Blog Full - Audit.Az

Oxunma sayı: 130. 115

29 İyn 2020

Maliyyə Nazirliyi dövlət şirkətlərinə xəbərdarlıq edib

by Audit.Az | posted in: Xəbər | 0

Maliyyə Nazirliyi dövlət şirkətlərinə xəbərdarlıq edib

Nazirlər Kabinetinin 4 iyun 2019-cu il tarixli qərarı ilə “Paylarının (səhmlərinin) nəzarət zərfi dövlətə məxsus olan hüquqi şəxslərin fəaliyyətinin səmərəliliyinin qiymətləndirilməsi Qaydası”, “Səhmlərinin nəzarət zərfi dövlətə məxsus olan səhmdar cəmiyyətlərində korporativ idarəetmə Qaydaları və Standartları” və “Paylarının (səhmlərinin) nəzarət zərfi dövlətə məxsus olan hüquqi şəxslərin fəaliyyətinin nəticələrinə əsaslanan ödəniş sistemi əsasında hüquqi şəxslərin idarəetmə orqanlarının üzvlərinə bonus ödənişinin verilməsi Qaydası” təsdiq edilib və paylarının (səhmlərinin) nəzarət zərfi dövlətə məxsus olan hüquqi şəxslər qarşısında tələblər müəyyən olunub.

Bu barədə Maliyyə Nazirliyi -nin açıqlamasında bildirilir.

Məlumatda həmçinin deyilir ki, “Paylarının (səhmlərinin) nəzarət zərfi dövlətə məxsus olan hüquqi şəxslərin fəaliyyətinin səmərəliliyinin qiymətləndirilməsi Qaydası”nın 4.1-cü bəndinə əsasən paylarının (səhmlərinin) nəzarət zərfi dövlətə məxsus olan hüquqi şəxslərin səmərəlilik göstəricilərinin illik proqnoz (hədəf) göstəriciləri banklar və digər kredit təşkilatları, sığortaçı və təkrarsığortaçılar, qiymətli kağızlar bazarında lisenziyalaşdırılan şəxslər, investisiya fondları və lisenziyalaşdırılan ödəniş sistemlərinə münasibətdə Maliyyə Sabitliyi Şurası ilə, digər hüquqi şəxslərə münasibətdə isə Nazirlər Kabinetinin 30 dekabr 2016-cı il tarixli qərarı ilə yaradılmış Komissiya ilə razılaşdırılaraq təsdiq edilməlidir. Həmçinin Qaydanın 4.2-ci bəndinə əsasən illik səmərəlilik göstəricilərinin proqnoz (hədəf) göstəriciləri hüquqi şəxsin Müşahidə Şurası (Direktorlar Şurası) tərəfindən təsdiq olunduqdan sonra hesabat ilindən əvvəlki ilin noyabr ayının 1-nə qədər “İri dövlət şirkətlərinin gəlirlər və xərclər smetaları haqqında” Nazirlər Kabinetinin 30 dekabr 2016-cı il tarixli qərarı ilə iri dövlət şirkətlərinin gəlirlər və xərclər smetaları üzrə yaradılmış Komissiyanın Katibliyinə təqdim edilməlidir.

Komissiyanın Katibliyinin funksiyalarının həyata keçirilməsi Maliyyə Nazirliyinə həvalə edilib. Qərarla Komissiyaya iri dövlət şirkətlərinin gəlirlər və xərclər smetalarının ilkin layihələrinin tərtibi, müzakirəsi, qiymətləndirilməsi və təsdiqi, təsdiq olunmuş gəlirlər və xərclər smetalarının rüblük icrası barədə hesabatların Komissiyada müzakirəsi ilə bağlı işlərin həyata keçirilməsi tapşırılıb.

“Paylarının (səhmlərinin) nəzarət zərfi dövlətə məxsus olan hüquqi şəxslərin fəaliyyətinin səmərəliliyinin qiymətləndirilməsi Qaydası”nın 5.11-ci bəndinə əsasən hüquqi şəxslər Səmərəlilik göstəricilərinin, Səmərəlilik göstəricilərinin proqnoz (hədəf) göstəricilərinin və Fəaliyyətin səmərəlilik əmsalının hesablanması ilə bağlı sənədləri bu Qaydanın 4.1-ci bəndində göstərilən aidiyyəti qurumlara hesabat ilindən sonrakı ay ərzində təqdim edir. Həmin Qaydanın 4.1-ci bəndində göstərilən aidiyyəti qurumlar təqdim olunan sənədlər əsasında ildə 1 dəfə hesabat ilindən sonrakı ilin mart ayının 31-nə qədər Səmərəlilik göstəricilərinin, Səmərəlilik göstəricilərinin proqnoz (hədəf) göstəricilərinin və Fəaliyyətin səmərəlilik əmsalının hesablanmasının monitorinqini həyata keçirir.

Paylarının (səhmlərinin) 51 və daha artıq faizi birbaşa və dolayısilə dövlətə məxsus olan səhmdar cəmiyyətlər, məhdud məsuliyyətli cəmiyyətlər Nazirlər Kabnetinin 4 iyun 2019-cu il tarixli qərarı ilə təsdiq edilmiş “Paylarının (səhmlərinin) nəzarət zərfi dövlətə məxsus olan hüquqi şəxslərin fəaliyyətinin səmərəliliyinin qiymətləndirilməsi Qaydası”nın tələblərinə uyğun olaraq səmərəlilik göstəricilərinin 2021-ci il üzrə illik proqnoz (hədəf) göstəricilərini razılaşdırılmaq üçün avqust ayının 1-nə qədər Komissiyanın Katibliyi funksiyasını həyata keçirən Maliyyə Naziriyinə təqdim etməlidirlər.

Mənbə: report.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

29 İyn 2020

Korporativ sosial məsuliyyət xərclərinin vergidən azadolunma meyarları

by Audit.Az | posted in: Vergi, Xəbər | 0

Korporativ sosial məsuliyyət xərclərinin vergidən azadolunma meyarları

Azərbaycan Respublikasının Nazirlər Kabinetinin 12 mart 2020-ci il tarixli Qərarı ilə “Azərbaycan Respublikası Vergi Məcəlləsinin 106.1.18-ci maddəsinə uyğun olaraq, vergidən azadolunma məqsədləri üçün elm, təhsil, səhiyyə, idman və mədəniyyət sahələrində fəaliyyət göstərən müəssisə, idarə və təşkilatların Meyarları” təsdiq edilmişdir.

Azərbaycan Respublikasının Vergi Məcəlləsinin 106.1.18-ci maddəsinə əsasən, paylarının (səhmlərinin) 51 və daha artıq faizi birbaşa və ya dolayısı ilə dövlətə məxsus olan hüquqi şəxslər və dövlətin adından yaradılan publik hüquqi şəxslər istisna olmaqla, vergi ödəyicisinin hesabat ilinin mənfəətinin 10 faizindən çox olmayan hissəsinin Azərbaycan Respublikasının Nazirlər Kabineti tərəfindən müəyyən edilən meyarlara cavab verən elm, təhsil, səhiyyə, idman və mədəniyyət sahəsində fəaliyyət göstərən müəssisə, idarə və təşkilatlara köçürülən hissəsi – 2019-cu il 1 yanvar tarixdən 10 il müddətinə hüquqi şəxslərin mənfəət vergisindən azaddır.

Qərara əsasən, aşağıda göstərilən meyarlara cavab verən müəssisə, idarə və təşkilatlara edilən köçürmələr mənfəət vergisindən azad edilmişdir:

Elm sahəsində – qanunvericiliyin tələblərinə müvafiq qaydada akkreditasiyadan keçməsi, müvafiq elm sahəsində dövlət siyasətinin əsas prioritetləri üzrə tədqiqat aparması və ən azı 5 nəfər elmi işçisinin olması;

Təhsil sahəsində – dövlət orqanlarının, dövlətin adından yaradılan publik hüquqi şəxslərin, dövlət mülkiyyətində olan və ya paylarının (səhmlərinin) 51 və daha artıq faizi birbaşa və ya dolayısı ilə dövlətə məxsus olan hüquqi şəxslərin tabeliyində olması və (və ya) qanunvericiliyin tələblərinə uyğun olaraq lisenziya alması (qeyd edilmiş 2 kriteriyadan hər hansı birinə cavab verməsi kifayətdir);

Səhiyyə sahəsində – dövlət səhiyyə sisteminə daxil olan tibb müəssisəsi olması və köçürülən vəsaitin nizamnaməsində nəzərdə tutulmuş fəaliyyət istiqamətləri üzrə əhalinin sağlamlığının qorunması ilə bağlı xərclərin maliyyələşdirilməsi məqsədləri üçün istifadə edilməsi.

