Rusiyalıların demək olar ki, yarısı maaşlarının azalmasından şikayətlənir
Koronovirus pademiyası dövründə rusiyalıların demək olar ki, yarısının (40%) maaşları azalıb. “İzvestiya” qəzetinin verdiyi məlumata görə, bu, Ali iqtisadiyyat məktəbinin apardığı sorğunun nəticəsidir. Ən çox əmək haqqı inşaat, ticarət və xidmət sahələrində azalıb ki, burada 65-75 faiz hallarında mənfi dinamika müşahidə olunub. Özünəməşğulluq sahəsində çalışanların 75 faizi, orta və iri müəssisələrdə işləyənlərin isə 48 faizi maaşlarının azalmasından şikayətləniblər.
Sorğuda iştirak edənlərin 20 faizi tam şəkildə və ya qismən mükafat və bonuslardan məhrum olublar. Təxminən 7 faiz isə əmək haqqı gecikdirilməsi ilə qarşılaşdıqlarını bildiriblər. Özünütəcrid rejiminin tətbiqindən bəri vətəndaşların demək olar ki, 10 faizi iş yerini itiriblər. Sorğuda iştirak edənlərin 11 faizə yaxını tam olmayan iş günü və ya iş həftəsinə keçiriliblər. Personalı tam olmayan iş rejiminə keçid edənlər arasında ticarət və xidmət sahələri liderlik edirlər.
Respondentləin 13 faizi məcburi məzuniyyətə (öz hesablarına və ya qismən kompensasiya ödənilməklə) göndərilib. Eyni zamanda işçilərin bir hissəsi (16 faizi) təcrid rejimi tətbiq olunmamışdan əvvəl çalışdıqlarından, daha çox işləməyə məcbur edildiklərini bildiriblər. Sorğuda Rusiyanın müxtəlif reginlarından beş mindən çox adam iştirak edib.
Yeri gəlmişkən, onu da qeyd edək ki, rusiyalıların yarıdan çoxu (52,3%) əvvəlki maaşlarının saxlanılması naminə daha çox işləməyə razı olduqlarını bildiriblər. Eləcə də 16,1 faizi respondent dördgünlük iş həftəsi tətbiq olunacağı təqdirdə maaşlarının azalmasına razı olduqlarını söyləyiblər.
Teleqram qrupumuza üzv olun
Bill Qeyts kimi dünya məşhurları hesab edirlər ki, biz bu böhranın yalnız üçdə birini dəf etmişik, növbəti 6-12 ay ərzində vəziyyət qeyri-müəyyən olaraq qalacaq. Maliyyə direktorları, maliyyə nəzarətçiləri və mühasibləri tez bir zamanda biznesin qəlbində rəqəmsallaşdırmanı həyata keçirməlidirlər ki, bu da ayaqda qalma və rifah strategiyasının əsasını yaratmaq üçün əsas olacaqdır.
Pərakəndə ticarət və ya iaşə obyektlərindən alınmış mallara görə ödənilən ƏDV-nin bir hissəsinin geri qaytarılması mexanizmi uğurla tətbiq edilir. Prosesin başlandığı may ayı ərzində alınmış mallara görə ödənilmiş ƏDV-nin qaytarılması üçün istehlakçıların müraciətlərinin qeydiyyata alındığı informasiya sistemi olan xüsusi portalda (www.edvgerial.az) 264 min nəfər qeydiyyatdan keçib. Qeydiyyata alınmış istifadəçilərdən 194 711-i və ya 74%-i əldə etdiyi kassa çekləri barədə məlumatları portaldakı elektron kabinet vasitəsilə sistemə daxil ediblər.