Blog Full - Audit.Az

Oxunma sayı: 141. 805

21 Dek 2023

Vergi uçotu kursu

by Audit.Az | posted in: təlim, Vergi, Xəbər | 0

Vergi uçotu kursu

Vergi uçotu kursu Azərbaycan Respublikasının Vergi qanunvericiliyi, Vergi məcəlləsi və vergi uçotu zamanı istifadə edilən digər qanunvericilik aktları və Vergi məcəlləsinə uyğun təşkil edilmiş vergi uçotunun qaydalarını, Vergi məcəlləsində olan dəyişiklikləri, vergi bəyannamələrinin hazırlanmasını və vergi qanunvericiliyinin mühasibat uçotunda düzgün əks etdirilməsini əhatə edir. Həmçinin təlim vergilərlə bağlı məsələlərin geniş və izahlı tədris edilməsi əsasında təşkil olunacaq.

Təlim kimlər üçündür?

Mühasib və auditorlar;
Vergi mütəxəsisləri və iqtisadçılar;
PMS imtahanına hazırlaşanlar;
Bu sahəni öyrənmək istəyən digər peşə sahibləri.

Təlimçi barədə:

Azər Qənbərov

Azər Qənbərov Azərbaycan Dövlət İqtisad Universitetində “Dövlət maliyyəsində vergi siyasəti”, “Vergi müqavilələri”, “Vergi auditi”, “Rəqəmsal iqtisadiyyat və vergiqoyma”, “Vergiqoymanın prinsipləri” fənlərini tədris edir. Eyni zamanda “Azərbaycan Mühasiblər Məktəbi”ndə vergi üzrə təlimçi olaraq fəaliyyət göstərir. Dövlət İmtahan Mərkəzində PMS imtahanları üzrə ekspertdir.

Azercell şirkətində Vergi hesabatları bölümünün rəhbəridir. İqtisadiyyat Nazirliyi yanında Dövlət Vergi Xidmətində “Biznesə başlama, vergi və hesabatlılıq” üzrə işçi qrupunun üzvüdür.

SOCAR Baş ofisində Vergilər Departamentində rəis müavini vəzifələrində çalışmışdır. Vergi qanunvericiliyinin tətbiqinə dair 50-dən artıq məqalənin müəllifidir. Peşəkar Mühasib Sertifikat imtahanını hər iki sektor üzrə müvəfəqiyyətlə vermişdir. “CİMA və ACCA” üzrə “Diplom Performance Management” və “DİPİFR” beynəlxalq diplomların, həmçinin Daxili audit Sertifikatının sahibidir.

Azərbaycanda ilk dəfə mənfəət vergisinin SAP ERP sistemində avtomatlaşdırılması və vergi uçotu ilə maya dəyərinin, gəlir və xərclərin uçotunun, eləcə də vergi registrlərinin düzgün formalaşması üzrə layihənin rəhbəridir.

Vergi auditi və daxili audit üzrə 15 ildən çox təcrübəyə malikdir.

Qrupda iştirakçı sayı: 12-15 nəfər

Təlim formatı: Ənənəvi və onlayn

Təlim sayı və vaxtı: 12 təlim / 48 saat / Həftədə 1 dəfə, şənbə günləri, saat: 15:00-19:00

Kursa daxildir:

12 təlim / 48 saat;
Sertifikatların təmini;
Video qeydlər və təlim materialları;
Coffee break.

Kursa qoşulmaq və ya ödəniş, başlama tarixi və s. haqda məlumat almaq üçün müvafiq linkdən qeydiyyatdan keçə bilərsiniz. Ən qısa zamanda əməkdaşlarımız sizə geri dönüş edəcəklər: https://crmform.azgroup.az/

Təlim müddəti və sonrakı 1 ay boyu iştirakçılar öyrəndiklərini praktikada daha rahat tətbiq edə bilmək üçün və işlərində yaranmış çətinliklər ilə bağlı təlimçidən ödənişsiz konsultasiya dəstəyi ala bilirlər.

Təlimlərin video qeydiyyatı aparılır. Həm təkrar olaraq, həm də qoşula bilmədiyiniz təlimləri izləyə bilirsiniz. Hər təlimdən sonra (1 gün ərzində) təlim materialları (köməkçi fayllar, cədvəllər) və video qeydlər iştirakçılarla bölüşülür.

