Blog Full

“Azərbaycan Televiziya və Radio Verilişləri” QSC (AzTV) 2024-cü il üzrə maliyyə hesabatlarının auditi ilə bağlı elan etdiyi kotirovka sorğusuna yekun vurub.

Sorğunun qalibi “Grovv Audit And Consulting” QSC-dir.

Qalib şirkətə 23,6 min manat ödəniləcək.

Xatırladaq ki, ötən il bu sorğunun qalibi “Azəruçot” MMC olub. Şirkətə 14,8 min manat ödənilib.

Mənbə: report.az

Elm və Təhsil Nazirliyi yanında Təhsil Tələbə Krediti Fondu 2024-cü il üzrə maliyyə hesabatlarının auditi üçün açıq tender elan edib.

Tenderdə iştirak haqqı 85 manatdır.

İddiaçılar təkliflərini iyulun 11-nə qədər Fondun yerləşdiyi Bаkı şəhəri, Nəsimi rayonu, Səməd Vurğun, 34 (AFF Mall Biznes Mərkəzi) ünvanına təqdim edə bilərlər.

Təkliflərə iyulun 11-də, saat 18:00-da qeyd olunan ünvanda baxılacaq.

Xatırladaq ki, ötən il bu tenderin qalibi “Azəruçot” MMC-olub. Şirkətə 9,5 min manat ödənilib.

Mənbə: report.az

Laçın Rayonunda Bərpa, Tikinti və İdarəetmə Xidməti 2024-cü il üzrə maliyyə hesabatlarının auditi üçün kotirovka sorğusu elan edib.

Sorğuda iştirak haqqı 42 manatdır.

İddiaçılar təkliflərini iyulun 4-nə qədər Xidmətin yerləşdiyi Ağcabədi rayonu, Taxta körpü ünvanına təqdim edə bilərlər.

Təkliflərə iyulun 4-də, saat 11:00-da qeyd olunan ünvanda baxılacaq.

Xatırladaq ki, Laçın rayonunda Bərpa, Tikinti və İdarəetmə Xidməti Prezident İlham Əliyevin 26 may 2013-cü il tarixli fərmanı ilə yaradılıb.

Mənbə: report.az

Mətbuatda oxudum ki, 2025-ci il yanvarın 1-dən sənaye məhəllələrinə bir sıra vergi güzəştləri tətbiq olunur. Tikinti materiallarının istehsalı ilə məşğul olan vergi ödəyicisi kimi, fəaliyyətimi genişləndirib sənaye məhəlləsində yeni istehsal sahəsi açmaq istəyirəm. Bilmək istəyirəm ki, sənaye məhəlləsinin iştirakçısı kimi qeydiyyatdan keçdiyim halda, mənə hansı vergi güzəştləri tətbiq edilə bilər?

İqtisadiyyat Nazirliyi yanında Dövlət Vergi Xidmətindən bildirilib ki, 2025-ci il yanvarın 1-dən Vergi Məcəlləsinin 199.8-ci və 207.4-cü maddələrində edilmiş dəyişikliklərə əsasən, sənaye məhəllələrinin idarəedici təşkilatı və ya operatoru sənaye məhəlləsinin ərazisində yerləşən əmlaklarına və istifadə olunan torpaqlarına görə əmlak və torpaq vergilərini ödəməkdən azad edilir.

Göründüyü kimi, sənaye məhəllələrinin yalnız idarəedici təşkilatı və ya operatoruna münasibətdə əmlak vergisi və torpaq vergisindən azadolma ilə bağlı 2025-ci il yanvarın 1-dən Vergi Məcəlləsində dəyişikliklər edilib. Buna əsasən, müraciətdə göstərilən halda sənaye məhəlləsinin iştirakçısı kimi qeydiyyatdan keçmiş vergi ödəyiciləri tərəfindən vergilər Vergi Məcəlləsi ilə müəyyən olunmuş ümumi qaydada hesablanıb dövlət büdcəsinə ödənilir.

Xidmətdən o da bildirilib ki, sənaye məhəlləsinin iştirakçısı olaraq investisiya təşviqi sənədi aldığınız təqdirdə, Vergi Məcəlləsində nəzərdə tutulan bir çox güzəştlərdən istifadə edə bilərsiniz. Belə ki, Vergi Məcəlləsinin müddəalarına əsasən, investisiya təşviqi sənədini almış vergi ödəyiciləri həmin sənədi aldığı tarixdən 7 il müddətinə təsdiqedici sənəd əsasında idxal etdiyi texnika, texnoloji avadanlıqlar və qurğular ƏDV-dən, müvafiq investisiya layihəsi çərçivəsində investisiya vəsaiti hesabına əldə edilmiş əmlakına, habelə mülkiyyətində və ya istifadəsində olan müvafiq torpaqlara görə əmlak və torpaq vergilərindən tam məbləğdə, əldə etdikləri mənfəətin (gəlirin) 50 faizi məbləğində isə mənfəət (gəlir) vergisindən azad edilirlər.

Əsas: Vergi Məcəlləsinin 102.1.23-cü, 106.1.17-ci, 164.1.26-cı, 199.8-ci, 199.11-ci, 207.4-cü və 207.5-ci maddələri

Mənbə: vergiler.az