Sual: İşçiyə 30.11.2019-cu il tarixində 600 azn əmək haqqı hesablanıb. 15.11.2019-cu il tarixində işçiyə 400 azn əvvəlki ilin istifadə etmədiyi məzuniyyətə görə kompensasiya ödənilib. Sualım bundan ibarətdir ki, İşçinin gəliri 1000 azn olaraq Sosial sığorta haqqına cəlb ediləcək, yoxsa 600 azn ayrılıqda, 400 azn ayrılıqda sosial sığorta haqqına cəlb edilməlidir?
Cavab: Bildiririk ki, əvvəlki illərdə istifadə olunmamış məzuniyyətə görə kompensasiya ödənilərkən tam iş illərinin kompensasiya haqları ayrı-ayrılıqda, o cümlədən cari iş ilinə görə istifadə olunmamış məzuniyyətə görə ödənilən kompensasiya haqqı ödəniş aparılan ayın əmək haqqına əlavə edilmədən ayrılıqda fiziki şəxslərin gəlir vergisinə və məcburi dövlət sosial sığorta haqlarına cəlb edilir.
Əvvəlki illərdə istifadə olunmamış məzuniyyətə görə hər il üzrə ayrılıqda hesablanmış kompensasiya haqları 1 yanvar 2019-cu il tarixdən ödənildiyi halda gəlir vergisi və sosial sığorta haqları 1 yanvar 2019-cu il tarixdən qüvvədə olan dərəcələrlə hesablanır.
Eyni zamanda, gəlir vergisinin məqsədləri üçün hər il üzrə ayrılıqda hesablanmış kompensasiya haqlarından Vergi Məcəlləsinin 102.1.6-cı maddəsi ilə müəyyən edilən 200 manat çıxılır.
Əsas: Vergi Məcəlləsinin 101.1-ci, 101.1-1-ci və 102.1.6-cı maddələri.
Mənbə: taxes.gov.az
Həmçinin bax
-
Müəssisənin təqdim edilməsi ilə hüquqi şəxsin iştirak paylarının təqdim edilməsi arasındakı fərq nədir?
-
Əvvəlki illərin məzuniyyəti üçün Sosial Sığorta haqqı necə hesablanır?
-
Hüquqi şəxsin təsisçisi eyni zamanda fərdi sahibkar kimi fəaliyyət göstərə bilərmi?
-
102.2.5 maddəsindəki güzəşt üçün hansı sənədlər tələb edilir?