesabat dövründə qurumun əməliyyat xərcləri isə 960 min manat (33,3% çox), o cümlədən işçilərə çəkilən xərclər 416 min manat (5,3% çox), ezamiyyə xərcləri 24 min manat (35,1% az), məlumat və reklam xərcləri 77 min manat (20,3% çox), çap və mətbuat xərcləri 11 min manat (37,5% çox), informasiya texnologiyaları dəstəyi və ofis xərcləri 38 min manat (46,15% çox), ümidsiz borc xərcləri 86 min manat (62,3% çox), amortizasiya və qiymətdən düşmə xərcləri 16 min manat (30% az), rabitə xərcləri 38 min manat (52% çox), üzvlük haqqı xərcləri 19 min manat (dəyişməyib), audit və peşəkar məsləhət xidmətləri xərcləri 33 min manat (21,4% az), sair əməliyyat xərcləri 100 min manat (5,3 dəfə çox), bank xərcləri 6 min manat (50% çox), konfrans xərcləri 92 min manat (əvvəlki il olmayıb), icazə xərcləri isə 4 min manat (dəyişməyib) olub.

Bu il yanvarın 1-nə Auditorlar Palatasının aktivləri 474 min manat olub ki, bu da illik müqayisədə 9,7% çoxdur. Hesabat dövründə qurumun öhdəlikləri 77,3% artaraq 78 min manata, balans kapitalı isə 2,1% artaraq 396 min manata çatıb.

Mənbə: report.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

1 … 1. 129 1. 130 1. 131 1. 132 1. 133 1. 134 1. 135 … 2. 388