Blog Full - Audit.Az

Oxunma sayı: 130. 120

27 İyn 2020

Karantin rejiminin pozulmasına görə cərimələr artırılır

by Audit.Az | posted in: Xəbər | 0

Karantin rejiminin pozulmasına görə cərimələr artırılır

İnzibati Xətalar Məcəlləsinə dəyişiklik edilir.

Məcəllənin 211-ci maddəsi (Epidemiya əleyhinə rejimin, sanitariya-gigiyena və karantin rejimlərinin pozulmasına görə) yeni redaksiyada verilir.

Yeni redaksiyaya görə, sanitariya-gigiyena və karantin rejimlərinin pozulmasına görə fiziki şəxslər 200 manatdan 400 manatadək, vəzifəli şəxslər isə 3 min manatdan 4 min manatadək məbləğdə cərimə ediləcək.

Hazırda isə epidemiya əleyhinə rejimin, sanitariya-gigiyena və karantin rejimlərinin pozulmasına görə fiziki şəxslər 100 manatdan 200 manatadək, vəzifəli şəxslər 1 500 manatdan 2 000 manatadək cərimə edilir.

Digər bir dəyişikliklə isə xətanı törədənin şəxsiyyəti nəzərə alınmaqla bir ayadək müddətə inzibati həbs, hüquqi şəxslər 4 min manatdan 10 min manatadək məbləğdə cərimə ediləcək.

Hazırda isə işin hallarına görə, xətanı törədənin şəxsiyyəti nəzərə alınmaqla bir ayadək müddətə inzibati həbs tətbiq olunur, hüquqi şəxslər iki min manatdan beş min manatadək məbləğdə cərimə olunur.

Məcəlləyə dəyişiklik layihəsi parlamentin iyunun 29-da keçiriləcək plenar iclasında müzakirəyə çıxarılacaq.

Mənbə: report.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

27 İyn 2020

Alman avtomobil nəhəngi minlərlə iş yerini ixtisar edəcək

by Audit.Az | posted in: Xəbər | 0

Alman avtomobil nəhəngi minlərlə iş yerini ixtisar edəcək.

Almaniyanın məşhur BMV avtomobil şirkəti altı min iş yerini azaltmaq niyyətindədir. Bu barədə Süddeutsche Zeitung nəşri avtokonsernin mətbuat relizinə istinadən məlumat verib.

COVİD-19 pandemiyasının yaratdığı böhran səbəbiylə satış həcmi kəskin şəkildə azalmışdı. Nəticədə, alman avtomobil nəhəngi az qala iflas astanasına gəlib çatmışdı.

İş yerlərinin ixtisarı üzrə razılaşdırılmış tədbirlər zərfi şirkətin qısa müddətdə fəaliyyətinin səmərəliliyini artırmaq və onun innovasiyasını uzunmüddətli saxlamaq məqsədi daşıyır. Həmin zərf bir neçə bənddən ibarətdir.

Belə ki, yaxın vaxtlarda pensiyaya çıxmalı olan işçilərin fəxri istirahətə vaxtından əvvəl göndərilmələri hüququ tanınır və onlara istirahət müavinətləri ödənilir. Rəsmi iş həftəsi isə 40 saatdan (əgər müqavilədə belə bir bənd nəzərdə tutulubsa) 38 saata qədər azaldılır.

Bundan əlavə, planda tarif ödənişlərindən imtina edən əməkdaşlardan ötrü səkkiz gün əlavə məzuniyyət verilməsi nəzərdə tutulur. Azad olunmuş iş yerlərinə yeni namizədlərin qəbulu nəzərdə tutulmur.

Böhranın fonunda Fransanın Renault avtomobil korporasiyası da kütləvi ixtisarlar barədə anons verib. Ümumilikdə, Fransa korporasiyası üç il ərzində Fransada 4.6 min daxil olmaqla, təxminən 15 min işçisini ixtisar etməyi planlaşdırır.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

26 İyn 2020

Dünya iqtisadiyyatı pandemiya səbəbindən 5 il ərzində 82 trilyon dollar itirə bilər

by Audit.Az | posted in: Xəbər | 0

Dünya iqtisadiyyatı pandemiya səbəbindən 5 il ərzində 82 trilyon dollar itirə bilər

Ekspertlərin gəldiyi qənaət belədir

Kembric Universitetinin nəzdində Judge Business School yanında risk araşdırması Mərkəzinin mütəxəssislərinin hesablamalarına görə, COVID-19 koronavirus pandemiyası dünya iqtisadiyyatına 82 trilyon dollara başa gələ bilər.

“İqtisadi depressiya” ssenarisinə uyğun olaraq, iqtisadiyyat beş il ərzində bu cür ciddi itkilərə məruz qala bilər.

Bununla yanaşı, ekspertlərin “nikbin” ssenarisi analoji dövrdə 3,3 trilyon dollar həcmində itkiləri nəzərdə tutur. Konsensus proqnozuna görə, bu göstərici beş il ərzində 26,8 trilyon dollar və ya dünya ÜDM-nin 5,3% – ni təşkil edəcək.

Ötən il dünyanın 19 ən iri iqtisadiyyatının ÜDM-i ümumilikdə 69,2 trilyon dollar təşkil edib.

BNP Paribas-ın eksperti Pol Hollinqsvortun sözlərinə görə, koronavirus pandemiya -sı struktur dəyişiklikləri ilə nəticələnəcək, o cümlədən ev təsərrüfatlarının əmanətlərinin həcminin artması, proteksionizmin artması, təchizat zəncirinin yenidən təşkili və rəqəmsal texnologiyaların daha da inkişaf etdirilməsi müşahidə ediləcək.

“Biz, yəqin ki, gələcəkdə əmək bazarının və əmək haqqının perspektivləri barədə narahatlıqlar fonunda insanların öz əmanətlərini artırmaq arzusunu müşahidə edəcəyik”, – o bildirib ki, istehlakçıların davranışına dərman və vergilərin potensial xərcləri ilə bağlı narahatlıqlar da təsir göstərə bilər.

ABŞ iqtisadiyyatı üçün potensial zərər 550 milyard dollar ilə 19,9 trilyon dollar arasında dəyişir. Bununla yanaşı, hələ əminliklə demək olar ki, maliyyə bazarları proqnozlarda qlobal depressiyanı proqnozlaşdırmır, MarketWatch yazır ki, ABŞ fond indeksi S&P 500, mart ayında əldə olunan qiymətlərdən 30% çox artıb.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

26 İyn 2020

Müvəqqəti vergi rejimi hansı dövrü əhatə edir?

by Audit.Az | posted in: Vergi, Xəbər | 0

Müvəqqəti vergi rejimi hansı dövrü əhatə edir?

Vergi Məcəlləsinə əlavə edilən 222.2-ci maddəyə əsasən, müvəqqəti vergi rejiminin müddəaları 2020-ci il yanvarın 1-dən bir il müddətinə tətbiq edilir.

Bu maddə ilə müəyyən edilən müddət bitdikdən sonra vergi ödəyicisinin fəaliyyəti üzrə vergi öhdəlikləri, vergi ödəyicisinin hüquq və vəzifələri, vergi ödəyicisinin apardığı əməliyyatlara tətbiq edilən vergi dərəcələri, vergi güzəştləri və azadolmaları, vergilərin ödənilməsi müddətləri bu Məcəllə ilə müəyyən edilmiş qaydada həyata keçirilir.

İqtisadçı ekspert Anar Bayramov bildirib ki, 1 yanvar 2021-ci ildən müvvəqqəti vergi rejimi ilə bağlı bütün güzəştlərin və vergi tətillərinin tətbiqi ləğv edilir.

Məsələn, mikrosahibkarlıq subyekti olan vergi ödəyicisi üçün sadələşdirilmiş vergi dərəcəsinin faiz dərəcəsi 2-dən 1-ə endirilsə də, 1 yanvar 2021-ci ildən həmin vergi ödəyiciləri sadələşdirilmiş vergini 2 faizlik vergi dərəcəsi ilə hesablayacaqlar.

Müvəqqəti vergi rejimi tətbiq edilən vergi ödəyicilərinin digər vergi öhdəliklərində güzəşt nəzərdə tutulurmu?

Vergi Məcəlləsinə əlavə edilən 222.6-cı maddəyə əsasən, koronavirus pandemiyasının yayılması nəticəsində iqtisadi şəraitin əhəmiyyətli şəkildə dəyişməsi ilə əlaqədar tətbiq edilən müvəqqəti vergi rejiminin şamil edildiyi vergi ödəyicilərinin hüquq və vəzifələri bu fəsildə başqa hal nəzərdə tutulmamışdırsa, bu Məcəllə ilə müəyyən edilən ümumi qaydada həyata keçirilir. Məsələn, hazırlıq kursunun təşkili ilə məşğul olan vergi ödəyicisi dividend əldə edərkən hər hansı güzəşt nəzərdə tutulmur və ödəmə mənbəyindən 10 faiz dərəcə ilə vergi hesablanmalıdır.

Mənbə: vergiler.az