Blog Full

Bir neçə sahədə çalışan vergi ödəyicisinin vergi öhdəliyinin tənzimlənməsi

Müvəqqəti vergi rejiminin tətbiqi ilə bağlı maraq doğuran suallardan biri də bir neçə sahədə çalışan vergi ödəyicisinin vergi öhdəliyinin tənzimlənməsidir. Mövzunu iqtisadçı ekspert Anar Bayramov şərh edir.

Vergi Məcəlləsinin 222.4-cü maddəsinə əsasən, XVIII fəslin (Koronavirus pandemiyasının yayılması nəticəsində iqtisadi şəraitin əhəmiyyətli şəkildə dəyişməsi ilə əlaqədar tətbiq edilən müvəqqəti vergi rejimi) müddəaları Məcəllənin 222.5-ci maddəsində nəzərdə tutulan şəxslərin yalnız həmin fəaliyyət üzrə əməliyyatlarına tətbiq edilir. Vergi Məcəlləsinin 222.5-ci maddəsində isə göstərilir ki, bu fəslin müddəaları aşağıdakı fəaliyyəti həyata keçirən şəxslərə şamil edilir:

• avtomobil nəqliyyatı vasitələri ilə ölkədaxili (şəhərlərarası və rayonlararası, şəhərdaxili və rayondaxili) sərnişin daşımaları (o cümlədən taksi ilə) fəaliyyəti;

• yerləşmə vasitələri hesab edilən mehmanxana (hotel) və mehmanxana tipli digər obyektlərin fəaliyyəti;

• turoperator və turagent fəaliyyəti;

• sifarişlər üzrə malların, o cümlədən yeməklərin, ərzaq və qeyri-ərzaq mallarının satıcılardan alıcılara daşınması və (və ya) çatdırılması fəaliyyəti;

• ictimai iaşə fəaliyyəti;

• sərgilərin təşkili, səhnə, istirahət və əyləncə (oyun), kinoteatr, teatr, muzey və konsert zallarının fəaliyyəti;

• idman-sağlamlıq obyektlərinin fəaliyyəti;

• hazırlıq (tədris) və ixtisasartırma kurslarının, məktəbdənkənar təhsil müəssisələrinin, psixoloji mərkəzlərinin fəaliyyəti;

• koronavirus pandemiyasının yayılması ilə bağlı əhalinin sağlamlığının və təhlükəsizliyinin təmin edilməsi məqsədilə fəaliyyəti müvafiq icra hakimiyyəti orqanının müəyyən etdiyi orqanın (qurumun) qərarı ilə tam və ya qismən məhdudlaşdırılan fəaliyyət sahələri (dövlətə məxsus olan hüquqi şəxslər, büdcə təşkilatları, dövlət büdcəsindən və büdcədənkənar dövlət fondlarından maliyyələşən digər dövlət orqanları (qurumları) istisna olmaqla).

Misal: Mikro sahibkarlıq subyekti olmayan və tədris kursları fəaliyyəti ilə məşğul olan vergi ödəyicisi tərcümə xidmətini də həyata keçirir. Bu halda, Vergi Məcəlləsində nəzərdə tutulan əmlak, mənfəət və icarə haqqından ödəmə mənbəyində vergi üzrə güzəştlər vergi ödəyicisinin yalnız kursla bağlı fəaliyyətinə şamil olunacaq. Tərcümə xidməti üzrə vergi öhdəlikləri isə güzəşt tətbiq olunmadan, yəni ümumi qaydada yerinə yetiriləcək. Bu səbəbdən də vergi ödəyicisi hər fəaliyyət üzrə uçotu ayrıca aparmalıdır.

Mənbə: vergiler.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Elon Musk Tesla şirkətindən iki milyardlıq mükafat alacaq

Tesla şirkətinin orta bazar kapitallaşması altı ay ərzində 150 milyard dolları ötüb keçib. Bu səbəbdən onun rəhbəri Elon Musk 2 milyard dollarlıq mükafat ala bilər. Bu haqda Bloomberg agentliyi məlumat verib.

İndi Musk şirkətin 1,69 milyon səhmini satın almaq hüququna malikdir, baxmayaraq ki, onları satmazdan əvvəl ən azı beş il gözləməlidir. Səhmin birinin qiyməti 350,02 dollardır, beləliklə sahibkar qiymətli kağızlarla 2,1 milyard dollar qazana bilərdi.

Müqavilənin şərtlərinə uyğun olaraq, Tesla şirkətinin baş direktoru sabit əməkhaqqı və bonuslar almır və onun mükafatlandırılması şirkətin göstəricilərinə bağlıdır. Kompensasiya paketi12 tranşdan ibarətdir, hansı ki, əgər Tesla şirkətinin kapitallaşması üzrə bütün hədəflərə çatmaq mümkün olacağı təqdirdə, bu Muska 50 milyard dollardan çox gəlir gətirə bilər.

May ayında avtomobil nəhənginin bazar kapitallaşması 100 milyard dolları ötüb keçdikdən sonra milyarder 775 milyon dollar həcmində mükafat almaq hüququ əldə etmişdi.

İyul ayında məlum oldu ki, Musk dünyanın ən varlı adamlarının top beşliyinə daxil olub. Belə ki, onun sərvəti 71,5 milyard dollar həcmində dəyərləndirilib. Musk əsasən, Tesla-nın səhm qiymətindəki artım sayəsində ilk beşliyə daxil olmağı bacarmışdı.  Belə ki, səhmlərin qiyməti iyun ayında ilk dəfə olaraq min dolları ötüb keçərək, 1005 dollara çatmışdı.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun