Blog Full

Avropanın əsas iqtisadiyyatı tarixi rekorda imza atıb

İyun ayında Almaniyanın  ixracı ötən ay ilə müqayisədə 14,9 faiz yüksəlib ki, bu da 1990-cı ildən bəri bütün müşahidə tarixi ərzində rekord hesab oluna bilər. Bu haqda ölkənin Federal statistika agentliyi (Destatis) məlumat verib.

Avropanın ən böyük iqtisadiyyatının idxalı isə may ayı ilə müqayisədə 7 faiz artıb ki, bu 2010-cu ildən sonra rekord hesab olunur. İyun ayında Almaniya 96,1 milyard avroluq məhsullar ixrac edib, 80,5 milyard avroluq məhsul isə idxal edib. Almaniyanın xarici ticarətində profisit 14,5 milyard avro təşkil edib.

Lakin ötən illə müqayisədə cari ilin iyun ayında ixracın həcmi 9,4 faiz aşağı enib. Yalnız Çinə olan ixrac yüksəlib (15,4 faiz). Almaniyanın sənaye istehsalı iyun ayında 8,9 faiz artıb.

Belə məlumatlar göstərir ki, Almaniya öz qonşularından daha tez bərpa oluna bilər, Bloomberq tərəfindən rəyi soruşulan ekspertlər belə qeyd ediblər. Berenberq universitetinin baş iqtisadçısı Holger Şmidinq hesab edir ki, ölkə artıq üçüncü rübdə ÜDM-in azalmasının yarısını bərpa edə bilər.

Avrozonanın digər ölkələrində də sənayenin bərpa olunması prosesi başlayıb. Fransa iyun ayında istehsalın 12,7 faiz həcmində yüksəldiyini xəbər verib. İspaniyada isə bu artım 14 faiz həcmində olub.

Avropa komissiyası proqnozlaşdırır ki, alman iqtisadiyyatı bu il 6,3 faiz azalacaq və 2021-ci ildə isə 5,3 faiz artacaqdır. İkinci rübdə ölkənin ÜDM-i koronavirus pandemiyasına görə əvvəlki rüblə müqayisədə 10,1 faiz aşağı düşüb. İşsizlik isə iyul ayında 6,4 faiz səviyyəsində qalıb.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Bu gündən bəzi sahələr üzrə işə cəlb olunan işçilərin sayı ilə bağlı məhdudiyyət götürülüb

Bəzi sahələr üzrə işə cəlb olunan işçilərin sayına tətbiq edilən 50 faizlik və həmin iş və xidmət sahələri üzrə mülki-hüquqi müqavilə ilə işləyənlərə verilən icazələrin sayının əmək müqaviləsi ilə işləyənlərin ümumi sayının 30 faizindən çox olmaması ilə bağlı məhdudiyyətlər bu gündən ləğv edilib.

Bu barədə Nazirlər Kabineti yanında Operativ Qərargahın sərt karantin rejiminin yumşaldılması istiqamətində qəbul etdiyi növbəti tədbirlər paketində əksini tapıb. 

Bu sahələr aşağıdakılardır:

– Gündəlik baxım və gigiyena vasitələrinin istehsalı;

– Tikinti və məişət avadanlıqlarının istehsalı və təmiri;

– Mühəndislik və layihələndirmə xidmətləri;

– Qablaşdırma məhsullarının istehsalı;

– Daş, metal və taxta məhsullarının istehsalı;

– Mebel istehsalı və təmiri;

– Zoomağazalar, o cümlədən heyvanlar üçün yem satış məntəqələri;

– Tikinti materiallarının və məişət xırdavatlarının satışı məntəqələri;

– Onlayn satışlar;

– Kimyəvi təmizləmə;

– Mənzillər istisna olmaqla, yaşayış binalarının təmizlənməsi;

– Avtomobillərin təmiri;

– Avtomobil yuyulma məntəqələri;

– Heyvan sığınacaqları;

– Tərcümə xidmətləri.

Mənbə: apa.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Təsisçinin borcunun qaytarılması yolları

Hüquqi şəxslə onun təsisçisi mülki hüququn ayrı-ayrı subyektləri olmaqla vergitutma məqsədləri üçün qarşılıqlı surətdə asılı olan şəxslər sayılır.

Dövlət Vergi Xidmətindən verilən məlumata görə, təsərrüfat əqdləri qarşılıqlı surətdə asılı olan şəxslər arasında həyata keçirildikdə vergilərin hesablanması bazar qiyməti nəzərə alınmaqla həyata keçirilir.

Buna əsasən, təsisçi tərəfindən müəssisəyə faizsiz verilmiş borc məbləğinə həmin borcun aid olduğu dövrdə eyni valyuta ilə oxşar müddətə verilmiş kreditlər üzrə faizlərin səviyyəsi nəzərə alınmaqla faizlər hesablanmalı və təsisçiyə ödənilən faiz məbləğlərindən ödəmə mənbəyində 10 faiz dərəcə ilə vergi tutulub dövlət büdcəsinə ödənilməlidir.

Vergi orqanında uçotda olmayan təsisçidən alınmış borc məbləğləri vergiödəyicisinin “Nağdsız hesablaşmalar haqqında” Azərbaycan Respublikasının Qanununda göstərilən şəxslər kateqoriyasına aid olmasından asılı olaraq, həmin maddədə göstərilən hədlər daxilində (30 000 manat və ya 15 000 manat) nağd qaydada qaytarıla bilər. Təqvim ayı ərzində 30 min manatdan və ya 15 min manatdan artıq hesablaşmalar üzrə ödənişlər yalnız nağdsız qaydada həyata keçirilməlidir. Adıçəkilən Qanuna əsasən, vergi orqanında qeydiyyatda olan təsisçiyə isə borc məbləğləri yalnız nağdsız qaydada qaytarılmalıdır.

Mənbə: vergiler.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun