Blog Full

Əmək və Əhalinin Sosial Müdafiəsi Nazirliyinin tabeliyindəki Əmək Bazarı və Sosial Müdafiə Məsələləri üzrə Milli Observatoriya maliyyə hesabatlarının beynəlxalq standartlara uyğun auditi üçün açıq tender elan edib.

Tenderdə iştirak haqqı 110 manatdır.

İddiaçılar təkliflərini iyunun 26-na qədər Milli Observatoriyanın yerləşdiyi Bakı şəhəri, Binəqədi rayonu, Səttar Bəhlulzadə küçəsi, 44 ünvanına təqdim edə bilərlər.

Təkliflərə iyunun 26-da, saat 17:00-da qeyd olunan ünvanda baxılacaq.

Ötən il bu tenderin qalibi “HLB Azərbaycan” MMC olub. Şirkətə 49 min manat ödənilib.

Mənbə: report.az

Prezident yanında Antiinhisar və İstehlak Bazarına Nəzarət Dövlət Agentliyinin tabeliyindəki Azərbaycan Metrologiya İnstitutuna məxsus “Kommunal Laboratoriyalar” MMC 2024-cü il üzrə maliyyə hesabatlarının auditi xidməti üçün kotirovka sorğusu elan edib.

Sorğuda iştirak haqqı 17 manatdır.

İddiaçılar təkliflərini iyunun 18-nə qədər şirkətin yerləşdiyi Bakı şəhəri, Nizmai rayonu, Oqtay Vəliyev küçəsi, 72 ünvanına təqdim edə bilərlər.

Təkliflərə iyunun 18-i, saat 15:00-da qeyd olunan ünvanda baxılacaq.

Bu il mayın 22-də Baş nazir Əli Əsədovun imzaladığı qərarla Azərbaycan Metrologiya İnstitutu və “Kommunal Laboratoriyalar” Dövlət Agentliyinin tabeliyindəki, lakin strukturuna daxil olmayan qurumların siyahısına daxil edilib.

Mənbə: report.az

İqtisadiyyat Nazirliyi yanında Əmlak Məsələləri Dövlət Xidmətinin tabeliyindəki Daşınmaz Əmlakın Dövlət Kadastrı və Reyestri 2024-cü il üzrə maliyyə hesabatlarının auditi ilə bağlı elan etdiyi kotirovka sorğusuna yekun vurub.

Kotirovkanın qalibi “Grovv Audit And Consulting” QSC-dir.

Qalib şirkətə 25,96 min manat ödəniləcək.

Xatırladaq ki, Daşınmaz Əmlakın Dövlət Kadastrı və Reyestri özünün və ərazi idarələrinin maliyyə hesabatlarının auditi ilə bağlı elan etdiyi açıq tenderin qalibi “BKR İşik Konsaltinq” MMC olub, ona 29 min manat ödənilib.

Mənbə: vergiler.az

Gürcüstan şirkətinin Azərbaycan Respublikasındakı daimi nümayəndəliyi ölkəmizdə logistika sahəsində fəaliyyət göstərir. Bu fəaliyyət üzrə əldə edilən gəlirlərdən mənfəət vergisi öhdəliyi yerinə yetirildikdən sonra qalan sərbəst vəsaitdən 10 faiz vergi tutulmaqla baş ofisə köçürülür. Keçən il dividenddən hesablanan vergi 5 faizə endirildi. Bilmək istərdik: qeyri-rezidentlərin Azərbaycan Respublikasındakı daimi nümayəndəlik vasitəsilə həyata keçirdiyi fəaliyyətdən əldə etdikləri xalis mənfəətə görə hesablanan verginin dərəcəsinə dəyişiklik nəzərdə tutulurmu?

İqtisadiyyat Nazirliyi yanında Dövlət Vergi Xidmətindən bildirilib ki, 2025-ci il yanvarın 1-dən qüvvəyə minmiş Vergi Məcəlləsinin 126-cı maddəsində edilən dəyişikliyə əsasən, qeyri-rezidentin daimi nümayəndəliyindən mənfəət vergisindən əlavə olaraq bu daimi nümayəndəliyin xalis mənfəətindən həmin qeyri-rezidentə köçürdüyü (verdiyi) hər hansı məbləğdən 5 faiz dərəcə ilə vergi tutulur.

Belə ki, qeyri-rezidentin daimi nümayəndəliyinin həmin qeyri-rezidentə köçürüldüyü xalis mənfəətdən ödəmə mənbəyində tutulan verginin dərəcəsi 1 yanvar 2025-ci il tarixdən etibarən 10 faizdən 5 faizə endirilib.

Əsas: Vergi Məcəlləsinin 126-cı maddəsi

Mənbə: vergiler.az