Təlimlərin yekununda (keçirilən mövzuları əhatə edən) sertifikat imtahanı olur. Nəticədən aslı olaraq iştirakçı və ya müvəffəqiyyət sertifikatı alırsınız. İştirakçı sertifikatı almaq üçün 80% davamiyyət, müvəffəqiyyət sertifikatı almaq üçün isə 80% davamiyyət və yekun imtahandan minimum 70% nəticə əldə etməlisiniz.

Proqrama nəzər yetirin:

Mövzu	saat	VM-nin maddələri və ya digər qanunvericilik aktları
Vergi qanunvericiliyi, vergi münasibətləri və yeni anlayışlar, ikiqat vergitutmanın aradan qaldırılmasına dair tələblər, test sualları	4 saat	VM 1-13 maddələr, Beynəlxalq sazişlər, DTA formaları üzrə yeniliklər, Nazirlər Kabinetinin qərarları
Bazar qiyməti. Transfer qiymətlər. Vergi ödəyicisinin və vergi orqanlarının hüquq və vəzifələri, vergi agenti, daimi nümayəndəlik anlayışları, testlər	4 saat	VM 14-31 maddələr, Konstitusiya Məhkəməsi Plenumunun qərarı,Transfer qiymətlərin müəyyən edilməsi barədə Vergilər Nazirliyi Kollegiyasının qərarı
Vergi nəzarəti, uçot qaydaları, vergi yoxlamaları, kameral və səyyar vergi yoxlamaları, yoxlamanın nəticələrinin rəsmiləşdirilməsi, sənədlərin tələb edilməsi, baxış, operativ vergi nəzarəti, xronometrajın keçirilməsi, vergi qanunvericiliyinin pozulmasına görə məsuliyyət, hesabatın və digər məlumatın təqdim edilməsi ilə bağlı huquqpozmalara görə maliyyə sanksiyaları, şikayətlərin verilməsi və şikayətlərə baxılması qaydası, testlər	4 saat	VM 32-60 maddələr, sahibkarlıq sahəsində yoxlamaların tənzimlənməsi haqqında qanun, Konstitusiya Məhkəməsi Plenumunun qərarı,Nağdsız hesablaşmalar haqqında qanun, Konstitusiya Məhkəməsi plenumunun qərarı, İnzibati Xətalar Məcəlləsi, Cinayət Məcəlləsi
Vergilərin ödənilməsi üzrə ümumi qaydalar, vergitutma obyektinin müəyyən edilməsi qaydaları, məlumatların verilməsi, vergi öhdəlikləri, vergi öhdəliklərinin əvvəlcədən müəyyənləşdirilməsi barədə qərarın verilməsi, əmlakın siyahıya alınması, hərracın və elektron hərracın keçirilməsi, əlaqəli məlumatlara əsasən vergilərin hesablanması, testlər.	4 saat	VM 61-94 maddələr, Nazirlər Kabinetinin qərarı, Mülki Məcəllənin ödənişlərinin növbəliliyi prinsipi haqqında maddələri, Yaşıl Dəhlizə daxil olma qaydaları
Fiziki şəxslərin və xarici fiziki şəxslərin gəlir vergisinin müəyyənləşdirilməsi, hesablama qaydaları, fiziki şəxslərin gəlir vergisinə dair məsələlər həlli, testlər, bəyannamələrin doldurulması qaydaları, fiziki şəxslərin gəlir vergisinə dair məsələlər həlli, məsələlər həlli	4 saat	VM 95-102 maddələr, Nazirlər Kabinetinin qərarları, DSMF haqqında qanun, sosial müavinətlər,işsizlik sığortası haqqında qanun
İlk sınaq imtahanı və imtahanqabağı müzakirə	1+3 saat	Məsələlər
Hüquqi şəxslərin mənfəət vergisi və azadolmalar, gəlirin əldə edilməsi və gəlirdən çıxılan və çıxılmayan xərclər, amortizasiya normaları və təmir xərcləri, ödəmə mənbəyində vergilər, testlər, məsələlər həlli, bəyannamələrin məsələ həlli ilə doldurulması qaydası	2 saat	VM 103-115 maddələr, AR Prezidentinin Fərmanları
Qeyri-rezidentin Azərbaycan mənbəyindən əldə etdiyi gəlirlərə görə ödəmə mənbəyində tutulan vergilər, testlər, məsələlər həlli, bəyannamələrin məsələ həlli ilə doldurulması qaydası	2 saat	VM 116-129 maddələr, AR Prezidentinin Fərmanları
Maliyyə lizinqi və ona dair yeniliklər, hüquqi şəxsin ləğvi, yaranması və yenidən təşkili, kassa və hesablama metodu ilə vergilərin hesablanması, cari vergilərin hesablanması, testlər, məsələlər həlli	4 saat	VM 130-152 maddələr. Konstitusiya Məhkəməsi Plenumunun qərarı
ƏDV uçotu, qeydiyyat və uçotdan çıxma, vergitutma obyekti, azadolmalar, testlər, məsələlər	4 saat	VM 153-165 maddələr, Nazirlər Kabinetinin qərarı, AR Prezidentini Fərmanı, Tax Free, fiziki şəxsin aldığı qeyri-kommersiya xarakterli malların idxalı və yaxud ƏDV-nin geri qaytarılması qaydaları
Vergi tutulan dövriyyənin vaxtının və yerinin müəyyən edilməsi, qeyri-rezidentin ƏDV-si, əvəzləşdirilmələr, məsələlər həlli, bəyannamələrin məsələ həlli ilə doldurulması qaydası	4 saat	VM 166-181 maddələr,qeyri-rezidentin ƏDV-nin vaxtının müəyyənləşdirilməsi və əvəzləşdirilməsi
İkinci sınaq imtahanı və imtahanqabağı müzakirə	1+3 saat	məsələlər
Aksiz vergisi, torpaq, yol vergisi, mədən vergisi testlər, məsələlər	4 saat	VM 182-195 maddələr, İnzibati Xətalar Məcəlləsi, Gömrük Məcəlləsi və Cinayət Məcəlləsi üzrə müddəalar
Əmlak vergisi, sadələşdirilmiş vergi, banklar və notariuslar tərəfindən tutulan sadələşdirilmiş vergi, bina tikintisi ilə məşğul olan şəxslərə hesablanan sadələşdirilmiş vergi, sabit vergi məbləği, məsələlər, testlər	4 saat	VM 196-202 maddələr, 218-221 maddələr
Əmlak vergisinə, sadələşdirilmiş vergiyə, ƏDV, mənfəət vergisi və s. vergilərin hesablanmasına dair məsələlər həlli	4 saat	VM 196-221 maddələr
Son test imtahanı	1+3 saat	məsələlər