İdman sahəsində – qanunvericiliyin tələblərinə uyğun olaraq ictimai birlik formasında yaradılan respublika idman federasiyaları (assosiasiyaları) və ya idman klubları olması və köçürülən vəsaitin idman federasiyaları (assosiasiyaları) və ya idman klublarının təsis sənədlərində nəzərdə tutulan məqsədlər üçün sərf edilməsi;

Mədəniyyət sahəsində – Azərbaycan mədəniyyətinin, milli mədəni irsin təbliği, təşviqi və inkişafı məqsədilə incəsənət və bədii tədbirlərin, yaradıcılıq müsabiqələrinin, sərgilərin, yaradıcılıq gecələrinin, mədəniyyət və incəsənət təqdimatlarının, festivalların, konfrans və simpoziumların təşkilini, nəşr məhsullarının hazırlanmasını və yayımını həyata keçirən, habelə film istehsal edən hüquqi şəxslər (kommersiya hüquqi şəxsləri istisna olmaqla) olması və (və ya) teatr, kitabxana və ya muzey kimi fəaliyyət göstərməsi (qeyd edilmiş 2 kriteriyadan hər hansı birinə cavab verməsi kifayətdir).

Qeyd edilməlidir ki, hüquqi şəxslər tərəfindən yuxarıda göstərilən meyarlara cavab verən müəssisə, idarə və təşkilatlara edilən ödənişlər yalnız nağdsız qaydada bank hesabı vasitəsilə həyata keçirildikdə və ödənişin təyinatı bu barədə sənəddə göstərildikdə mənfəət vergisindən azaddır. Qərara əsasən, ödənişi alan müəssisə, idarə və təşkilat hesabat ili bitdikdən sonra 1 ay müddətində alınmış vəsaitin təyinatı üzrə xərcləndiyini təsdiq edən sənədləri (alğı-satqı müqavilələri, təhvil-təslim aktları, ödəniş tapşırıqları, bank çıxarışları və s.) vəsaiti köçürən şəxsə təqdim etməlidir.

Mənbə: vergiler.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

29 İyn 2020

Rəqabətli innovasiyanın yeddi növü (2-ci hissə)

by Audit.Az | posted in: Xəbər | 0

Rəqabətli innovasiya və onun yeddi növü

2-ci hissə

Məqalənin 1-ci hissəsini buradan oxuya bilərsiniz

SEB böyümə proqramında iştirak edən sahibkarlara etdiyi çıxışında Avropa İnnovasiya Akademiyasının prezidenti Alar Kolk, biznesin inkişafına tətbiq edilə biləcək yeddi növ yenilikdən bəhs edib.

3.Dizayn

Ən müasir innovasiya növündən söhbət gedir. Onun başlıca izahı dar mənada dizayn sözünün özü deyil, insana yönəlik empatiya və yanaşmadır. Qısaca söyləsək, empatiya – bu, digər adamları daha yaxşı başa düşmək üçün bir qabiliyyətdir. Hər bir müəssisə bu prinsipə əməl etməlidir.

Biz müştərini dinləməyi bacarmalıyıq. Bu, yalnız məhsul və ya xidmətin inkişafına aid deyil, müştərinin fikirlərini marketinq və satış planlaşdırma mərhələsində dinləmək vacibdir. Belə yanaşma çox sürətli yüksəlişə gətirib çıxarır.

Belə yanaşmaya riayət etmək kifayət qədər sadədir, məhsulun yaradılması vaxtı müştərinin istək və fikirlərini nəzərə almaq isə – çox çətindir. Məsələn, Apple şirkəti müştərilərinin fikirlərini şübhəsiz ki, dinləyir, lakin, sərbəst şəkildə nəticələr çıxarırdı. Məhz, buna görə şirkət müştərinin özünün düşünməyəcəyi bir şeyi təklif edə bilirdi.

