Oxunma sayı: 123. 518
5 Okt 2017

Sahibkarlıq sahəsində aparılan yoxlamaların aparılması qaydalarinda dəyişiklik edildi

by | posted in: Vergi, Xəbər | 0

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2017-ci il 25 aprel tarixli 647-VQD nömrəli Qanununun tətbiqi ilə əlaqədar qərara alıram:

Azərbaycan Respublikası Prezidentinin 2011-ci il 15 fevral tarixli 383 nömrəli Fərmanı (Azərbaycan Respublikasının Qanunvericilik Toplusu, 2011, № 2, maddə 87; 2015, № 8, maddə 910; 2016, № 8, maddə 1384; 2017, № 3, maddə 377) ilə təsdiq edilmiş “Sahibkarlıq sahəsində aparılan yoxlamaların vahid məlumat reyestrinin forması və aparılması qaydası haqqında Əsasnamə”yə aşağıdakı məzmunda 1.5-1-ci bənd əlavə edilsin:

“1.5-1. Bu Əsasnamənin müddəaları cinayət təqibinin həyata keçirilməsi və ya məhkəmə icraatı çərçivəsində aparılan yoxlamalara şamil edilmir.”.

İlham Əliyev

Azərbaycan Respublikasının Prezidenti

Bakı şəhəri, 4 oktyabr 2017-ci il.

Qaydalara Əlavədən sonra, Əsasnamənin müddəaları cinayət təqibinin həyata keçirilməsi və ya məhkəmə icraatı çərçivəsində aparılan yoxlamalara aid edilməyəcək. Bildiyimiz kimi, sahibkarlıq sahəsində aparılan bütün yoxlamalar Reyestrdə qeydiyyata alındıqdan sonra həyata keçirilə bilər.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

4 Okt 2017

Yoxlamaların dayandırılması müddəti artırılacaq?

by | posted in: Vergi, Xəbər | 0

Prezident İlham Əliyev tərəfindən qanunvericilik təşəbbüsü qaydasında Milli Məclisə təqdim olunan «Sahibkarlıq fəaliyyətində yoxlamaların dayandırılması haqqında» Qanun layihəsinin parla­ment­də qəbul edilməsindən sonra 2015-ci il noyabrın 1-dən sahibkarlıq subyektlərində yoxlamalar iki il müddətinə dayandırıldı. Qanunun müddəalarına əsasən, iki il ərzində yalnız vergi yoxla­ma­ları, insanların həyat və sağlamlığına, düvlətin təhlükəsiz­liyi­nə və iqtisadi maraqlarına təhlükə yaradan hallar üzrə siyahısı müvafiq icra hakimiyyəti orqanı tərəfindən müəyyən edilən yoxlamalar aparılmalıdır. Həmin yoxlamalar isə müvafiq icra hakimiyyəti orqanı tərəfindən müəyyən edilən məhdudiyyətlər nəzərə alınmaqla həyata keçirilir.

Qeyd edək ki, bu qanun vergi yoxlamalarına şamil olunmasa da, Vergilər Nazirliyinin kollegiya iclasının qərarı ilə kiçik sahibkarlıq subyektlərində səyyar vergi yoxlamalarının və operativ nəzarət tədbirlərinin (əmək müqavilələrinin bağlanmasına və aksizli məhsulların satışı zamanı aksizlərin tətbiqinə nəzarət və dövriyyənin müəyyənləşdirilməsi üçün xronometraj metodu ilə müşahidələrin aparılması istisna olmaqla) keçirilməsi də müvəqqəti olaraq azaldılıb.  Burada kiçik və orta bizneslə məşğul olan sahibkarlar dedikdə, illik dövriyyəsi 200 min manatdan aşağı və sadələşdirilmiş vergi ödəyiciləri olan sahibkarlıq subyektləri nəzərdə tutulur. Həmin sahibkarlıq subyektlərində səyyar vergi yoxlamaları əhəmiyyətli dərəcədə məhdudlaşdırılmışdır. Operativ nəzarət tədbirləri zamanı isə  əmək müqavilələrinin bağlanmasına, vergi ödəyicilərinin dövriyyəsinin müəyyənləşdirilməsi məqsədilə xronometraj metodu ilə yoxlamaların keçirilməsi və aksizli məhsulların satışı zamanı aksizlərin tətbiqinə nəzarət istisna olmaqla, digər yoxlamaların keçirilməsi məhdudlaşdırılıb. Bu məhdudlaşdırmadan sonra vergi yoxlamaları təxminən iki dəfə azalıb.

Kiçik və orta sahibkarlıq subyektlərinin büdcə daxilolmalarında xüsusi çəkisi böyük olmadığı üçün yoxlamaların dayandırılmasının büdcə gəlirlərinə əhəmiyyətli təsiri olmayıb. Ölkəmizdə vergi siyasətinin əsas məqsədi vergi ödəyiciləri ilə münasibətlərin partnyorluq səviyyəsində olması, kiçik və orta biznesin inkişafı, onlarla nəzarətdən çox əməkdaşlıq münasibətlərinin yaradılmasıdır.

Bütün bu müsbət tendensiyalar nəzərə alınaraq, sahibkarlıq sahəsində yoxlamaların dayandırılması müddətinin yenidən artırılması nəzərdə tutulur. «Azərbaycan Respublikasında kiçik və orta sahibkarlıq səviyyəsində istehlak mallarının istehsalına dair Strateji Yol Xəritəsi»nin yarımillik monitorinq və qiymətləndirmə hesabatında qeyd olunub ki, «Sahibkarlıq sahəsində aparılan yoxlamaların dayandırılması haqqında» Qanunun tətbiqindən sonrakı 20 ay ərzində vergi yoxlamaları istisna olmaqla, sahibkarlıq subyektlərində cəmi 96 yoxlama, o cümlədən 2017-ci ilin ilk 6 ayı ərzində 26 yoxlama keçirilib. Yoxlamaların dayandırılmasından əvvəlki 20 ay ərzində isə vergi yoxlamaları istisna olmaqla, sahibkarlıq subyektlərində keçirilmiş yoxlamaların sayı 100 mindən çox olub…

Ölkədə sahibkarlığın inkişafının stimullaşdırılması məqsədilə sahibkarlıq sahəsində aparılan yoxlamaların dayandırılmasının növbəti müddətə artırılması üçün qanunvericilik aktlarının layihələri hazırlanıb və baxılması üçün aidiyyəti qurumlara təqdim edilib. Yaxın vaxtlarda bu məsələ ilə bağlı yeni qərarların qəbul olunacağı gözlənilir.

© vergiler.az

30 Sen 2017

Elektron qaimə-faktura təqdim olunmadıqda kim nə itirir?

by | posted in: Xəbər | 0

Elektron qaimə-fakturaVergi Məcəlləsinin 16.1.11-6-cı maddəsinə əsasən, bir qrup şəxs istisna olmaqla, sahibkarlıq fəaliyyətini həyata keçirən hüquqi və fiziki şəxslərə malların, işlərin, xidmətlərin təqdim edilməsi ilə bağlı bu Məcəllədə nəzərdə tutulmuş qaydada elektron qaimə-faktura verilməlidir. 109.8-ci maddənin tələbinə görə, kassa çeki və ya mədaxil qəbzi xidmətlərin və ya malların alınmasının dəyərini təsdiq edən sənəd kimi qəbul edilmir. Məsələyə aydınlıq gətirən maliyyə mütəxəssisi, ekspert Vüqar Mirheydərov xərclərin düzgün rəsmiləşdirilməsi üçün sahibkarlara bəzi tövsiyələr verib.

Yoxlamalar zamanı vergi ödəyiciləri mənfəət-zərər hesabatından elektron qaimə-fakturalar və ya vergi hesab-fakturaları ilə təsdiqlənməmiş bütün xərcləri bir-birinin ardınca çıxardıqda təəccüblənməsinlər. Əksinə, bununla bağlı daha məsuliyyətli davranmalıdırlar.

Yalnız üç xidmət növü elektron qaimə-fakturanın təqdim edilməsindən azad edilir:

1. Bankların müştəri hesabları üzrə göstərdiyi xidmətlər. Banklar müştəriyə hesabının açılması və əməliyyatların aparılması ilə əlaqəli olmayan xidmətlər təqdim edirsə, ona elektron qaimə-faktura (məsələn, yığım xidmətləri, çek kitablarının satışı) vermək məcburiyyətindədirlər.

2. Dövlət orqanları, yerli özünüidarəetmə və büdcə təşkilatları tərəfindən göstərilən xidmətlər.

3. Notarial xidmətlər.

Digər bütün hallarda malsatan və ya sahibkarlıq fəaliyyəti göstərən şəxslərə xidmət göstərən vergi ödəyicisindən elektron hesab-fakturanın təqdim edilməsi tələb olunur. Bəs bu zaman alıcı tərəf satıcıdan elektron qaimə-faktura tələb etmədikdə nə baş verəcək? Bu, satıcını məsuliyyətdən azad edirmi?

Belə hallarda mal və xidmətləri təklif edən tərəflər də məsuliyyət daşıyır. Vergi Məcəlləsinə 30.11.2018-ci il tarixdə edilmiş dəyişikliklərdən sonra həm satıcı, həm də alıcı malların alınmasını (işlərin görülməsini, xidmətin göstərilməsini) təsdiq edən sənədin mövcud olmadığı üçün eyni məsuliyyət daşıyır. VM 58.13-cü maddəsinə əsasən, təqvim ili ərzində bu hal birinci dəfə baş verdikdə satılan malların və ya göstərilən xidmətlərin dəyərinin 10 faizi, təqvim ili ərzində ikinci dəfə təkrarlandıqda 20 faizi, üçüncü və sonrakı hallarda təqvim dövründə satılan malların və ya göstərilən xidmətlərin dəyərinin 40 faizi miqdarında maliyyə sanksiyası tətbiq olunur. Vergi Məcəlləsinin 58.8.2-ci maddəsinə görə, bu sanksiyalar alıcılara da şamil edilir.

Elektron qaimə-fakturanın təqdim olunmaması vergi ödəyicilərinə bilərəkdən və ya bilməyərəkdən vergidən yayınmaq “imkanı” yaradır. Həmin sənəd olmadıqda gəlir vergisi üzrə hesabatlarda da bu xərclər göstərilmir. Beləliklə, elektron qaimə-faktura tələb etməyən alıcılar özləri də istəmədən vergidən yayınmağa şərait yaratmış olurlar. Buna heç kəs xırda məsələ kimi yanaşmamalıdır: burada prinsipin özü vacibdir.

Vergidən yayınmağın real nəticələrinə gəldikdə bir misalı nəzərdən keçirək: tutaq ki, sahibkar elektron qaimə-faktura tələb etmədən 1.000 manatlıq məhsul və ya xidmət alıb. Bu xidmətin dəyəri 400 manatdır. Bu zaman satıcı 600 manatlıq gəliri gizlətmiş olur. Buna yol verməmək üçün o, 150 manat gəlir vergisi ödəməli idi. Bu pulu kimin itirdiyini düşünün! Dövlət? Dövlət yığılmış vergiləri hara xərcləyir? Həmin vəsaitlərin bir hissəsi büdcə təşkilatlarının maliyyələşdirilməsinə sərf olunur. Gizlədilən gəlirin əvəzində sahibkarın və onun tərəfdaşının talassemiyadan əziyyət çəkən uşaqların 150 manatdan məhrum etdiyini düşünün. Talassemiya Mərkəzi dövlət büdcəsindən maliyyələşdirilir. Bununla ərazinizdə yerləşən bir uşaq evinin, səngərdə bizi qoruyan əsgərin hansısa ehtiyacının ödənilməsinin qarşısı alınır. Düzgün nöqteyi-nəzərdən baxılanda vergidən yayınma dərhal romantikliyini və cəlbediciliyini itirir, bu cəhd gözdən düşür…

Mənbə: vergiler.az

Teleqram kanalımıza üzv olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
Elektron qaimə-faktura
29 Sen 2017

Qanunsuz sahibkarlıq üçün 4 qat cərimə və 5 il həbs gəlir

by | posted in: Xəbər | 0

Azərbaycanda qanunsuz sahibkarlıqla xüsusilə külli miqdarda ziyan vuran və xüsusilə külli miqdarda gəlir əldə edənlərlə bağlı ayrıca cəzalar tətbiq edilir.

Bununla bağlı Cinayət Məcəlləsinin (CM) 192-ci maddəsinə (Qanunsuz sahibkarlıq) yeni 3.1 və 3.2 bəndlərinin əlavə edilməsi təklif edilir.

Layihəyə görə, Azərbaycan Respublikasının qanunvericiliyi ilə müəyyən edilmiş qaydada dövlət qeydiyyatına (vergi uçotuna) alınmadan və ya xüsusi razılıq (lisenziya) tələb olunduğu halda belə razılıq (lisenziya) almadan, həmçinin lisenziyalaşdırılma şərtlərinin pozulması ilə və ya xüsusi icazə olmadan mülki dövriyyəsi məhdudlaşdırılmış əşyalardan istifadə etməklə həyata keçirilən sahibkarlıq fəaliyyəti ilə məşğul olma vətəndaşlara, təşkilatlara və ya dövlətə xeyli miqdarda ziyan vurduqda, habelə xeyli miqdarda gəlir əldə etməklə törədilən əməllər xüsusilə külli miqdarda ziyan vurma və ya xüsusilə külli miqdarda gəlir əldə etməklə törədildikdə xüsusi cəzalar tətbiq olunacaq. Bu, 3 ilədək müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə, yaxud edilməməklə cinayət nəticəsində vurulmuş ziyanın (əldə edilən gəlirin) 4 misli miqdarında cərimə və ya 5 ildən 7 ilədək müddətə azadlıqdan məhrum etmə cəzasıdır.

Layihə sentyabrın 29-da ictimai dinləmədən keçdikdən sonra Milli Məclisdə müzakirəyə çıxarılacaq.

©  APA

1 … 2. 301 2. 302 2. 303 2. 304 2. 305 2. 306 2. 307 … 2. 382