Daşkənddə xeyriyyə fondundan pul mənimsənilib
Daşkənd vilayətinin Akkurqansk rayon hakiminn (icra başçısı) müavini “Məhəllə” fondunun rayon şöbəsinin baş mühasibi ilə birlikdə iki fonddan ümumilikdə 153 milyon sumdan (15 min dollar) çox vəsaitləri mənimsəyiblər. Bu hadisə barədə Özbəkistanın baş prokurorluğunun mətbuat xidməti məlumat verib. Cinayətdə şübhəli bilinənlərin adları çəkilməyib. Yalnız müvafiq olaraq ad və soyadlarının baş hərfləri (M.A. və B.N.) göstərilib.
Onlar birlikdə cinayət əlaqəsinə girərək, “Məhəllə” ictimai xeyriyyəçilik fondundan 109, 2 milyon sum (10,7 min dollar) və “Saxovat va kumak” (“Xeyirxahlıq və dəstək”) xeyriyyə fondundan isə 44 milyon sum (4,3 min dollar) vəsaitləri mənimsəyiblər. Mənimsədikləri pulları onlar özlərinin şəxsi ehtiyacları üçün sərf ediblər.
Mənimsəmə faktı üzrə Baş prokurorluğun Daşkənd vilayət idarəsi, Özbəkistan CM-nin 167-ci maddəsinin 3-cü hissəsinin “a” bəndi üzrə cinayət işi qaldırılıb. (Mənimsəmə və ya israfçılıq yolu ilə xüsusilə külli miqdarda oğurluq etmə).
Teleqram qrupumuza üzv olun
