Aprel ayının əvvəlindən kuryerlərə tələbat 4 dəfə artıb.
Selecty rekrutinq agentliyinin məlumatına görə, aprel ayının əvvəlindən koronavirusun yayılması təhlükəsi üzündən tətbiq olunan məhdudiyyətlər səbəbindən kuryerlərə tələbat dörd dəfə artıb, “Rossiyskaya qazeta” belə yazır.
Belə ki, kuryerləri əsas işəgötürənlər, qidaları yalnız çatdırılma ilə satışına icazə verilən ərzaq riteylerləri – barlar, restoranlar və ictimai iaşə obyektləridir.
Həmçinin məhdudiyyətlər dövründə bütün istiqamətlərdən olan İT mütəxəssislərinə də tələbat artıb. Rekrutinq agentliklərində belə yüksək ixtisaslı heyətin axtarışı üçün sifarişlərin həcmi 20 faiz artıb.
Selecty agentliyinin məlumatına görə, bu günlərdə böyük beynəlxalq şirkətlərdən biri onlayn satış kanalını inkişaf etdirə biləcək bir İT mütəxəssisinə bir milyon rubl maaş təklif edib.
Bundan əvvəl Beynəlxalq Əmək Təşkilatının mütəxəssisi Ernst Ekkehard koronavirus pandemiyasının əmək bazarına təsirindən danışmışdı. Onun sözlərinə görə, indi tibb işçilərinə, pərakəndə satış və çatdırılma sahələrində çalışanlara böyük tələbat var. Gələcəkdə bir çoxları rəqəmsal iqtisadiyyat, o cümlədən pərakəndə ticarət müəssisələri sahəsinə keçməyə çalışacaqlar. Bu isə öz növbəsində rəqəmsal texnologiya sahəsində çalışan mütəxəssislərə olan tələbatın artmasına gətirib çıxaracaq.
Teleqram qrupumuza üzv olun
