Blog Full

CNBC-yə verdiyi müsahibədə Capital Economics investisiya və konsaltinq şirkətinin portfelini idarə edən meneceri Saşa Çorli, investorları dünyanın hər yerindən olan ölkələrə borc verməyə çağırış edib və qeyd edib ki, son altı ildə bundan ötrü ən yaxşı andır.

Çorlinin sözlərinə görə, hazırda məhz, dövlət istiqrazları bazarı investorlar üçün – həm özəl, həm də institusional investorlar üçün ən cəlbedici bazardır. Son həftələrdə bir çox ölkələrin dövlət kağızlarının, ilk növbədə, ənənəvi olaraq etibarlılıq etalonu sayılan ABŞ-ın 10 illik xəzinədarlıq istiqrazlarının gəlirliliyinin kəskin artımı müşahidə edilir.

Eyni zamanda, investorlar dövlət borcuna qoyulan investisiyalara da şübhə ilə yanaşırlar və kütləvi şəkildə onları satmağa başlayıblar ki, bu da gəlirliliyin artmasına gəirib çıxarıb. Əsas səbəblərdən biri gəlirliliyi azaldacaq inflyasiyanın kəskin artması ilə bağlı narahatlıq idi.

Bəzi ölkələrdə inflyasiya həqiqətən də hədəf səviyyəsini üstələyir və ya buna yaxınlaşır, lakin, bu tendensiya müəyyən bir müddət ərzində müşahidə olunur, –  deyə, maliyyəçi qeyd edir. Bundan əlavə, böyümə tədricən baş verir ki, bu da dövlət borclarının alıcılarında inam yaratmalıdır.

Bununla yanaşı nəşrin qeyd etdiyinə görə, Çorlinin mövqeyi bazarda heç də üstünlük təşkil etmir. Onun çağırışlarına, həmçinin ABŞ-ın Federal ehtiyat sistemi (FES) və İngiltərə Bankının bu ölkələrin tənzimləyicilərinin pul-kredit siyasətini sərtləşdirmək və kəmiyyət yumşaldılması proqramını ləğv etmək niyyətində olmadığı barədə bəyanatlarına baxmayaraq, investorlar dövlət istiqrazlarını satmaqda davam edirlər. Capital Economics-in qiymətləndirməsinə görə, ilin sonuna kimi 10 illik xəzinədarlıq kağızlarının gəlirliliyi 1,5-1,75-dən 2,25-2,5 faizədək arta bilər.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Gəlirli startapı necə təsis etməli (5-ci hissə)

Biznesə yeni başlayan sahibkarlardan ötrü 5 addımdan ibarət təlimat   

Əks əlaqə üçün istehlakçıları harada tapmalı?

Bütün əlçatan resurslardan istifadə edin. Adamları Reddit, The Question, Quora, Meetup.com kimi poçt siyahılarında, forumlarda və mesaj lövhələrində, sosial şəbəkələrində və mikro-netvorkinqdə  axtarın. Kafeyə gedib kiminsə hər hansı bir fikrini öyrənmək üçün kofe də təklif etmək olar.

Fokus-qruplara dostlarınızı və qohumlarınızı dəvət etməyin. Onların fikirləri qərəzli ola bilər və sizə olan nəzakətdən suallara səmimi cavab verə bilməzlər.

Hər hansı bir məhsulu və ya xidməti işə salmazdan öncə, hökmən komandanızın həlli ilə məşğul olacağı problemi axtarıb tapın.

Bazara çıxış

Sizin strartapınızın məhsulu üçün bazarın mövcud olduğunu necə müəyyən etməli?

Məqalənin 4-cü hissəsini buradan oxuya bilərsiniz

Şirkətin istiqamətini müəyyənləşdirib startapınızın həll edəcəyi problemi müəyyənləşdirdikdən sonra məhsulunuzdan ötrü bir bazarın olması vacibdir.

Bazarın ölçüsünü hesablayın

Startapı yaratmazdan əvvəl sizin məhsulunuzdan ötrü bazarın mövcud olub-olmadığını təhlil edin, il ərzində potensial satış həcmini hesablayın:

Yüksək illik gəlir üçün (məsələn, 1 milyard dollarlıq satışlar) sizə ya böyük sayda istehlakçılar, ya yüksək qiymət, yaxud bunların hər ikisi birlikdə lazım gələcək.

Bazar – startapın uğuru və ya uğursuzluğunda ən mühüm amildir. Niyə? Çoxlu sayda real alıcılar varsa, startapınızın məhsulunu bazar özü ortaya çıxarır. Bazar həmin vaxtlarda özü sizin ilk uyğun məhsulunuzun axıb gəlməsini dəstəkləyir. 

Mark Andrissen, sahibkar, investor və proqram təminatı üzrə mühəndis

Məhsulun möhtəşəm olmasına ehtiyac yoxdur. Sadəcə məhsulun  satışı vacibdir. Komandanızın nə dərəcədə yaxşı işləyib-işləməsinin, bazar üçün əhəmiyyəti yoxdur – ən vacibi məhsula ehtiyac olmasıdır.

Məqalənin 6-cı hissəsini buradan oxuya bilərsiniz

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Qanunla müəyyən edilmiş vergi və digər dövlət ödənişlərini vaxtında və tam həcmdə ödəmək hər bir vətəndaşın Konstitusiya ilə təsbit edilmiş borcudur.