Dizaynı müxtəlif cür tətbiq etmək mümkündür. Yalnız bir neçə nümunə gətirək:

Müştərinin təcrübəsi.

Apollo şirkəti kinoteatr, kitab və film satışını, eləcə də ictimai iaşəni bir-biri ilə əlaqələndirərək, öz fəaliyyətində bu növləri bir tam halına gətirmişdi.

Uber öz müştərilərinə taksi xidməti göstərir, hansı ki, köhnə taksi şirkətlərinin göstərdiyi xidmətdən daha ucuz və sürətlidir;

Brend.

Xaricdə ən məşhur eston brendlərindən biri Vestige Verdant-dır. Əlbəttə ki, o, Estoniya ilə assosiasiya olunmur, əksinə fransız lüks marka təəssüratını verir. Bu ticarət markası altında Haapsaludan dəniz palçığı qızıl qiymətinə satılır. Hər bir detal – addan başlamış, qutuya qədər – yüksək keyfiyyətli məhsul imicini dəstəkləyir.

Və yaxud Haaqen-Dazs dondurmasını götürək. Bu şirkətin təmiz təbiəti və qeyri-adi keyfiyyətə malik Danimarkadan olduğu təəssüratı yaranır, lakin əslində həmin şirkət ABŞ-da təsis olunub. Skandinaviya dillərindən alınan sözlər müştərilər tərəfindən tanınana qədər kombinə olunurdu: şirkətin adı danimarka dilindəki kimi səslənirdi. Beləliklə, innovasiyalarda süperyaradıcılıq göstərmək lazım deyil, lakin yeniliklər sistematik olmalıdır!

4.Kanal

Adi birindən fərqli bir paylaşım kanalını (distribyutor) qursanız, xüsusən bu yeniliyi digər növ innovasiyalarla birləşdirsəniz, rəqiblərin onu kopyalaması çətin olacaq. Eyni zamanda, yeni paylaşım kanalları mövcud işə zərər verməyəcək şəkildə sınaqdan keçirilməlidir.

Əlbəttə ki, belə imkanlardan biri də İnternet kanallarından istifadədir. Lakin, son zamanlarda bunlara əlavə olaraq bir sıra digər həllər ortaya çıxıb: 3D-çap, dronlar, ağıllı bağlama göndərişi avtomatları və s.

Birchbox kosmetik firması, böyük investisiyalar tələb etdiyindən, ümumiyyətlə, ənənəvi mağazalar açmadı. Şirkət kosmetika mallarını evlərə ən adi bağlamlarda göndərir.

Rəqabətli innovasiyanın yeddi növü (3-cü hissə)

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

29 İyn 2020

Mühasib keçmişdə və gələcəkdə (7-ci hissə)

by Audit.Az | posted in: Xəbər | 0

Mühasib keçmişdə və gələcəkdə

7-ci hissə

Məqalənin 6-cı hissəsini buradan oxuya bilərsiniz

Dərslərin keçirilməsi manerasını, xüsusilə mühazirələrin oxunmasını qeyd etmək çox vacibdir. Onların rolu minimuma endirilməlidir. Çünki İ.Qutenberq (1406–1468) mətbəəni, yəni, çap işini icad etdikdən sonra mühazirə oxunması ali məktəblərdə bir orta əsrlər anaxronizmi olaraq qaldı. Bunda daha çox kafedra elitaları və axmaq tənbəl tələbələr maraqlıydı. Birinci bu yük üçün faydalıdır: onlar ilbəil dəftərçəni, hətta birbaşa kitabdan hansısa sadələşdirilmiş mətnləri oxuyurlar. İkincilər isə sevinclə qeyd edirlər ki, professor imtahanda bundan artıq heç nə soruşmayacaq. Fənnin öyrənilməsinin əsas ağırlığı klassik universitet sxemi üzrə keçirilən praktik məşğələlərə və seminarlara keçirilməlidir.

Bundan sonra tələbə tərəfindən öyrənilən mövzunun anlama dərəcəsi haqqında çətin bir sual yaranır. Burada isə iki yanaşma var: bixeveristik və rasionallıq. Birinci, praktiki reaksiyaların bacarıqlarının aşılanmasını nəzərdə tutur. Məsələn, tələbəyə malların alınması üçün qaimə göstərilir və o, sevinclə cavab verir: debet 41, debet 19 və kredit 60. Müəllim bundan vəcdə gəlir, tələbənin valideynləri isə sevincdən göz yaşı tökürlər. Bu təlim şərtli reflekslər sisteminə əsaslanır (1849-1936) və (1857-1927), S ® R iki elementinin, yəni, stimulun, bizim vəziyyətimizdə hesab-faktura və reaksiya – düzgün cavab olduğunu ehtimal edir. Doğru reaksiyalar vermək yaxşı bir insanın və yüksək ixtisaslı mühasibin yetişdirilməsi üçün lazımdır. Ancaq hamı bu nəticə ilə razı deyil. Deyilənə görə, bu halda tələbə sanki “tutuquşuya” çevrilir. O, öyrədilmiş sözləri mənasızcasına təkrarlayır.

Tələbə isə yaradıcı işçi olmalıdır, o, nə danışdığını, xüsusən də nə ilə işləməli olduğunu başa düşməlidir. Bununla birlikdə, ölkəmizdə, bir qayda olaraq, anlayış təhsili müəyyən bir sxolastikliyə dirənir: 41 hesabı aktivdir, debet mağazadakı malların artdığını göstərir, 19 hesabı aktivdir. Vergi orqanlarına debitor borcu göstərir, bu halda 60 hesabı passivdir kreditor borcunun yüksəldiyini göstərir. Əslində anlaşılma üçün bunlar olduqca azdır.

Burada söhbət bir tərəfdən iki müqavilənin yerinə yetirilməsindən gedir: material məsuliyyəti (debet 41) və təchizat (kredit 60), həmçinin vergi qanunvericiliyindən irəli gələn öhdəliklər (debet 19), digər tərəfdən isə: təchizatçı hesabına təsərrüfat subyektinin aktivləri artır. Ancaq bütün bunlardan söz açmaq və xüsusilə də başa düşmək, tələbə üçün çox çətindir. İşgüzar oyunlar və keyslərə aludəçilik bizim işdə nisbətən kömək edir. Lakin problemləri sonadək həll etmir.

Lakin ali məktəblərin başlıca bəlası bunda deyil. İş ondadır ki, onların nümayəndələri qaydaya əsaslanan bir dogmatik təlim sisteminə riayət edirlər: hər bir problemin yalnız bir düzgün həlli var. Məhz, bu postulat həmkarlarımızın zehinini və qəlbini şikəst edir. Bunun əvəzinə dekonstruksiya və ya hikmət postulatı lazımdır: hər bir problemin ən azından iki düzgün həll yolu var.

Əlbəttə ki, tənzimləyici sənədlər baxımından, bir qayda olaraq, bir həll mümkündür, lakin mühasibat siyasətinin fikirlərini xatırlayın və sizə aydın olacaq: həmişə və ya demək olar ki, həmişə seçim var. Ona görə də müasir şəraitdə ali məktəbdə uçot siyasəti gələcək baş mühasiblərin tədrisində əsas mövzu olmalıdır. Çünki mühasibat uçotu – mümkün olanı başa düşmək haqqında elmdir.

Burada bir məsələni də qeyd etmək lazımdır: ən dəhşətlisi odur ki, siz hansısa elmin öyrənilməsi zamanı müəyyən baxışları aydın şəkildə yerinə yetirirsiniz, fikirlərin ziddiyyətli dialektik müxtəlifliyindən hər cür yayınmaq üçün bir metodologiya öyrədirlər. Görkəmli filosof B. Rasselin (1872-1970) bir çağırışını xatırlayırsınızmı: “Müəllimlərin ifadə etdikləri fikirlərin yekdilliyi təkcə can atdığımız şey deyil, imkan olanda, ondan qaçmaq da lazımdır, çünki tərbiyəçilər arasında fikir müxtəlifliyi istənilən bir ağlabatan təhsil üçün vacibdir”.