Blog Full

Dünyanın ən varlı adamı öz şirkətinin səhmlərindən xilas olub

Dünyanın ən varlı adamı və Amazon şirkətinin sahibi Jeff Bezos  öz şirkətinin milyona yaxın səhmini 3,1 milyard dollara satıb. Bu haqda Forbes jurnalı məlumat verib.

Vergiləri ödədikdən sonra Bezos təxminən 2,4 milyard dollar qazanc əldə edib. Sövdələşmə 3-4 avqust arası baş tutub. Bundan bir neçə gün əvvəl isə Amazon ötən ilin eyni dövrü ilə müqayisədə rüblük qazancın 40 faiz həcmində yüksəlişi barədə hesabat vermişdi. Səhmlərin hər birinə görə təmiz qazanc 10,3 dollar təşkil etmişdi.

Bu il ərzində Amazon şirkətinin yaradıcısı artıq 4,1 milyard dollarlıq səhmləri satıb. Yalnız yanvar ayından bu yana Bezos qiymətli kağızlara görə 7,2 milyard dollar qazanc əldə edib. İndiki an üçün şirkətin 54 milyon səhmi Amazon rəhbərinə məxsusdur. Onun sərvəti hazırda 190 milyard dollar dəyərində qiymətləndirilir.

Amerikalı iş adamı artıq bir neçə ildən sonra dünyanın ilk trilyonerinə çevrilə bilər. Ekspertlər bunun artıq 2026-cı ildə baş verə biləcəyini əminliklə söyləyirlər.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Baş nazir Əli Əsədov Mərkəzi və yerli icra hakimiyyəti orqanlarının və dövlət qurumlarının rəhbərlərinə məktub ünvanlayıb.

Məktubda bildirilir ki, koronavirus (COVİD-19) infeksiyasına qarşı mübarizənin təşkil edilməsini təmin etmək və icrasına ciddi nəzarət edilməsi sizə tapşırılır:

1. İclasların, müşavirələri və toplantıların yalnız telefon rabitəsi (selektor), mobil və internet vasitəsilə keçirməsinə üstünlük verilsin;

2. Mümkün olduğu halda, əməkdaşların məsafədən işləmələri məsələsinə baxılsın;

3. 60 yaşdan yuxarı şəxslərin və öhdəsində azyaşlı uşağı olan qadınların iş davamiyyətinə güzəştli şərtlər tətbiq edilsin;

4. İşçilərin və onların ailə üzvlərindən birinin qrip, soyuqdəymə, halsızlıq və digər bu kimi halları olduğu təqdirdə həmin işçilərin işə çıxması qadağan edilsin;

5. Xüsusi zərurət olduğu hallar istisna olmaqla, bütün ezamiyyətlər dayandırılsın. Ezamiyyətə xüsusi zərurət olduğu hallarda, razılıq alınması məqsədilə dövlət orqanlarının və qurumlarının rəhbərləri tərəfindən operativ qərargaha əsaslandırılmış  rəsmi müraciət edilsin;

6. Əməkdaşların xarici ölkələrə rəsmi səfərləri dayandırılsın;

7. Vətəndaş qəbulu ilə əlaqədar aşağıdakı qaydalara riayət edilsin:

7.1 qəbul otağında vətəndaşların qrup və fərdi surətdə qəbulların təxirə salınsın;

7.2 yerlərdə səyyar qəbulların keçirilməsi dayandırılsın;

7.3 vətəndaşların müraciətlərinin fasiləsiz qəbulu yalnız elektron və və telefon rabitəsi vasitəsilə həyata keçirilsin, bu məqsədlə hər orqan və qurumda elektron və telefon əlaqə ünvanları və nömrələri müəyyən edilsin, habelə qaynar xətlərin fasiləsiz fəaliyyəti təmin edilsin;

7.4 vətəndaş müraciətlərinin yalnız elektron və telefon vasitəsilə qəbul edilməsi məqsədilə hər orqan və qurumda məsul əməkdaşlar müəyyən edilsin;

7.5 mümkün olduğu halda, vətəndaşlara səyyar xidmətlərin göstərilməsi təşkil edilsin;

7.6 göstərilən tədbirlər barədə vətəndaşların məlumatlandırılması təmin edilsin;

7.7. mərkəzi və yerli icra hakimiyyəti orqanları, dövlət qurumları vətəndaşların müraciətlərinə xüsusi həssaslıqla yanaşsınlar.

8. Əməkdaşlara sosial məsuliyyəti davranmaları, xüsusi zərurət olmadan digər şəxslərlə təmasda olmamaları və virusun yayılmasının qarşısının alınmasına dəstək olacaq hər cür ehtiyat tədbiri görmələri tapşırılsın.

9. Yuxarıda qeyd olunan müddəalar hüquqi mühafizə və hərbi xidmət orqanlarına, dövlət əhəmiyyətli və həyta təminatlı obyektlərə, fasiləsiz iş rejimində fəaliyyət göstərən müəssisələrə, səhiyyə və digər tibb müəssisələrinin işçilərinə şamil edilmir.

Mənbə: apa.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Sahibkarlıq subyektlərində növbəti nəzarət tədbirləri keçirilib

Karantin rejiminin müvafiq qayda və tələblərinə əməl edilməsinə nəzarət məqsədilə İqtisadiyyat Nazirliyi tərəfindən avqustun 11-də keçirilmiş monitorinqlər zamanı Binəqədi rayonunda “Amart Market”də, “Army Mağaza”da, Niyazi Abışova, İsmət Qulamzadəyə, Babək Quluyevə məxsus mağazalarda, Nizami rayonunda Teymur Hacıyevə, Bayram Bayramlıya, Olqa Şabanovaya, Mübariz Əliyevə məxsus pərakəndə ticarət obyektlərində, Qaradağ rayonunda “Al Market”də, Maqsud Əsədova, Rövşən Nəzərova, Firuz İslamova, Ağası Rzayevə məxsus ticarət obyektlərində, Sabunçu rayonunda “İL Market”də, “Araz Market”də, “Oba Market”də, Nərimanov rayonunda “Rahat Market İnqilab”da, Nicat Quliyevə, Elşən İsmayılova, Elşad Məhərrəmova, Arzuman Quliyevə məxsus mağazalarda, Nəsimi rayonunda “Qaymaq Mağazası”nda, Aytən Əsgərovaya, Cavanşir Kərimliyə, Əlqəmə Quliyevə, Habil Cabbarova məxsus ticarət obyektlərində, Suraxanı rayonunda “Oba Market”də, Xəzər rayonunda “Murad Market”də, “Nar Market”də, Səyavuş Rzayevə məxsus qarışıq mallar mağazasında, Xətai rayonunda Güllü Xana, Ramil Şahbəndova, Nicat Həsənzadəyə, Səxavət Rəşidova, Rüstəm İbrahimxəlilova məxsus ticarət obyektlərində, Yasamal rayonunda Ruslan Əmirova, Lalə Əhmədovaya, Namiq Yusibova məxsus ticarət, Elçin Hüseynova, Tamara Məmədovaya məxsus xidmət obyektlərində, Səbail rayonunda Günay Əhmədovaya, Elsevər Qasımovaya, Xatirə Nağıyevaya malik xidmət obyektlərində, ümumilikdə, monitorinq aparılmış 767 obyektin 69-da epidemiya əleyhinə rejimin, sanitariya-gigiyena tələblərinin pozulduğu müəyyən edilib və nöqsana yol vermiş vergi ödəyiciləri barədə İnzibati Xətalar Məcəlləsinə uyğun olaraq protokollar tərtib olunub.

Mənbə: vergiler.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun