Əsgərlik dövrünün əmək stajına daxil edilməməsinin səbəbi açıqlanıb
“Hərbi xidmətkeçmə haqqında” Əsasnamə qanunla təsdiq edilib. Həmin qanunda qeyd olunub ki, hərbi qulluqçuların Azərbaycan Respublikası Silahlı Qüvvələrində və Azərbaycan Respublikasının qanunvericiliyinə uyğun olaraq yaradılmış başqa silahlı birləşmələrin qoşunlarında və orqanlarında həqiqi hərbi xidmətdə olduğu müddət qüvvədə olan qanunvericiliyə uyğun olaraq onların ümumi və fasiləsiz iş stajına və ixtisas üzrə iş stajına daxil edilir”.
Bunu “Sosial saat” verilişində Dövlət Əmək Müfəttişliyi Xidmətinin rəisi Fuad Heydərov həqiqi hərbi xidmət (əsgərlik) dövrünün sonradan əmək fəaliyyəti zamanı əmək qabiliyyətini itirənlərə müavinət hesablanarkən əmək stajına daxil edilməməsinin səbəbi ilə bağlı sualı cavablandırarkən deyib.
F. Heydərov bu məsələ ilə bağlı “Hərbi xidmətkeçmə haqqında” Əsasnamə və Əmək Məcəlləsi arasındakı uyğunsuzluğa diqqət çəkib: “Ancaq Əmək Məcəlləsində əmək stajı və sosial sığorta anlayışlarından istifadə olunur. Eyni zamanda Əmək Məcəlləsinin 6-cı maddəsində qeyd olunur ki, Əmək Məcəlləsi hərbi qulluqçulara şamil edilmir. Əmək Məcəlləsində nəzərdə tutulmuş təminatların istifadəsi zamanı yalnız müvafiq iş yerində əmək stajı nəzərə alınır və əmək kitabçasında şəxsin əmək fəaliyyəti barədə məlumatlar qeyd olunur. Nazirlər Kabinetinin 189 nömrəli qərarında da qeyd edilir ki, əmək qabiliyyəti olmayanlara müavinət hesablanarkən sığorta haqqı tutulan dövrlər əmək qabiliyyətinin itirilməsi zamanı nəzərə alınan dövrlərdir”.
Qeyd edək ki, “Hərbi xidmətkeçmə haqqında” Əsasnaməyə əsasən, həqiqi hərbi xidmətdə olan vətəndaşlar hərbi qulluqçular, ehtiyatda xidmətdə olanlar isə hərbi vəzifəlilər adlanırlar. Həqiqi hərbi xidmətin müddətləri dinc dövrdə təqvim hesabı ilə aşağıdakı kimi müəyyən edilib:
müddətli həqiqi hərbi xidmət hərbi qulluqçuları üçün:
– ali təhsili olanlar — 1 il;
– qalan bütün əsgərlər, matroslar və çavuşlar – 1 il 6 ay.
Mənbə: apa.az
Teleqram qrupumuza üzv olun
Azərbaycanda statistik hesabatların onlayn rejimdə qəbul göstəricisi 95 %-i keçib, bununla da vətəndaş-məmur təmaslarının səviyyəsi minimuma endirilib, eyni zamanda statistik məlumatların işlənməsi və təhlili imkanları yüksəlib.
Sual: MMC spirt istehsalı sahəsini icarəyə götürüb. Müqavilə üzrə istifadə edilmiş işıq, su, qaz tərəfimizdən ödənilməlidir və bank hesabımızdan ödənilib. E-qaimələr icarəyə verənin adına gəldiyi üçün təqdim edilmiş Mənfəət vergisi bəyannaməsində Lokal Gəlirlər Departamenti istehsalatda istifadə edilən komunal xərclərin ləğvinə qərar verib. E-qaimə təqdim edilməyən kommunal xərclər hansı qayda ilə tənzimlənir? İcarəyə verən kommunal xərclər üçün icarəçiyə e-qaimə təqdim etməlidirmi?
Malların (işlərin və xidmətlərin) satınalınmasının hansı metodla həyata keçirilməsi ilə bağlı təcrübədə müəyyən suallar yaranır. Mövzunu mühasibat mütəxəssisi Emin Salamov şərh edir.