Oxunma sayı: 156. 437
25 May 2018

400 manat məvaciblə mühasib köməkçisi axtarılır

by | posted in: İş elanı, muhasibat, Xəbər | 0

mühasib400 manat məvaciblə mühasib köməkçisi axtarılır

İşəgötürən: “SAMİRAMİS” firması.

Əmək  haqqı: 250-400  AZN

Namizədə tələblər:

– Ali iqtisad təhsilli ;
– Microsoft Excel ;
– “Microsoft  office”  proqramlarını, İngilis, Rus dillərini bilənlərə üstünlük verilir.
– Mühasibatlıq üzrə iş təcrübəsi –  2 ildən artıq.

– Yaş: 20 – 40.
– Məsuliyyətli.
– Bank  və  kassa  əməliyyatlarını  bilməli.

İş qrafiki:

– Həftədə 5 gün.
– Saat: 10.00 – 19.00
– İş yeri şəhərin  mərkəzindədir.
– Əmək məcəlləsinə uyğun sənədləşmə.

Yuxarıda qeyd  olunan  tələblərə  uyğun  gələn  namizədlərdən  mövzu yerində  “ mühasib köməkçisi ” qeyd  edərək  öz  CV-lərini   mükəmməl   şəkildə   sadrasa@gmail.com  email  ünvanına  göndərməyiniz  xahiş  olunur.

Mənbə: jobsearch.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

25 May 2018

Əmək haqqı üzrə vergilər azaldılacaq

by | posted in: Vergi, Xəbər | 0

əmək haqqıƏmək haqqı üzrə vergilər azaldılacaq

“Vergilər Nazirliyi Azərbaycan Həmkarlar İttifaqları Konfederasiyası ilə işçilərin əmək haqqı üzrə vergilərin azaldılması ilə bağlı müzakirələr aparır”.

Bunu vergilər naziri Mikayıl Cabbarov deyib.

“Əmək haqları üzrə vahid vergi yükünün müəyyənləşdirilməsi təklif edilir. Bu, hazırda maaşlardan tutulan vergilərin əhəmiyyətli dərəcədə azalması deməkdir”, – o qeyd edib.

Bundan başqa, nazirin sözlərinə görə, Azərbaycanda kiçik və orta sahibkarların da vergi yükünün nəzərəçarpacaq dərəcədə azaldılması nəzərdə tutulub: “Bununla bağlı dövlət büdcəsi paketinə bir sıra dəyişikliklər edilə bilər. Vergi uçotunun bərpası da təklif edilən dəyişikliklərdən biridir”.

Nazir həmçinin vurğulayıb ki, vergidən yayınma hallarına görə cəza tədbirlərinin sərtləşdirilməsi də təklif edilir.

Mənbə: report.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

25 May 2018

İnvestisiya təşviqi sənədi ilin ortasında alınarsa mənfəət vergisindən azadolma necə hesablanır?

by | posted in: Vergi, Xəbər | 0

mənfəət vergisiSual: Vergi Məcəlləsinə əsasən investisiya sənədi almış hüquqi şəxs sənəd alındığı tarixdən həmin şəxsin əldə etdiyi mənfəətin 50% mənfəət vergisindən azad edilir. Hüquqi şəxs müvafiq sənədi təqvim ilinin iyun ayında alarsa, bu zaman həmin şəxs həmin il üçün gəlirlərinin və xərclərinin uçotunu necə aparmalı və mənfəət vergisinin bəyannaməsində yanvar-may və iyun-dekabr ayları üzrə əməliyyatları necə əks etdirməlidir?

Cavab: Bildiririk ki, investisiya təşviqi sənədinin əldə edilib-edilməməsindən asılı olmayaraq vergi ödəyicisi vergi ili ərzində eyni metodu tətbiq etmək şərti ilə vergilərin uçotunu kassa metodu və ya hesablamalar metodu ilə apara bilər. Vergi ödəyicisinin istifadə etdiyi uçot metodunda xərclərin və daxilolmaların müddətləri və uçotu qaydasına dair bütün tələblər nəzərə alınmalıdır. Vergitutma məqsədləri üçün gəlirlər və xərclər Vergi Məcəlləsinə əsasən müəyyən edilir. Eyni zamanda bildiririk ki, Vergi Məcəlləsinin 106.1.17-cı maddəsinin tələbləri nəzərə alınmaqla investisiya təşviqi sənədini almış hüquqi şəxsin həmin sənədi aldığı tarixdən əldə etdiyi mənfəətin 50 faizinə görə nəzərə alınan vergi məbləği “Mənfəət vergisinin bəyannaməsinin” 243.1-ci sətrində əks etdirilməlidir.

Bax: Vergi Məcəlləsinin 106.1.7-ci və 130-cu maddələri, Vergilər Nazirliyinin 13.01.2017-ci il tarixli Əmri ilə təsdiq edilmiş “Mənfəət vergisinin bəyannaməsi”nin tərtib edilməsi Qaydası”.

Mənbə: taxes.gov.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

25 May 2018

Vergi orqanlarında işləmək istəyənlər üçün test imtahanı keçiriləcək

by | posted in: Vergi, Xəbər | 0
vergiVergi orqanlarında işləmək istəyənlər üçün test imtahanı keçiriləcək

Dövlət İmtahan Mərkəzi (DİM) Vergilər Nazirliyi ilə birgə mayın 26-da “Dövlət vergi orqanlarına işə qəbul olunmaq üçün namizədlərin musabiqəsinin keçirilməsi haqqında” Əsasnaməyə müvafiq olaraq vergi orqanlarına işə qəbul olunmaq istəyən namizədlər üçün test imtahanı keçirəcək.

Bu barədə DİM-dən məlumat verilib.

Bildirilib ki, namizədlər mayın 25-i saat 18:00-dək “İmtahana buraxılış vərəqəsi”ni Vergilər Nazirliyinin inzibat binasından (Bakı şəhəri, Yasamal rayonu, ak. Landau küçəsi 16) götürməlidirlər.

İmtahan saat 11:00-da başlayacaq və Bakı şəhərində 4 binada təşkil olunacaq. İmtahanların idarə olunmasına 15 imtahan rəhbəri və 148 nəzarətçi-müəllim cəlb olunacaq.

İmtahanda iştirak etmək üçün 1520 namizəd qeydiyyatdan keçib.

İmtahanda namizədlərə hüquq və ixtisas (vergi) istiqamətləri üzrə, ümumilikdə 200 test tapşırığı təqdim olunur.

Müsabiqənin test imtahanı mərhələsinin suallarını (məntiq və informatika sahələri üzrə suallar istisna olunmaqla) özündə əks etdirən ədəbiyyat siyahısı Vergilər Nazirliyinin rəsmi internet saytının (www.taxes.gov.az) “İşə qəbul. Müsabiqələr” bölməsinin müvafiq altbölməsində yerləşdirilmişdir.

İmtahan 3 sааt dаvаm еdəcək. Hər suаl 1 bаllа qiymətləndirilir. İmtаhаn nəticəsində ümumi bаlı 70 və dаhа аrtıq оlаn nаmizədlər növbəti mərhələyə burахılacaqlar.

Mənbə: fins.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

1 … 2. 070 2. 071 2. 072 2. 073 2. 074 2. 075 2. 076 … 2. 408