Proqramı yükləyin: Vergi uçotu kursu

Kurslara qoşulmaq və ya ödəniş, başlama tarixi və s. haqda məlumat almaq üçün müvafiq linkdən qeydiyyatdan keçə bilərsiniz. Ən qısa zamanda əməkdaşlarımız sizə geri dönüş edəcəklər: https://crmform.azgroup.az/

Əlaqə:

📞+994 12 310 09 29

📱+994 50 225 82 05

Ünvan: Caspian Plaza

20 Dek 2023

Əməkhaqqıdan tutulmaların aparılması qaydası

by Audit.Az | posted in: Xəbər | 0

Əməkhaqqıdan icbari ödənişlərin tutulması qaydaları işçi və işəgötürənlər, eyni zamanda insan resursları sahəsində çalışanlar və mühasiblər üçün ən çox maraq doğuran mövzulardandır. Əmək qanunvericiliyi üzrə ekspert Nüsrət Xəlilov 2024-cü ildən əməkhaqqıdan tutulmaların aparılması qaydasını şərh edir.

Qüvvədə olan qanunvericiliyə əsasən, hazırda əməkhaqqıdan aşağıdakı icbari ödənişlərin tutulması aparılır:

1. Fiziki şəxslərin gəlir vergisi üzrə tutulma – fiziki şəxsin gəliri əsasında müəyyən olunmuş qayda və dərəcədə tutularaq dövlət büdcəsinə ödənilən vəsait.

2. Məcburi dövlət sosial sığorta haqqı üzrə tutulma – sığortalamaya görə sığortaçıya verilən pul vəsaitidir. Şəxsin pensiya kapitalının formaşlaması və müəyyən olunmuş müavinətlərdən istifadə etməsinə hüquq verən ödəniş.

3. İşsizlikdən sığorta haqqı üzrə tutulma – nəzərdə tutulmuş hallarda sığortaolunanların itirilmiş əməkhaqlarının kompensasiya edilməsinə yönəldilmiş təminat forması;

4. İcbari tibbi sığorta haqqı üzrə tutulma – xidmətlər zərfinə daxil olan tibbi xidmətlərdən istifadə etmək üçün ilkin səhiyyə xidmətlərinin, təcili və təxirəsalınmaz tibbi yardımın göstərilməsinə təminat verən ödəniş forması.

Fiziki şəxslərin gəlir vergisi üzrə tutulma

Fiziki şəxslərin muzdlu işdən aylıq gəlirlərindən vergi aşağıdakı cədvələ uyğun olaraq tutulur:

• Neft-qaz sahəsində fəaliyyəti olan və dövlət sektoruna aid edilən vergi ödəyicilərində

Vergi tutulan aylıq gəlirin məbləği	Verginin məbləği
2500 manatadək	14 faiz
2500 manatdan çox olduqda	350 manat + 2500 manatdan çox olan məbləğin 25 faizi

• Neft-qaz sahəsində fəaliyyəti olmayan və qeyri-dövlət sektoruna aid edilən vergi ödəyicilərində (2019-cu il yanvarın 1-dən 7 il müddətində)

Vergiyə cəlb edilən aylıq gəlir

Verginin dərəcəsi

8000 manatadək

0 faiz

8000 manatdan çox olduqda

8000 manatdan çox olan məbləğin

14 faizi

Məcburi dövlət sosial sığorta haqqı üzrə tutulma

Məcburi dövlət sosial sığortasında sığorta haqqı əmək ödənişinə (gəlirə) nisbətdə faizlə müəyyən edilir, sığortaedənin və sığortaolunanın vəsaiti hesabına ödənilir.

Neft-qaz sahəsində fəaliyyəti olan və dövlət sektoruna aid edilən vergi ödəyicilərində

• sığortaedən tərəfindən ödənilən sığorta haqqı – hesablanmış əməyin ödənişi fondunun və məcburi dövlət sosial sığortasına cəlb olunan digər gəlirlərin 22 faizi;

• sığortaolunan tərəfindən ödənilən sığorta haqqı – işçinin əməkhaqqının və məcburi dövlət sosial sığortasına cəlb olunan digər gəlirlərinin 3 faizi.

Neft-qaz sahəsində fəaliyyəti olmayan və qeyri-dövlət sektoruna aid edilən vergi ödəyicilərində (2019-cu il yanvarın 1-dən 7 il müddətində)

Sığorta haqqına cəlb edilən aylıq gəlir	sosial sığorta haqqı dərəcəsi
Sığorta haqqına cəlb edilən aylıq gəlir	cəmi	sığortaolunanın gəlirlərindən tutulan	sığortaedənin vəsaiti hesabına ödənilən
200 manatadək	25 faiz	3 faiz	22 faiz
200 manatdan çox olduqda	25 faiz	6 manat + 200 manatdan çox olan hissənin 10 faizi	44 manat + 200 manatdan çox olan hissənin 15 faizi

İşsizlikdən sığorta haqqı üzrə tutulma

İşsizlikdən sığorta üzrə sığorta tarifləri aşağıdakı faiz dərəcələri ilə müəyyən edilir:

• sığortaedən tərəfindən ödənilən sığorta haqqı üzrə – hesablanmış əməyin ödənişi fondunun 0,5 faizi;

• sığortaolunan tərəfindən ödənilən sığorta haqqı üzrə – işçinin əməkhaqqının 0,5 faizi.

İcbari tibbi sığorta haqqı üzrə tutulma

İcbari tibbi sığorta haqqı üzrə tutulma aşağıdakı şəkildə aparılır:

Azərbaycan Respublikasının Əmək Məcəlləsinə uyğun olaraq bağlanmış və hüquqi qüvvəyə minmiş əmək müqaviləsinə əsasən işləyən şəxslərin gəlirlərindən

• sığortalı tərəfindən

– işçinin əməkhaqqının 8000 manatadək olan hissəsindən 2 faiz,

– 8000 manatdan yuxarı olan hissəsindən 0,5 faiz,

• sığortaolunan tərəfindən

– əməkhaqqının 8000 manatadək olan hissəsindən 2 faiz,

– 8000 manatdan yuxarı olan hissəsindən 0,5 faiz;

2024-cü ildən muzdla işləyən şəxslərin gəlirlərindən tutulmalar eyni şəkildə aparılacaq. Hazırkı vəziyyətdə növbəti il üçün qeyd edilən tutulmaların dərəcələrinə hər hansı dəyişikliyin edilməsi gözlənilmir.

İndi isə bir neçə nümunə ilə tutulmaların aparılmasına nəzər salaq:

Neft-qaz sahəsində fəaliyyəti olan və dövlət sektoruna aid edilən vergi ödəyicilərində

Misal 1: Hesablanan aylıq əməkhaqqı: – 600 manat

Vergiyə cəlb olunan məbləğ: – 600 manat

Gəlir vergisi: 56 manat (600-200) x14%)

DSMF ayırmaları: 18 manat (600 x 3%)

İşsizlikdən sığorta haqqı: 3 manat (600 x 0.5%)

İcbari tibbi sığorta haqqı: 12 manat (600 x 2%)

“NETT” əməkhaqqı: 511 manat (600-56-18-3-12)

Misal 2 : Hesablanan aylıq əməkhaqqı: – 3.000 manat;

Vergiyə cəlb olunan məbləğ: – 3.000 manat;

Gəlir vergisi: 475 manat (2500 x14%) + (3000-2500) x 25%)

DSMF ayırmaları: 90 manat (3000 x 3%)

İşsizlikdən sığorta haqqı: 15 manat (3000 x 0.5%)

İcbari tibbi sığorta haqqı: 60 manat (3000 x 2%)

“NETT” əməkhaqqı: 2.360 manat (3000 – 475 – 90 – 15 – 60)

Misal 3: Hesablanan aylıq əməkhaqqı: – 8.500 manat;

Vergiyə cəlb olunan məbləğ: – 8500 manat;

Gəlir vergisi: 1.850 manat (2500 x14%) + (8500-2500) x 25%)

DSMF ayırmaları: 255 manat (8500 x 3%)

İşsizlikdən sığorta haqqı: 42,50 manat (8500 x 0.5%)

İcbari tibbi sığorta haqqı: 162,50 manat (8000 x 2%) + (8500 – 8000) x 0.5%)

“NETT” əməkhaqqı: 6.190 manat (8500 -1850 – 255 – 42.5 – 162.5)

Neft-qaz sahəsində fəaliyyəti olmayan və qeyri-dövlət sektoruna aid edilən vergi ödəyicilərində

Misal 4: Hesablanan aylıq əməkhaqqı: – 600 manat;

Vergiyə cəlb olunan məbləğ: – 600 manat;

Gəlir vergisi: 0 manat (8000 manatadək 0 faiz)

DSMF ayırmaları:46 manat (200 x 3%) + (600 – 200) x 10%)

İşsizlikdən sığorta haqqı: 3 manat (600 x 0.5%)

İcbari tibbi sığorta haqqı: 12 manat (600 x 2%)

“NETT” əməkhaqqı: 539 manat (600 – 46 – 3 -12)

Misal 5: Hesablanan aylıq əməkhaqqı: 3.000 manat;

Vergiyə cəlb olunan məbləğ: – 3.000 manat;

Gəlir vergisi: 0 manat (8000 manatadək 0 faiz)

DSMF ayırmaları: 286 manat (200 x 3%) + (3000 – 200) x 10%

İşsizlikdən sığorta haqqı: 15 manat (3000 x 0.5%)

İcbari tibbi sığorta haqqı: 60 manat (3000 x 2%)

“NETT” əməkhaqqı: 2.639 manat (3000 – 286 -15 – 60)

Misal 6: Hesablanan aylıq əməkhaqqı: 8.500 manat;

Vergiyə cəlb olunan məbləğ: – 8.500 manat;

Gəlir vergisi: 70 manat (8500 – 8000) x 14%)

DSMF ayırmaları: 836 manat (200 x 3%) + (8500 – 200) x 10%)

İşsizlikdən sığorta haqqı: 42,50 manat (8500 x 0.5%)

İcbari tibbi sığorta haqqı: 162,50 manat (8000 x 2%) + (8500 – 8000) x 0.5%)

“NETT” əməkhaqqı: 7.389 manat (8500 – 70 – 836 – 42.5 -162.5)

Mənbə: vergiler.az

ƏDV hansı halda ticarət əlavəsindən yox, ümumi dövriyyədən tutulur?

20 Dek 2023

Xeyriyyə fondlarına ianənin vergiyə cəlb olunan mənfəətdən azaldılması qaydası

by Audit.Az | posted in: Xəbər | 0

Vergi ödəyicilərini maraqlandıran məsələlərdən biri də xeyriyyə fondlarına ianə edilmiş vəsaitlərin müəssisənin gəlirindən çıxılması, daha doğrusu, vergiyə cəlb olunan mənfəətdən azaldılması ilə bağlıdır. İqtisadçı ekspert Mahmud Abasquliyev bununla bağlı aydınlıq gətirir.

Vergi Məcəlləsinin 106.1.18-ci maddəsinə əsasən, dövlətin adından yaradılmış publik hüquqi şəxslər istisna olmaqla, vergi ödəyicisinin hesabat ilinin mənfəətinin 10 faizindən çox olmayan hissəsinin müvafiq icra hakimiyyəti orqanının müəyyən etdiyi orqan (qurum) tərəfindən müəyyən edilən meyarlara cavab verən elm, təhsil, səhiyyə, idman və mədəniyyət sahəsində fəaliyyət göstərən müəssisə, idarə və təşkilatlara köçürülən hissəsi – 2019-cu il 1 yanvar tarixdən 10 il müddətinə, siyahısı müvafiq icra hakimiyyəti orqanının müəyyən etdiyi orqan (qurum) tərəfindən təsdiq edilən ictimai və sosial məqsədlər üçün yaradılmış fondlara köçürülən hissəsi üzrə isə – 2021-ci il 1 yanvar tarixdən 8 il müddətinə vergidən azaddır. Bu maddənin müddəaları yalnız nağdsız qaydada ödənilən xərclərə münasibətdə tətbiq edilir.

Dövlət başçısının sərəncamı ilə xeyriyyə fondlarının adları açıqlanıb: Heydər Əliyev Fondu; Qarabağ Dirçəliş Fondu; YAŞAT Fondu.

Müəssisələr bu fondlara cari il ərzində köçürmə etdikləri zaman mənfəətdən 10% azalma verilir. Bundan sonra köçürülən məbləğlə 10% hissə arasında ən kiçik olan məbləğ nəzərə alınmaqla yerdə qalan məbləği mənfəət vergisinə cəlb edilir.

Misal 1

“BX” şirkəti 2023-cü il ərzində Qarabağ Dirçəliş Fonduna 50.000 manat məbləğində vəsait köçürüb. Cari ildə şirkətin ümumi vergiyə cəlb olunan gəliri 300.000 manat, gəlirin əldə edilməsi ilə bağlı xərci isə 170.000 manat təşkil edib. Bu halda, vergiyə cəlb olunan mənfəət 130.000 manatdır:

300.000 – 170.000 = 130.000 manat.

Fonda köçürülməni nəzərə alsaq, o zaman məbləğ 13.000 manat olacaq:

130.000 x 10% = 13.000 manat.

Burada 10% hissə köçürülən məbləğdən kiçik olduğu üçün əsas götürüləcək. Beləliklə, mənfəət vergisinə cəlb edilən məbləğ 23.400 manat olacaq:

130.000 – 13.000 = 117.000 manat;

117.000 x 20% = 23.400 manat.

Misal 2

“AA” şirkəti 2023-cü il ərzində YAŞAT Fonduna 50.000 manat məbləğində vəsait köçürüb. Cari ildə şirkətin ümumi vergiyə cəlb olunan gəliri 700.000 manat, gəlirin əldə edilməsi ilə bağlı xərci isə 190.000 manat olub. Bu halda, vergiyə cəlb olunan mənfəət 510.000 manat təşkil edir:

700.000 -190.000 = 510000 manat.

Fonda köçürülməni nəzərə alsaq, o zaman məbləğ 51.000 manat olacaq:

510.000 x 10% = 51.000 manat.

Burada 10% hissə köçürülən məbləğdən böyük olduğu üçün faktiki köçürülən məbləğ nəzərə alınacaq.

Beləliklə, mənfəət vergisinə cəlb olunan rəqəm 92000 manat təşkil edəcək:

510.000 – 50.000 = 460.000 manat;

460.000 x 20% = 92.000 manat.

Mənbə: vergiler.az

Vergi Məcəlləsinin 151.2-ci maddəsinə uyğun metod seçilərkən hesablama necə həyata keçirilir?

19 Dek 2023

Keyfiyyətli mühasibin 10 əlaməti (II hissə)

by Audit.Az | posted in: Xəbər | 0

I Hissəyə nəzər yetirmək üçün daxil olun

Mühasibləri qorxutmağa ehtiyac yoxdur, qorxu hissi çoxdan onların daxilinə nüfuz edib. Bu ağır yükü hər il getdikcə daha çox üzücü hesabatlar dərc edən kadr bazarının mütəxəssisləri öz üzərlərinə götürüblər: xatırladırlar ki, mühasib sayına görə dünyada yüksək səviyyəli rəqabət olan üçüncü peşədir.

Milyonlarla mütəxəssis – əlbəttə, təsirli səslənir. Lakin gəlin dürüst olaq: bu milyonlardan nə qədəri, işəgötürənlər və müştərilərin onlardan ötrü növbəyə dayana biləcəkləri keyfiyyətli, mükəmməl mütəxəssisdirlər?

Belə mühasibi necə tanımalı? Çox asan. Onun 10 fərqləndirici xüsusiyyəti var.

II hissədə digər 5 əlamət ilə tanış olun.

6-cı əlamət. Müddəti qabaqlayır

Mühasibin işi tarixlər (müddət) ətrafında qurulur. Əməkhaqqı, vergilər, icarə haqqı, hesabatlar – hər biri konkret bir tarixdə hazır olmalıdır.

Təəssüf ki, bir çox işlərdə olduğu kimi bu məsələyə bizim öz “milli yanaşmamız” vardır – hər şeyi lap son dəqiqədə yerinə yetirmək. Və əlbəttə, yaramazlıq qanununu üzrə kontragentlər elə son dəqiqədə yoxa çıxır, saytlar sıradan çıxır, kompüterlər xarab olur, bir sözlə hər şey bir-birinə qarışır.

Müddətin pozulması isə cərimələr şəklində nəticələnir

Təbii ki, bütün bunlar gündəlikdə və ya sizə bunu xatırlada biləcək bir proqramda qeyd olunur: Google təqvimi, Bitrix, Megaplan və ya hər hansı digər elektron planlaşdırıcı.

7-ci əlamət. Tükənmir və lazımi vaxtlarda fasilələr etməyi bilir

“12 saat deyil, başla işləmək lazımdır” – mükəmməl mühasiblərin əməl etdikləri bu qızıl prinsipdir. Bir çoxları nədənsə hesab edirlər ki, yaxşı mühasiblər iş yerində yaşayırlar, lakin, bu heç də elə deyil. Neçə saatınızı işə sərf etməyiniz önəmli deyil, önəmli olan nə qədər məhsuldar olmağınızdır.

Dincəlmiş və diqqətli mütəxəssis bir saat ərzində tükənmiş əməkdaşın 8 saat ərzində yerinə yetirdiyi işdən daha çox iş görəcək.

Odur ki, “batareyalarınızı” doldurmağı unutmayın. İnsan diqqətinin cəmləşdirilməsinin həddi – 45 dəqiqədir. Bundan sonra hökmən qısa fasilə vermək lazımdır.

Yaxud da bu formada işləməyi sınaqdan keçirmək olar: taymer üzrə 25 dəqiqə işləmək, sonra 5 dəqiqə fasilə etmək. Dörd dəfə bu cür, sonra – 15 dəqiqə fasilə. Bu sistem dəfələrlə öz effektivliyini sübut edib.

Fasilələrlə yanaşı məzuniyyəti də unutmaq olmaz. İdealda – hesabatlar arasında istirahət tarixlərini seçmək: I və II rüblərarası dövr və ya II və III rüblərarası dövrdə.

Təcrübədən məsləhət

Əlbəttə, hamımız bilirik ki, mühasib istədiyi vaxt “məzuniyyət istəyirəm” deyib, istirahətə gedə bilməz. Əvvəlcə bundan ötrü nələrin qayğısına qalmaq lazım gəldiyinə baxaq:

əgər siz vergilər və sığorta haqları üzrə ödəniləcək məbləği artıq bilirsinizsə, onları əvvəldən ödəmək mümkündür;
təchizatçılarla hesablaşmaları aparın;
əgər məzuniyyət haqqının hesablanması məlumatlarını dəqiq bilirsinizsə, o zaman sizinlə paralel olaraq məzuniyyətə getməli olan işçilərə məzuniyyət pulunu verməyə çalışın.

8-ci əlamət. Analitik qabiliyyətləri artırır

Mühasibin işi bir də o səbəbdən çətindir ki, bu işdə fasiləsiz və çox genişmiqyaslı informasiya axını mövcuddur. Yəni, həmin məlumat axını emal edilməli, daha vacibi isə həmin informasiya axınından ən mühüm olanlar ayrılmalıdır, eləcə də qərarların qəbulu zamanı interpretasiya etmək lazım gəlir.

Bütün bu vəzifələr kəskin analitik ağıl tələb edir. Lakin bu heç də ilahidən gələn hər hansı bir qabiliyyət deyil, sadəcə bacarıqdır. nİstənilən bir bacarıq kimi, o da daimi iş və təcrübə tələb edir. Analitik qabiliyyətlər də əgər onların üzərində daim çalışılarsa, əzələlər kimi yetişdirilir.

9-cu əlamət. Mühasiblərin beynəlxalq dilində danışır

Beynəlxalq standartları bilmək mühasibin inkişafı üçün bir çox imkanlar açır: o, beynəlxalq bazara çıxa, xaricdən investisiyaları cəlb edə, ən yaxşı mütəxəssislərlə bərabər miqyaslı rəqabət apara bilər. Bəs, dünyanın bütün maliyyə mütəxəssisləri hansı dildə danışırlar? Əlbəttə, MHBS dilində.

Bu səviyyədən olan mühasiblərin maaşları da yüksək olur. Bəzən bu əmək haqqının 50 faiz yüksəlməsinə səbəb olur.

Təcrübədən məsləhət

MHBS üzrə kurslar qeyri-rəsmi vaxtda keçirilə bilər və nəticədə siz sertifikat ala bilərsiniz. Təlimin müddəti mövcud bilik və bacarıqlarınızdan asılı olaraq dəyişə bilər, lakin adətən 40 ilə 360 saat arasında dəyişir.

10-cu əlamət. Bacarıqların çevikliyinin mühümlüyünü başa düşür və onları inkişaf etdirir

Hard skills – peşəkar bacarıqlar-əlbəttə ki, mühasib üçün əsas bacarıqlardır, lakin müasir dünyada işəgötürənlər daha çox çevik və ya qeyri-peşəkar bacarıqlara diqqət yetirirlər. Budur, mühasiblər üçün lazım olan soft skills top-üçlüyü:

Ünsiyyət bacarıqları və komandada işləmək bacarığı. Mühasib daim ünsiyyətdə olmalıdır: işçilərlə, rəhbərliklə, qarşı tərəflərlə, yoxlama orqanları ilə, səhmdarlarla. Belə ki, ünsiyyət bacarıqları mənimsənilməsi lazım olan siyahıda yerləşir. Pis xarakterli mütəxəssislə işləməyə heç kim dözmək istəməz.
Mürəkkəb, çətin şeyləri sadə dillə izah etmək bacarığı. Mühasib daim nələri isə izah etməli olur: rəhbərliyə, əməkdaşlara və müştərilərə. Əgər mürəkkəb olanı sadə sözlərlə necə çatdırmağı, barmaqlarınızla aydın izah etməyi və göstərməyi bilirsinizsə, o zaman özünüz və başqaları üçün işi sadələşdirəcəksiniz. Heç kim mühasibat uçotunu və sənədlərin doldurulmasının xüsusiyyətlərini başa düşməyə borclu deyil, amma, necə öyrətməyi bilirsinizsə, bunu bir çox mühasiblərin etməli olduğu kimi yüzlərlə dəfə deyil, yalnız bir dəfə etməli olacaqsınız.
Stresə davamlılıq və dözüm. Daimi dəyişikliklər, tükənmə müddətləri, işçilər və müştərilərlə problemlər – təəssüf ki, bu, orta statistik mühasibin reallığıdır. Bütün bunlarla necə davranmağınız peşəkarlığınızın birbaşa göstəricisidir. İşə qəbul üzrə agentliklərin bütün vakansiyalara saldıqları bədnam “stresə davamlılıq” bacarığı mühasib üçün həqiqətən həyati əhəmiyyət kəsb edir.

Çevik bacarıqlar sadə səslənir, lakin vaxt və təcrübə tələb edir. Onları məşq etdirmək lazımdır, çünki indi müsahibələr zamanı hard skills deyil, soft skills, baza intellekti deyil, emosional intellekt qiymətləndirilir.