Hüquqşünas Şəhriyar Həbilov mövzunu şərh edərkən bildirib ki, hər bir vətəndaş dövlət büdcəsinin vergilər əsasında formalaşdığını və başda hərbi büdcə olmaqla bir sıra sosial layihələrin icrasına yönəldiyini nəzərə alaraq sanksiyadan qorunmaq üçün deyil, sosial məsuliyyət baxımından vergilərin ödənilməsində maraqlı olmalıdır.

Mülki Prosessual Məcəllənin 355-7.1-ci maddəsinə əsasən, vergi ödəyicisi olan fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması haqqında ərizə məhkəməyə təqdim olunduqdan sonra məhkəmə tərəfindən 10 gün müddətinə baxılır. Bu Məcəllənin 355-7.4-cü maddəsində isə göstərilib ki, vergi ödəyicisi olan fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması haqqında qətnamə qəbul edildikdən dərhal sonra qüvvəyə minir və qətnamədən şikayətin verilməsi onun icrasını dayandırmır.

Qanunvericiliyə əsaslanaraq müəyyən edilmiş müddətdə vergi öhdəliyi vergi ödəyicisi tərəfindən yerinə yetirilmədikdə, hesablanmış vergilər üzrə borcların və faizlərin, tətbiq edilmiş maliyyə sanksiyalarının ödənilməsini təmin etmək üçün vergi orqanı fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması barədə məhkəməyə müraciət etmək hüququna malikdir. Müvafiq hüququn məhdudlaşdırılması haqqında ərizə məhkəməyə təqdim olunduqdan sonra məhkəmə tərəfindən 10 gün müddətinə baxılır.

Qeyd edək ki, fiziki və ya hüquqi şəxsin icra orqanının rəhbəri məhkəmə iclasına gəlmədikdə də (üzrlü əsas olmadan) işə onun iştirakı olmadan baxıla və qətnamə qəbul edilə bilər.

Qətnamənin dərhal icraya yönəldilməsi isə şəxsin qətnamə qəbul edilən gündən ölkədən çıxmaq hüququnun məhdudlaşdırılması ilə nəticələnir.

Müəllif: Praktiki Hüquqşünas / Şəhriyar Həbilov

Əmək vəzifələrinin kobud pozuntusu halı və işçi hüquqları

İş vaxtı (Normalar, tələblər, yeniliklər)

İçkili olmağın fəsadları (müxtəlif sahələr üzrə)

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Pullar və Rokfeller sülaləsi barədə 10 əhvalat (3-cü hissə)

1874-cü il yanvarın 29-da  kiçik amerikalı neft sənayeçisi, maliyyəçi, tarixdə ilk milyarderin oğlu və əfsanəvi Rokfellerlər sülaləsinin əsasını qoyan kiçik Con Devison Rokfeller dünyaya gəlib.

Nəyin bahasına olursa olsun, neft

1870-ci ildə Rokfeller özünün məşhur “Standart oyl” şirkətini yaratdı. O, öz dostu və biznes üzrə partnyoru Henri Flaqlerlə birlikdə neft istehsal edən və neft emalı ilə məşğul olan pərakəndə müəssisələri vahid güclü bir trest ətrafında toplamağa başladı. Rəqibləri onun qarşısında davam gətirə bilmirdilər, Rokfeller onları seçim qarşısında qoydu: vahid trest ətrafında birləşmək və ya iflas olmaq. İnandırmalar işə keçmədikdə, ən sərt metodlar işə düşürdü. Məs, “Standrt oyl” rəqibin lokal bazarında qiymətləri aşağı salırdı və beləliklə də rəqibini zərərlə işləməyə məcbur edirdi. Və yaxud Rokfeller ipə-sapa yatmayan neft emalçılarına neft göndərilməsini dayandırırdı.

Məqalənin 2-ci hissəsini buradan oxuya bilərsiniz.

1879-cu ildə “təcavüzkar müharibə” faktiki olaraq başa çatmışdı. Rokfellerin şirkəti ABŞ-ın nft emal edən bütün güclərinin 90% nəzarət edirdi Amma, 1890-cı ildə inhisarçılıqla mübarizəyə istiqamətlənən antitrest Şerman qanunu qəbul edildi. 1911-ci ilə qədər Rokfeller və partnyoruna sözügedən qanundan yan keçmək nəsib olsa da, sonunda “Standart oyl” otuz üç şirkətə bölündü (demək olar ki, amerikanın hazırkı neft istehsal edən şirkətləri öz tarixni “Standart oyl”dan başlamışlar).

Milçəyə görə “əməkhaqqı”

Rokfeller Lora Selestin Spelmanla evli idi. O, bir dəfə belə demişdi: “Onun məsləhətləri olmasaydı, mən elə yoxsul olaraq qalardım”.

Bioqraflar yazırlar ki, Rokfeller bütün gücü ilə uşaqlarını əməyə, təvazökarlığa və qərəzsizliyə öyrəşdirmiş. Con evində bazar iqtisadiyyatının özünəməxsus bir maketini yaratmışdı: o, qızı Lauranı “direktor” təyin etmiş və uşaqlarına özləri üçün təfərrüatlı mühasibatlıq kitabları tutmağı tapşırmışdı. Hər bir uşaq öldürülən milçəyə, itilənən karandaşa, bir saat müddətində musiqi ilə məşğul olmağa və gün ərzində konfetdən imtinaya görə bir neçə sent alırdı. Bağçada hər bir uşağın öz ləki var idi, hansı ki, oranın alaq otlarından təmizlənməsinə görə də onlara pul verilirdi.  Səhər yeməyinə gecikməyə görə isə kiçik Rokfellerlər cərimə olunurdular.

Məqalənin 4-cü hissəsini buradan oxuya bilərsiniz.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun