Mülkiyyətindəki kənd təsərrüfatı torpaqlarını istifadə edən fiziki şəxslərin Sosial Sığorta haqqı necə hesablanır?
Sual: Mən kənd təsərrüfatına yararlı pay torpağı mülkiyyətçisiyəm. Ailəm 4 nəfərdən ibarətdir və müvafiq olaraq 4 nəfərin payına görə sosial sığorta ödənişi hər bir ailə üzvünə ayrı ayrılıqda minimum əmək haqqının 6 faizini dövlət sosial müdafiə fonduna köçürməliyəm. Faktiki olaraq mən pay torpağında buğda əkirəm. Buğdanı dekabrda əkirəm biçimədək heç bir iş görmürəm yəni ki, fəaliyyət göstərmirəm. İyun ayında buğdanı biçirəm. Belə olduqda mən sosial sığorta ödənişini hansı aylar üçün ödəməliyəm? Qeyd edim ki heç bir yerdə işləmirəm. Biçimdən sonra buğdanı satıb gəlir əldə edə bilərəm. sosial sığorta haqqı
Cavab: Bildiririk ki, mülkiyyətində olan kənd təsərrüfatına yararlı torpaqları istifadə edən fiziki şəxslərin (digər sahələrdə işləyib məcburi dövlət sosial sığorta haqqı ödəyənlər istisna olmaqla) və ailə kəndli təsərrüfatlarının əmək qabiliyyətli (I və II qrup əlillər, həmçinin sağlamlıq imkanları məhdud uşaqlar istisna olmaqla, 15 yaşından “Əmək pensiyaları haqqında” Azərbaycan Respublikası Qanununun 7-ci maddəsi ilə müəyyən edilmiş yaş həddinədək olan şəxslər) ailə üzvlərinin hər biri üçün (alınan əmlak və torpaq payı hesabına şəxsi yardımçı və digər təsərrüfatlar daxil olmaqla) minimum aylıq əməkhaqqının 6 faizi miqdarında sosial sığorta haqqı hesablanır.
Müraciətinizdə qeyd olunanlara əsasən, torpaq sahəsindən istifadə olunduğu üçün yuxarıda qeyd olunan qaydada sosial sığorta haqqı hesablanmalı və ödənilməlidir.
Əsas: “Sosial sığorta haqqında” Azərbaycan Respublikasının 18 fevral 1997-ci il tarixli 250-IQ nömrəli Qanunu.
Mənbə: taxes.gov.az
Ölkəmizdə işsizliyin aradan qaldırılması sahəsində çoxlu məşğulluq tədbirləri görülür. Lakin bununla yanaşı, işsizlikdən əziyyət çəkən, peşə və ixtisasına uyğun iş tapa bilməyənlər də var. Dövlət Statistika Komitəsinin bu il yanvarın 1-nə olan məlumatına görə, məşğulluq xidməti orqanlarında qeydiyyata alınmış 81,3 min nəfər işsiz var. Onlara ödənilən müavinət və işsizliyə görə sığorta ödənişi ilə əlaqədar sualları Əmək və Əhalinin Sosial Müdafiəsi Nazirliyi yanında Dövlət Məşğulluq Xidmətinin rəis müavini Cəmaləddin Quliyev cavablandırıb. 
Əmək və Əhalinin Sosial Müdafiəsi Nazirliyinin daha bir proaktiv xidməti – ilk dəfə əmək müqaviləsi ilə işə qəbul olunan şəxslərin proaktiv qaydada sığortaolunan kimi qeydiyyata alınması xidməti fəaliyyətə başlayıb.