» » » Fransızların həyatında nələr dəyişdi (2-ci hissə)

Fransızların həyatında nələr dəyişdi (2-ci hissə)

posted in: Xəbər | 0

Fransa Fransızlar2020-ci il yanvarın 1-dən fransızların həyatında nələr dəyişdi

2-ci hissə

Məqalənin 1-ci hissəsini buradan oxuya bilərsiniz

Vergilərin azaldılması, 10 avro dəyərində siqaret qutusu, minimum əmək haqqının 15 avro artırılması, eynək və diş protezlərinə xərclərin azaldılması, eləcə də pambıq “qulaq təmizləyicələrinin”dəstəyinin  yalnız ağacdan və ya kartondan hazırlanması  –  2020-ci il üçün Fransanın həyatında baş verən bu və digər yeniliklər.

“Yaşayış vergisinin” ləğv olunması

Prezident vəd etdiyi kimi fransızların 80% yeni ildən yaşayıdıqları yerə görə “yaşayış vergisini” (taxe d’habitation) ödəməkdən tam azad olunublar. Yerli büdcələrə toplanılan bu vergilər Makronun hakimiyyətə gəlişindən sonra azaldılmağa başlanılmışdı.

Bütün fransızlar üçün istisnasız olaraq  həmin vergi 2023-cü ildə ləğv olunacaq.

Gəlirlərin təvazökar artımı

Yanvarın 1-dən Fransada minimum əmək haqqının həcmi artırılıb. İndi Fransada minimum maaşlar bütün tutulmalar çıxıldıqdan sonra ayda 1219 avro təşkil edir. Fransızların üçdə iki hissəsi öz maaşlarına əlavə olaraq ayda 15 avro ala biləcəklər. İstehlak qiymətləri indeksinin artması ilə əmək haqqının minimum məbləği avtomatik olaraq artır.

Fransız pensiyaçılarının pensiyaları da indeksləşdirilib. Ayda 2000 avrodan az pensiya alanları  1% artım gözləyir. Daha “yüksək ödənişli” pensiyaçıları isə 0,3% artım gözləyir.

Minimum pensiya isə yanvarın 1-dən 868 avrodan 900 avroya kimi yüksələcək. Bu minimum gəlir yoxsul təqaüdçülərə ASPA-nın xüsusi müavinətini təmin edir. Bu 65 yaşdan etibarən vergi bəyannaməsindən illik gəliri qanunla müəyyən edilmiş minimumdan az olanlara ödənilir: 10 840 avro – bir nəfər üçün, 16 826 avro isə ailə üçün. Müavinət son dərəcə aşağı sığorta pensiyaları alanlara fərqi kompensasiya edir.

Pestisidsiz ev

Yanvarın 1-dən evlərin yaxınlığında pestisdilərdən istifadənin qadağan olunması ilə bağlı qanun qüvvəyə minib. Pestisidlərin yaşayış binalarının ətrafında 5 metrdən 20 metrə qədər (istifadə olunan maddələrin təhlükəsinin dərəcəsindən asılı olaraq) enində “təhlükəsizlik perimetrində” püskürdülməsi qadağandır.

Dərmanlar, eynək və diş potezləri

2020-ci ildə Fransada dövlət tibbi sığorta sistemi homeopatik preparatların alınması zamanı pasiyentlərə ödənilən məbləği iki dəfə azaldacaq. Bu dərmanların bir çoxunun qiymətinin 30%-i hələ də sığorta tərəfindən ödənilirdi. Bundan sonra isə belə dərmanlar üçün sığorta yalnız 15% məbləği ödəyəcək. 2021-ci ildən etibarən fransızlar homeopatiyanı yalnız öz hesablarına almaq məcburiyyətində qalacaqlar – dövlət tibbi sığortası onların ödənilməsini tamamilə dayandıracaq.


Fransızların həyatında nələr dəyişdi (3-cü hissə)


Teleqram qrupumuza üzv olun



Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun