Blog Full

Hüquqi Ekspertiza və Qanunvericilik Təşəbbüsləri Mərkəzi audit xidməti üçün kotirovka sorğusu elan edib.

Sorğuda iştirak haqqı 14 manatdır.

İddiaçılar təkliflərini aprelin 22-nə qədər Mərkəzin yerləşdiyi Bakı şəhəri, Nəsimi rayonu, Mərdanov qardaşları küçəsi, 117C ünvanına təqdim edə bilərlər.

Təkliflərə aprelin 22-də, saat 16:00-da qeyd olunan ünvanda baxılacaq.

Hüquqi Ekspertiza və Qanunvericilik Təşəbbüsləri Mərkəzi ölkə Prezidentinin 19 may 2022-ci il tarixli fərmanı ilə yaradılıb. Mərkəz normayaratma fəaliyyətinin keyfiyyətinin yüksəldilməsi, dövlət orqanları (qurumları) əməkdaşlarının hüquq normalarının tətbiqi sahəsində bilik, bacarıq və səriştələrinin inkişaf etdirilməsi, hüquqi maarifləndirmə, hüquqi ekspertizanın aparılması və hüquqi tənzimləmənin təsirinin qiymətləndirilməsi, habelə qabaqcıl beynəlxalq təcrübə nəzərə alınmaqla hüquqi islahatların həyata keçirilməsinə dair təkliflər hazırlanması və bunlarla bağlı işlərin səmərəli əlaqələndirilməsi sahəsində fəaliyyət göstərən publik hüquqi şəxsdir.

Mənbə: report.az

İxracın və İnvestisiyaların Təşviqi Agentliyi (AZPROMO) 2023-cü il üzrə maliyyə hesabatlarının beynəlxalq standartlara uyğun auditi üçün kotirovka sorğusu elan edib.

Sorğuda iştirak haqqı 20 manatdır.

İddiaçılar təkliflərini aprelin 23-nə qədər AZPROMO-nun yerləşdiyi Bakı şəhəri, Səbail rayonu, Neftçilər prospekti, 44 ünvanına təqdim edə bilərlər.

Təkliflərə aprelin 23-də, saat 09:00-da qeyd olunan ünvanda baxılacaq.

Mənbə: report.az

İqtisadiyyat Nazirliyi yanında Dövlət Vergi Xidmətinin (DVX) Qarabağ Ərazi Vergilər Baş İdarəsinə rəis təyin olunan Ələkbər Comərd oğlu Məmmədov indiyə qədər DVX-nin Dövlət Qeydiyyatı Baş İdarəsinin rəisi vəzifəsində çalışıb.

Bundan əvvəl isə 2011-2019-cu illər ərzində beynəlxalq münasibətlər, vergi ödəyicilərinə xidmət və tədris sahələri üzrə vergilər nazirinin müşaviri, Vergi Ödəyicilərinə Xidmət Baş İdarəsinin rəisi, Beynəlxalq Əməkdaşlıq və Maliyyə İnstitutlarında Vergi Monitorinqi Baş İdarəsinin rəisi vəzifələrində çalışıb.

Vergilər Nazirliyindən öncə Milli Məhsuldarlıq və Rəqabətədavamlılıq Mərkəzinin rəhbəri, Sahibkarlar (İşəgötürənlər) Təşkilatları Milli Konfederasiyası rəhbəri, “Azərinvest” Maliyyə-Sənaye Qrupunun sədri, Antiinhisar Siyasəti və Sahibkarlığa Kömək Dövlət Komitəsi – Haqsız Rəqabətə qarşı Mübarizə və İstehlakçıların Hüquqlarının Müdafiəsi İdarəsinin rəisi, Antiinhisar Siyasəti və Sahibkarlığa Kömək Dövlət Komitəsi yanında Sahibkarlığa Kömək Milli Fondunun direktoru, “Azərqarant” Qapalı Səhmdar Sığorta şirkətinin sədri, “Azərnəqliyyatbank” Açıq Səhmdar Bankının Müşahidə Şurasının sədri vəzifələrində də fəaliyyət göstərib.

Ə.Məmmədov 2022-ci ildə Azərbaycan Prezidentinin 3145 nömrəli Sərəncamına əsasən “Azərbaycan Respublikasında vergi sisteminin inkişafında xidmətlərinə görə” “Tərəqqi”, 2015-ci ildə Prezidentin 1038 nömrəli Sərəncamına əsasən “Dövlət qulluğunda fərqlənməyə görə” Azərbaycan Respublikasının medalı ilə təltif olunub.

150-dən çox elmi məqalələrin, metodik göstərişlərin, sahibkarlığın müxtəlif sahələrini əhatə edən elmi-tədqiqat işlərinin, kitabların müəllifi olan hüquq üzrə elmlər doktoru, professor Ə.Məmmədov Azərbaycan, ingilis, türk, alman və rus dillərini də bilir.

Xüsusi rütbəsi Baş vergi xidməti müşaviridir.

Mənbə: report.az

Şərqi Zəngəzur İqtisadi Rayonunda 1 saylı Bərpa, Tikinti və İdarəetmə Xidməti 2023-cü il üzrə maliyyə hesabatlarının auditi üçün kotirovka sorğusu elan edib.

Kotirovkada iştirak haqqı 46 manatdır.

İddiaçılar təkliflərini aprelin 22-nə qədər qurumun Zəngilan şəhərindəki ünvanına təqdim edə bilərlər.

Təkliflərə aprelin 22-də, saat 11:00-da qeyd olunan ünvanda baxılacaq.