Blog Full

Dünyanın ən bahalı brendi məlum oldu

Apple korporasiyası dünyanın ən bahalı brendləri siyahısında birinci yeri tutub, bu, 2016-cı ildən bəri ilk dəfə baş verib. Brand Finance Global 500 reytinqinin müəllifləri şirkəti 263,4 milyard dollar məbləğində qiymətləndiriblər.

Apple öz brendinin qiymətini bir il ərzində 87 faiz artıra bilib. Ekspertlər ikinci yerdə Amazon şirkətini (254,2 milyard dollar), üçüncü yerdə – Google (191,2 milyard dollar) şirkətini olduğunu bildiriblər. Dördüncü yerdə Microsoft (140,4 milyard dollar) şirkəti yerləşib. İlk onluğa həmçinin Samsung, Walmart, Facebook, ICBC (bank xidmətləri), Verizon (telekommunikasiya) və  WeChat (yüksək texnologiyalar) daxildirlər. Ən sürətlə inkişaf edən brend 158 faiz artımla (32 milyard dollara qədər) Tesla şirkəti olub.

Ən bahalı rus brendlərinə gəldikdə, həmin şirkətlər bunlardır: Sberbank (180-ci yer), “Qazprom” (304-cü yer) və “Lukoyl” (360-cı yer). Onların hamısı qiymətləndirmə dəyərinin azalması səbəbindən mövqelərini itiriblər.

Ötən il reytinqə Amazon şirkəti başçılıq edirdi. Həmin vaxt bu brend 187,9 milyard dollar dəyərində qiymətləndirilirdi. İkinci sırada Apple, üçüncüdə isə Google yerləşirdi.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Elektrik avtomobillərinin istehsalçı-şirkəti Tesla, özünün keçmiş əməkdaşını məxfi məlumatları oğurlamaqda ittiham edib. Bu barədə Kaliforniya ştatının Şimal dairəsi federal məhkəməsinin elektron məlumat bazasına istinadən CNBC kanalı xəbər verib.

Dəqiqləşdirilir ki, kommersiya sirrinin oğurlanması və müqavilənin pozulması ilə bağlı ittiham, mühəndis-proqramçı Aleks Hatilova qarşı irəli sürülüb. İddia ərizəsində onun hansı ölkənin vətəndaşı olduğu bildirilmir. Mütəxəssis həmçinin Aleks Tilov və Sabir Xatilov adları ilə də tanınır. O, San-Bruno şəhərində (Kaliforniya ştatı) yaşayır.

O, 2020-ci ilin dekabr ayında işə qəbul edilib. İddiada deyilir ki, Hatilov hələ işə başladığı üçüncü gündə Python proqramlaşdırma dilində yazılmış faylları və skriptləri, Dropbox onlayn anbarından oğurlamağa başlayıb, ümumilikdə isə o, 26 min fayl oğurlayıb. Tesla-nın dəqiqləşdirdiyinə görə, bu məlumatlar rəqiblərə “Tesla’nın hansı sistemləri avtomatlaşdırma üçün daha vacib və dəyərli hesab etdiyini” aydınlaşdıra bilər. Şirkət həmçinin Aleksi təhlükəsizlik xidmətinin onunla işləməyə başladığı zaman sübutları silməklə, oğurluq izlərini örtməyə çalışmaqda da günahlandırıb.

Proqramçının özü isə bildirib ki, fayllar onlayda səhv nəticəsində peyda olub. The New York Post nəşrinə müsahibəsində o deyib ki, öz kompüterində ehtiyat qovluğun nüsxəsini yaratmaq istəyib və təsadüfən qovluğu onlayn anbara yerləşdirib. “Mən bu sahədə təxminən 20 ilə yaxın bir müddətdə işləmişəm və məxfi sənədlərin nə olduğunu yaxşı bilirəm və onlara daxil olmaq və ya oğurlamaq üçün heç vaxt cəhd etməmişəm”, – Xatilov belə söyləyib. Digər tərəfdən, Tesla-da yüklənmiş skriptlərin onun vəzifələri ilə heç bir əlaqəsi olmadığına təkid edirlər. Xatilov yanvarın əvvəlində işdən çıxarılıb.

Bu, Tesla-nın məhkəməyə təqdim etdiyi və ya ticarət oğurluğunda keçmiş işçiləri günahlandırdığı ilk belə hal deyil. Məsələn, 2020-ci ilin dekabr ayında məlum olub ki, şirkətin keçmiş mühəndisi Martin Tripp, şirkətdə işlədiyi zaman kommersiya sirlərinə aid olan məxfi məlumatları açıqladığına görə, elektrokar istehsalçısına 400 min dollar pul ödəməlidir. O, jurnalistlərlə gizli şəkildə əlaqə saxlayaraq, onlara bildirib ki, İlon Maskın şirkəti onun bəyan etdiyi kimi həftə ərzində 5 min ədəd Model 3 elektrik avtomobilləri modelinin istehsalını gerçəkləşdirə bilməyəcək. O, həmçinin Tesla şirkətinin istehsal zamanı qüsurlu akkumulyatorlardan istifadə etdiyini bəyan edib, nəticədə bu, şirkətin səhmlərinin qiymətinin aşağı düşməsinə gətirib çıxarıb.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Gələcəyimiz təhlükədədir

DİF-in (Davos dünya iqtisadi forumu) ekspertləri dünya risklərini hesablayıblar.

Pandemiyanın aradan qaldırılmasından sonra – perspektivdə üç-beş il ərzində dünya iqtisadiyyatı, monetar yumşalma siyasəti səbəbindən hazırda aktivlər bazarında formalaşmış qovuqcuğun “partlaması” ilə xammal bazarlarında borc böhranı və şoklarla üzləşə bilər. Bu barədə Davosda dünya iqtisadi forumunun (DİF) hazırladığı qlobal risklər haqqında məruzədə deyilir. Daha uzaq perspektivdə (beş-on il) ekspertlərin fikrincə, əsas risklər geosiyasətlə və yeni texnologiyaların tətbiqinin mənfi nəticələri ilə bağlı olacaq.

Ətraf mühitlə bağlı infeksion xəstəliklər, iqlim dəyişikliyi və digər problemlər (biomüxtəlifliyin azalmasından təbii resursların böhranına qədər) yaxın on il üçün ən əhəmiyyətli risklərdir, deyə Davos dünya iqtisadi forumunun ekspertləri tərəfindən hazırlanmış məruzədə bildirilir. Qlobal risklərin bu qiymətləndirilməsi 650 ekspert sorğusu əsasında formalaşır. Qeyd edək ki, pandemiya hələ 2006-cı ildə ciddi risklərdən biri kimi daxil edilib.

Rəyi soruşulan ekspertlər rəqəmsal resursların konsentrasiyasının artması, ölkələr arasında rəqabətin gücləndirilməsi (bu, əlaqələrin zəifləməsinə gətirib çıxarır), rəqəmsal bərabərsizlik, kiberhücumların və pandemiyanın müxtəlif sosial nəticələrinin artması risklərini daha az əhəmiyyətli, həm də çox ehtimal olunanı hesab ediblər. Bu hesabatın əvvəlki dörd versiyasında DİF ekspertləri ekstremal təbii hadisələri daha çox ehtimal olunan risk adlandırırdılar.

Yaxın iki ilin əsas risklərinə gəlincə, bu, infeksion xəstəliklər və işsizliyin artması, eyni ekstremal hava şəraiti, kiberhücumlar, rəqəmsal bərabərsizlik və iqtisadiyyatların davamlı durğunluqlarıdır (gözlənilir ki, dünyanın cəmi 28 ölkəsi ilin yekunlarına görə artım göstərəcək).

Mütəxəssislər, məhdudiyyətlər səbəbindən işgüzar aktivliyin kəskin azalması ilə məşğulluğun azalması, bərabərsizliyin vəziyyəti daha da ağırlaşdırdığı barədə xəbərdarlıq edirlər. Hesabat müəllifləri hesab edirlər ki, əhalinin bir hissəsində lazımi bacarıqların olmaması səbəbindən rəqəmsal texnologiyaların avtomatlaşdırılması və populyarlığının artması da bərabərsizliyin artmasına gətirib çıxarır.

Bir az daha uzaq perspektivdə – üç-beş il ərzində – aktivlər bazarında (onların dəyəri indi monetar yumşalma siyasəti tərəfindən dəstəklənir) qovuqcuğun “partlaması”, İT infrastrukturunun çöküşünü, qiymət dəyişkənliyini, əmtəə bazarlarındakı şokları və borc böhranını əhatə edə bilər. Bundan başqa, geosiyasi gərginlik davam edəcək, həmçinin kiberhücumlardan müdafiə sahəsində uğursuzluqlar və rəqəmsallaşdırma ilə bağlı risklərin yaranması gözlənilir.

Beş-on il ərzində üfüqdə DİF ekspertlərinin müəyyən etdiyi əsas risklər bunlar ola bilər:

• kütləvi qırğın silahının mövcudluğu;
• dövlətlərin məhvi;
• biomüxtəlifliyin azalması;
• müasir texnologiyaların tətbiqinin mənfi nəticələri;
• təbii ehtiyatlar böhranı;
• sosial təminat kollapsı;
• sənayedə azalma;
• iqlim dəyişikliyinə qarşı mübarizənin uğursuzluğu;
• elmi nailiyyətlərə qarşı hərəkatın ortaya çıxması;

DİF – də qeyd edirlər ki, gənc nəsil həm iqtisadi, həm də psixoloji baxımdan xüsusi risklərlə üzləşəcək: indi təhsili bitirənlər və əmək bazarına daxil olanlar. Əgər onlar yeni imkanlara çıxış əldə etməsələr, cəmiyyət “illüziyaların itirilməsi” və hazırkı iqtisadi və siyasi dünya nizamına inamın itirilməsini gözləyirlər.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

PSA Group (Peugeot-Citroen) və Fiat Chrysler Automobiles (FGA) avtomobil istehsalçıları birləşmə əməliyyatını tamamlayıblar. Nəticədə dünyada ən nəhəng avtomobil istehsalçılarından biri – Stellantis NV peyda olub.

Stellantis dünyada dördüncü ən böyük avtomobil nəhəngi olacaq və ildə 8,7 milyon avtomobil istehsal edə biləcək. Bu birlik şirkətlərə hər il beş milyard avroya qənaət etməyə imkan verəcəkdir. Yeni şirkətə PSA Group-un baş direktoru Karlos Tavares rəhbərlik edəcək. Yeni şirkətin səhmləri ilə Milan, Nyu-York və Paris birjalarında ticarət olunacaq.

İtaliya Maliyyə Nazirliyi ötən ilin iyun ayında FCA-ya avtomobil nəhəngini iflasdan xilas etmək üçün rekord həcmdə – 6,3 milyard avro məbləğində kredit verib. Kredit, COVID-19 pandemiyasının başlanılmasından bəri Avropadakı bütün  avtomobil istehsalçıları tərəfindən alınan ən böyük kredit idi. Vəsaitlər işçilərin əməyinin, təchizatçıların xidmətlərinin və həmçinin milli filiala planlaşdırılan investisiyaların ödənilməsinə yönəldilib.

Fiat Chrysler, Alfa Romeo, Chrysler, Dodge, Jeep, Lancia, Ram Trucks markalarına, PSA isə Peugeot, Citroen, DS, Opel və Vauxhall markalarına sahibdir. Yalnız Volkswagen, Nissan-Renault-Mitsubishi və Toyota Motor yeni alyansdan daha çox avtomobillər satır.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun