Blog Full

Gəlirli startapı necə təsis etməli (8-ci hissə)

Biznesə yeni başlayan sahibkarlardan ötrü 5 addımdan ibarət təlimat   

Gəliri proqnozlaşdırırıq

Sizin biznes-modeliniz nədən ibarətdir? Onun miqyasını genişləndirmək olarmı?

Startapdan istifadədən əvvəl istiqaməti, problem və məhsulu qəti şəkildə müəyyənləşdirdik. Sizin məhsulunuzdan ötrü bazarın mövcud olduğuna əmin olduq. Növbəti addım – bu, sizin biznes modelinizin məhsulu bazara çıxara, mənfəət əldə edə və miqyasını artıra biləcəyinizi hesablamaqdır.

Müştəri bazanız nə qədər çox olarsa, məhsulunuzun bir vahidinin hazırlanması bir o qədər ucuz başa gələcək. Məsələn, əgər siz hansısa bir əlavə hazırlayırsınızsa və onun qiyməti – 250 min dollardırsa, 10 min nəfərlik bir müştəri bazası, məhsulunuzun bir vahidinin hazırlanmasının 25 dollar olduğunu göstərir.

Məqalənin 7-ci hissəsini buradan oxuya bilərsiniz

Əgər yalnız 4 min müştəriniz varsa və bir az gəlir əldə etməlisinizsə, məhsulunuzun qiyməti yüksələcək. Bununla birlikdə, rəqibləriniz daha ucuz bir məhsul təklif edərsə, şansınız olmayacaq –   belə ki, lap başlanğıcda potensial bir problemlə qarşılaşmısınız.

Biznes-model miqyasını genişləndirməlidir – əks təqdirdə şirkətiniz sıradan çıxacaq. Biznes-modelinizin inkişafı üçün potensial olduğundan əmin olun.

Proqram təminatının işlənib hazırlanmasının və satışının əsas üstünlüklərindən biri ondan ibarətdir ki, həcmin artırılması üzrə məsrəflər əhəmiyyətsizdir. Məs, bir proqramı təminatı yarada bilərsiniz və həmin məhsulun istənilən sayda “surətlərini” minimum pula da sata bilərsiniz.

Əksinə, əgər dəftər, fərdi kompüter və ya pəncərə çərçivələri kimi “fiziki məhsullar” satırsınızsa, müştərilərinizə nə qədər fərdi vahid satdığınızdan asılı olmayaraq, onları maya dəyəri ilə istehsal edirsiniz.

Sadə bir pul axını hesablaması yaradın

İlk beş addım başa çatdımı? Bundan sonra siz maliyyə kapitalını cəlb edirsiniz (əgər öz səylərinizlə şirkəti inkişaf etdirmək niyyətində deyilsinizsə), məhsul yaradırsınız, məhsulu/bazarı müvəffəqiyyətlə birləşdirməyə çalışırsınız və təkrarlanan və geniş miqyas alan biznes modeli yaradırsınız.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Pullar və Rokfeller sülaləsi barədə 10 əhvalat (4-cü hissə)

1874-cü il yanvarın 29-da  kiçik amerikalı neft sənayeçisi, maliyyəçi, tarixdə ilk milyarderin oğlu və əfsanəvi Rokfellerlər sülaləsinin əsasını qoyan kiçik Con Devison Rokfeller dünyaya gəlib.   

Zavodların, gəmilərin, meşələrin sahibi

1917-ci ildə Con Rokfellerin şəxsi sərvəti 900 milyon-1,2 milyard dollar dəyərində qiymətləndirilirdi ki, bu da ABŞ-ın o vaxtkı ÜDM-nin 2,5% təşkil edirdi. Müasir ekvivalentdə Rokfellerin sərvəti  təxminən 150 milyard dollar təşkil edərdi ki, bu da onun elə indinin özündə də ən varlı adamlardan biri olduğunu təsdiq edir. Ömrünün sonuna yaxın Rokfeller “Standart oyl”un 34 törəmə şirkətlərinin hər birindəki payından əlavə 16 dəmiryolu və altı poladəritmə şirkətinə, doqquz banka, altı gəmiçilik idarəsinə, doqquz rieltor firmasına və üç portağal ağacları əkilən böyük sahələrə malik idi.

Məqalənin 3-cü hissəsini buradan oxuya bilərsiniz.

Rokfeller həyatı ərzində xeyriyyə tədbirlərinə 500 milyon dollardan çox vəsait sərf edib. Həmin məbləğdən 80 milyon dolları Çikaqo universitetinə, 100 milyona yaxını isə özünün və həyat yoldaşının daim ziyarət etdiyi baptist kilsəsinə bağışlanılmışdı. Eləcə də Con Rokfeller Nyu-York tibb tədqiqatları universitetini, ümumitəhsil Şurası və Rokfeller Fondunu  yaratmış və maliyyələşdirmişdir.

Müharibədə biznes

Sülalənin yeni rəhbəri II (kiçik) Con D. Rokfeller öz atasının layiqli davamçısı olub. Birinci dünya müharibəsi Rokfellerlər ailəsinə 500 milyon dollar təmiz gəlir gətirdi. İkincü dünya müharibəsi daha çox gəlir gətirdi – belə ki, tank, aviasiya mühərrikləri benzin tələb edirdi, həmin benzin isə bütün sutka boyu rokfellerlərin zavodlarında istehsal olunurdu. Nəticədə müharibə illəri ərzində 2 milyard dollar təmiz gəlir əldə olunmuşdu.

Kiçik Rokfeller XX əsrin əvvəllərində Amerikanın ən nüfuzlu siyasi xadimlərindən biri, uzun müddət Vaşinqtonda, demək olar ki, ölkə prezidentləri kimi nüfuza malik senator Nelson Oldriçin qızı ilə evlənmişdi.

Məqalənin 5-ci hissəsini buradan oxuya bilərsiniz.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Nazirlər Kabineti tərəfindən “Ezamiyyə xərclərinin normaları haqqında” Qaydalarda bu ilin yanvar ayında edilmiş dəyişikliklərə görə, ölkədaxili ezamiyyə zamanı mehmanxana üçün təsdiqedici sənədlər lazım olmur. Bununla belə, təcrübədə bəzi suallar ortaya çıxır. Mövzunu sərbəst auditor Altay Cəfərov misallarla izah edir.

Ən çox sual doğuran məsələ ölkədaxili ezamiyyələrdə gündəlik xərclərin ümumi normanın 20 faiz və mehmanxana xərclərinin də 80 faiz olmasıdır: təsdiqedici sənədlər tələb olunmursa, onda bu faizlərə bölünmə nəyi ifadə edir?

Misal: Tutaq ki, “AA” MMC-nin işçisi aprelin 1-dən 5-dək Bakı şəhərinə ezam edilib.

Sual: Bu halda işçinin ezamiyyə müddəti neçə gün olacaq? Ezamiyyənin başlama və bitmə tarixləri hansılardır?

Bunun üçün işçinin ezamiyyəyə göndərilməsi haqqında əmrə diqqət yetirilməlidir. Yəni əmri düzgün tərtib etmək lazımdır, orada ezamiyyənin başlama, bitmə tarixləri, eləcə də işçinin ezamiyyədə neçə gün olacağı, həmçinin işçinin işə çıxma tarixləri əks olunmalıdır.
Misalımızdan göründüyü kimi, normal halda 1-5 aprel tarixləri arasında 5 təqvim günü vardır. Amma işçinin ezamiyyəyə gedib-qayıtmasını nəzərə alsaq, bu müddət 5 tam olmayan və 4 tam olan təqvim günü hesab edilə bilər. Bundan əlavə, ezamiyyənin 1-5 aprel tarixlərində olmasına baxmayaraq, əmrdə işçinin aprelin 5-də, yoxsa 6-da işə çıxacağı göstərilməlidir ki, bu da ezamiyyə xərclərinin düzgün hesablanması üçün zəruridir.

Sualımızın davamı kimi bir məsələni də nəzərdən keçirək. Tutaq ki, əmrdə ezamiyyənin 1-5 aprel tarixlərində, 5 gün müddətində olduğu, işçinin işə 6 aprel 2021-ci ildə çıxmalı olduğu yazılıb.
Birinci varianta görə, işçi ezamiyyədən qayıdanda nəqliyyat xərcini təsdiq edən sənədi təqdim edib və nəqliyyat biletinə görə avtobus Bakı şəhərindən aprelin 6-da saat 01.00-da çıxıb.

İkinci variantda isə işçinin nəqliyyat xərcinin təsdiq edən sənədi “AA” MMC-yə təqdim edilməyib.

Sual: Bu hallarda ezamiyyə necə hesablanacaqdır?

Birinci halda faktiki olaraq işçinin 5 gün ezamiyyədə olduğu həm əmrlə, həm də nəqliyyat bileti ilə təsdiq edilir. Yəni işçi aprelin 5-də Bakıda olub və faktiki olaraq Bakıdan 24.00-dan sonra çıxıb.

Qaydalarda yazılıb:
Azərbaycan Respublikasının ərazisində ezamiyyə xərclərinin müəyyən edilmiş 1 günlük normasının 20 faizini gündəlik xərc (yemək, rabitə, şəhərdaxili nəqliyyat və digər xidmətlər üzrə xərclər daxil olmaqla) təşkil edir.

Gündəlik xərc – işçiyə ezamiyyətdə olduğu müddətdə hər təqvim günü üçün (yolda olduğu müddət nəzərə alınmaqla) ödənilir.

Mehmanxana xərcləri işçiyə ezamiyyətdə olduğu müddətdə hər təqvim günü üçün (yolda olduğu müddət nəzərə alınmadan) Azərbaycan Respublikasının ərazisində ezamiyyə xərclərinin 1 günlük normasının mehmanxana xərcləri üçün müəyyən olunmuş hissəsi miqdarında ödənilir.

Birinci halda işçiyə ezamiyyə normalarına görə ödənişlər tam olacaqdır. Yəni Bakı şəhərinə gündəlik ezamiyyə məbləği 90 manatdır. Bunun 90 manat * 20% = 18 manat gündəlik xərclər və 90 manat*80% = 72 manat mehmanxana xərcləridir.

Deməli, beş günlük gündəlik xərclər 18 manat*5 gün = 90 manat olacaqdır. Mehmanxana xərcləri də aprel ayının 5-ni tam əhatə etdiyinə görə 5 gün üçün ödəniləcıkdir: 72 manat * 5 gün = 360 manat olacaqdır.

İkinci halda isə işçinin faktiki olaraq geri qayıtmasını sübüt edən nəqliyyat sənədi yoxdur. Bu zaman artıq işçinin ezamiyyə vərəqəsində aparılmış qeydlərə baxmaq lazımdır. Qeydlərdə geri qayıtma kimi imza, möhür atmış təsərrüfat subyekti ayın 5-ni qeyd edib. Ona görə ki, işçi faktiki ezamiyyədən ayın 5-i buraxılıb.

Belə olan halda gündəlik xərclərin ödənilməsi üçün müddət yenə də 5 gün sayılacaqdır. Amma mehmanxana xərclərinin ödənilməsi üçün müddət 5 gün yox, 4 gün hesablanacaqdır. Ona görə ki, faktiki sənədlər işçinin 4 gün gecələdiyini sübut edir.

5 gün * 18 manat = 90 manat gündəlik xərclər;
4 gün * 72 manat = 288 manat mehmanxana xərcləri.

Deməli, yuxarıda qeyd etdiyimiz ezamiyyə xərclərinin faizlərlə bölünməsi hesablamaların və faktiki ezamiyyənin dəyərləndirilməsi üçün nəzərdə tutulub.

Mənbə: vergiler.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun