Blog Full

Birbank Visa kart sahibləri üçün yeni kampaniya başlayıb. Şərtlərə görə, bütün Birbank Visa (BirKart Visa) debet kartları ilə ən çox nağdsız dövriyyəsi olan 50 müştəri dəyərli hədiyyələr qazana biləcəklər.

31 oktyabr 2022-ci il tarixinədək keçirilən kampaniyanın əsas hədiyyəsi Qətərdə keçiriləcək “FIFA Dünya Kuboku 2022”yə səyahət paketidir. Bundan başqa 2 ədəd Apple Macbook Pro, 7 ədəd iPhone 13, 15 ədəd Apple watch və 25 ədəd Apple Airpods ən çox nağdsız dövriyyəsi olan müştərilərə təqdim ediləcək.

Qaydalara görə bir müştərinin bir neçə Birbank Visa debet kartı varsa, onların hamısının əməliyyatlarının cəmi nəzərə alınacaq. Visa və FIFA ilə birgə keçirilən kampaniyada taksit kartları iştirak etmir və qaliblər kampaniya bitdikdən 14 gün sonra elan olunacaq. Ətraflı məlumat: https://bir.bank/bvfdkpr.

Qeyd edək ki, bütün Birbank kartlarının həm taksit, həm də debet növü mövcuddur. Birbank Cashback kartı sahibinə ikiqat ƏDV bonusu və nağdsız ödənişlərdə 1,5%-dən 30%-dək keşbek, Birbank Miles isə istənilən aviaşirkətin aviabiletinə dəyişdirilməsi mümkün olan millər qazandırır. Birbank Cashback debet kartları ilə ay ərzində 4000 manatadək istənilən yerli bankomatda vəsait nağdlaşdırarkən və ölkədaxili istənilən bank kartına pul köçürərkən heç bir komissiya haqqı tutulmur. Həmçinin Birbank Miles və Birbank Umico kartları ilə ay ərzində 4000 manatadək Kapital Bank-a məxsus bankomatlarda nağdlaşdırma və ölkədaxili istənilən bank kartına pul köçürməsi komissiyasızdır. Birbank taksit kartı istifadəçiləri isə 63 günədək güzəşt müddətindən faydalana bilərlər.

Birbank kartları bir sıra üstünlüklərə malikdir: 18 ayadək faizsiz taksitlə hissə-hissə ödəmək imkanı, birdəfəlik ödənişlərdə 63 günədək güzəşt müddəti, kartı idarə etmək üçün rahat mobil tətbiqi və pulsuz SMS məlumatlandırma xidməti. Birbank kartının ölkə üzrə 11 000-dən artıq partnyor mağazası fəaliyyət göstərir və bu say artmaqdadır.

Birbank kartı haqqında ətraflı məlumat üçün https://birbank.az saytına, 196 Sorğu Mərkəzinə və ya kartın Facebook və Instagram səhifəsinə müraciət edə bilərsiniz. Birbank kartını sifariş vermək üçün Birbank tətbiqini yükləyin, “1” yazıb 8196 qısa nömrəsinə SMS göndərin, WhatsApp vasitəsilə (+994 50) 999 81 96 nömrəsinə yazın və ya Birbank mərkəzlərinə müraciət edin.

Əmək və Əhalinin Sosial Müdafiəsi Nazirliyi tərəfindən ölkəmizdə əmək və məşğulluq sahəsində islahatların yeni mühüm mərhələsinə keçidi təmin edən “Əmək münasibətləri və məşğulluq” (ƏMAS) altsistemi 10 may 2022-ci ildən istifadəyə verilib. İqtisadçı ekspert Anar Bayramov ƏMAS-ın əvvəllər istifadə olunan “Əmək müqaviləsi bildirişi” altsistemindən fərqli cəhətlərini şərh edib.

ƏMAS altsistemində “e-gov.az” elektron informasiya sistemindən fərqli olaraq işəgötürənlərə müəyyən məhdudiyyətlər tətbiq edilib. Bunların arasında daha çox müzakirəyə səbəb olanı təsdiq edilmiş bildirişlərin 24 saat ərzində ləğv edilməsi imkanının aradan qaldırılmasıdır. Belə ki, “e-gov.az” sistemində işəgötürən imzaladığı bildirişi 24 saat ərzində etibarsız etmək hüququna və imkanına malik idi. İşəgötürən texniki səhv ucbatından hər hansı işçinin əmək müqaviləsinə xitam verdikdə 24 saat ərzində həmin bildirişi etibarsız etməklə sənədin hüquqi qüvvəyə minməsinin qarşısını ala bilirdi. Bildiriş imzalandıqdan 24 saat keçdiyi halda isə işəgötürən dövlət qurumuna bildirişin ləğv olunması ilə bağlı rəsmi müraciət etməli idi.

İşəgötürənlərin işini yüngülləşdirən bu imkana məhdiyyətin qoyulmasının əsas səbəblərdən biri kimi həmin seçimdən sui-istifadə hallarına çox rast gəlinməsi göstərilir. Əsasən, tikinti, ictimai iaşə və digər sahibkarlıq subyektlərində əmək qanunvericiliyinin tələblərinin pozulması ilə bağlı inzibati məsuliyyətə cəlb olunmamaq üçün işçiləri işə qəbul etdikdən sonra 24 saat ərzində bildirişi etibarsız edirdilər.

Elektron informasiya sistemində struktur bölmələri üzrə ştatın yaradılması ƏMAS altsistemindən fərqli olaraq daha rahat şəkildə həyata keçirilirdi. Bundan əlavə, ştat cədvəlinin çap edilməsi funksiyası elektron informasiya sistemində olsa da, yeni sistemdə tətbiq edilmir.

Mənbə: vergiler.az

Rusiyanın əmək və məşğulluq üzrə federal xidməti (Rostrud), bu ilin mart ayından iyul ayına qədər Rusiya ərazisində üç min xarici şirkətin öz fəaliyyətini dayandırdığını bildirib. Bu haqda “İzvestiya” nəşri məlumat verib.

Xidmətdən bildiriblər ki, boş dayanma vəziyyətində olan əməkdaşların sayı həmin dövr ərzində üç dəfədən çox artıb. Belə ki, əgər mart ayında belə vəziyyətdə olanların sayı 39 min nəfər olubsa, iyulun 1-ə olan məlumata görə bu göstərici 125,5 min nəfərə yüksəlib. Həmin dövr ərzində həmçinin 527 xarici şirkət ləğv edilib.

Leqal FBK şirkətinin aparıcı hüquq məsləhətçisi Anastasiya Şaşkova bildirib ki, xarici şirkətlərin Rusiyadakı törəmə şirkətlərinin bağlanmasında əsas problem işçilərin işdən çıxarılması prosedurunun pozulmasıdır. “İşçilərin bu istəyi olmadığı hallarda belə adamları öz istəkləri əsasında işdən çıxmağa məcbur edirlər. Ləğvetmə çox vaxt aparır və səy tələb edir, buna görə şirkətlər işçilərə təzyiq göstərirlər. Onlara işçi heyətinin olmadığı müəssisələrdə bu proseduru həyata keçirmək daha asandır. Belə bir vəziyyətdə yalnız ləğv edilmiş şirkətin sahibləri və benefisiarları uduş vəziyyətində qalırlar” – hüquq məsləhətçisi vəziyyəti şərh edərkən belə söyləyib.

Bununla belə, bəzi şirkətlər fəaliyyətlərini müvəqqəti dayandırmaq qərarına gəlir və işçilərini gizli şəkildə ixtisar etməyə başlayır. Ekspert əlavə edib ki, əsas çətinlik işçilərin öz əmək hüquqlarını bilməməsindədir. Problemin həlli kimi Şaşkova Rusiyanı tərk etməyi planlaşdıran xarici müəssisələrin reyestrinin yaradılmasını təklif edib. Bu da onların fəaliyyətini izləməyə və lazım gəldikdə kənar idarəetməni tətbiq etməyə imkan verəcək.

Vergi ödəyiciləri arasında ciddi aktuallıq kəsb edən bu suala iqtisadçı ekspert Mahmud Abasquliyev aydınlıq gətirir.

Vergi Məcəlləsinin 153-cü maddəsinə əsasən, əlavə dəyər vergisi (ƏDV) vergi tutulan dövriyyədən hesablanan verginin məbləği ilə bu Məcəllənin müddəalarına uyğun olaraq verilən elektron qaimə-fakturalara və ya idxalda ƏDV-nin ödənildiyini göstərən sənədlərə doğuran müvafiq surətdə əvəzləşdirilməli olan verginin məbləği arasındakı fərqdir.

Vergi Məcəlləsinin 159-cu maddəsində göstərilir ki, ƏDV üzrə vergitutma obyekti Azərbaycan Respublikasını ərazisində malların təqdim edilməsi, işlərin görülməsi, xidmətlərin göstərilməsi zamanı yaranır.

Misal 1: Azərbaycan Respublikasının rezidenti “BX” MMC 2022-ci ilin sentyabr ayında digər rezident “RM” MMC ilə 10.000 manatlıq (ƏDV-siz) mal alğı-satqısı üzrə müqavilə bağlayaraq həmin ayda malı təhvil verib. Bu proses sənədləşdirilməklə yanaşı elektron qaimə-faktura ilə rəsmiləşdirilib. Bu zaman cari ayda “BX” MMC-nin 1.800 manatlıq ƏDV öhdəliyi yaranacaq:

10.000 x 18% = 1.800 manat.

Bəs mal alqı-satqısını Azərbaycan Respublikası ərazisində etmədiyimiz təqdirdə ƏDV öhdəliyi yaranacaqmi? Bu sual hazırda sahibkarlar arasında çox aktuladır.

İctimai əhəmiyyətli funksiyaları yerinə yetirən hüquqi şəxslər hansılardır?

Misal 2: Azərbayacan Respublikasının rezidenti “BX” MMC maya dəyəri 100.000 manatlıq malı Türkiyənin “NS” firmasından alaraq Azərbaycan Respublikasına idxal etmədən birbaşa İtaliyanın “AG” firmasına 110.000 manata satıb. Müqaviləyə əsasən, İtaliyada olan “AG” firması pulu birbaşa Azərbaycan Respublikasının vergi ödəyicisi “BX” MMC-nin bank hesabına ödəyib. Bundan sonra “BX” MMC özünə aid olan 10.000 manatlıq gəlirini ayıraraq malın dəyərini, yəni 100.000 manatı Türkiyənin “NS” firmasının bank hesabına köçürüb. Bu halla bağlı sahibkarlarda və mühasiblərdə sual yaranır ki, “BX” MMC-nin bank hesabına daxil olan pula görə ƏDV öhdəliyi və başqa hansı vergi öhdəliyi yaranırmı?

Bu prosesi təhlil etmək üçün əvvəlcə alıcının malı aldığı yeri müəyyənləşdirmək lazimdir. “BX” MMC Azərbaycan Respublikasının rezidenti olmasına baxmayaraq malı aldığı yer Türkiyə Respublikasının ərazisidir. Bu zaman Vergi Məcəlləsinin 168.1.5-ci maddəsinə əsasən, malın Azərbaycan Respublikasına daxil olmadan (idxal edilmədən) Türkiyə Respublikasının rezidenti “NS” firmasından 100.000 manata alınaraq yerindəcə birbaşa İtaliya Respublikasının “ AG” firmasına 110.000 manata satışı ƏDV məqsədləri üçün vergi tutulan əməliyyatın dəyəri kimi qəbul edilməməlidir. Buradan aydın olur ki, “BX” MMC heç bir halda həmin məbləği ƏDV-yə cəlb etməyəcək.

Yalnız ilin sonu “BX” MMC öz gəlirini Vergi Məcəlləsinin 103-cü maddəsinə əsasən mənfəət vergisinə cəlb edəcək.

Onu da qeyd etmək istəyirəm ki, “BX” MMC-nin bank hesabına daxil olan 110.000 manatın 100.000 manatlıq hissəsinin malın alındığı Türkiyə Respublikasının rezidenti “NS” firmasının bank hesabına köçürülməsi zamanı həmin məbləğ Vergi Məcəlləsinin 125-ci maddəsinə uyğun olaraq vergi tutulan əməliyyatın dəyəri kimi qəbul edilməməlidir.

Mənbə: vergiler.az

Məhkəmə iclasında cərimələnməmək üçün bunları bilmək lazımdır