ƏDV ödəyicisi olan obyektlərə xüsusi lövhə vurulmalıdır
ƏDV ödəyicisi olan obyektlərə xüsusi lövhə vurulmalıdır
Azərbaycanda vergi yığımları və iqtisadi şəffaflaşma sahəsində ən maraqlı və, təkcə dövlət büdcəsi üçün deyil, əhali üçün də faydalı olan yeniliyə start verilib.
Bu – Əlavə dəyər vergisinin bir hissəsinin geri qaytarılmasıdır.
Yeni sistemin tətbiq edildiyi ilk gündən əhalinin və alıcıların böyük marağı yanaşmanın doğru olduğunu göstərib.
Faktiki olaraq ölkə əhalisi, vətəndaşlar iqtisadiyyatın şəffaflaşması prosesində dövlət qurumlarının müttəfiqinə çevriliblər.
Əlavə dəyər vergisinin bir hissəsinin qaytarılması imkanı vətəndaşları nağdsız hesablaşmalara və kassa çeki tələb etməyə həvəsləndirir. Bu da son nəticədə kölgə iqtisadiyyatının azalması, gəlirlərin və dövriyyələrin şəffaflaşması ilə nəticələnir.
Bununla yanaşı, ilk vaxtlar aparılan müşahidələr göstərir ki, bəzi hallarda obyektlər vətəndaşların məlumatsızlığından və ya şirkətlərin fəaliyyəti ilə bağlı məlumatların bağlı olmasından sui-istifadə edərək bu prosesdən kənarda qalmağa çalışırlar.
Bir qədər əvvəl FED.az-ın apardığı sorğu zamanı məlum olub ki, hələ də bəzi obyektlərdə yeni kassa aparatları tətbiq edilməyib. Bir sıra obyektlər isə ümumiyyətlə ƏDV ödəyicisi olmadıqlarını əsas gətirərək belə çekləri verməkdən imtina edirlər.
Fikrimizcə, bu əlverişli vəziyyətdə dövlət vergi xidməti məlumatlandırma işini daha da gücəndirmək və qeyri-müəyyənliyi aradan qaldırmaq üçün yeni təşəbbüslə çıxış edə bilər. Belə ki, ƏDV ödəyicisi olan bütün obyektlərin – ticarət, xidmət və sair – üzərində bunu göstərən xüsusi lövhə və ya nişan vurulmalıdır. Məsələn, «ƏDV qaytarılır» məzmunlu.
Bu zaman istifadəçilər obyektdə ticarət ediləcəyi halda ƏDV-nin bir hissəsinin geri qaytarılacağını dəqiq bilərək daha əminlikdə xidmətlərdən istifadə edəcək. Digər tərəfdən bu üsul vəziyyətdən yayınmaq istəyən obyektlərin saxtakarlıq etmək üçün imkanlarını azaldacaq.
Bundan başqa, ƏDV ödəyicisi olan obyektlərin hər birində azı bir belə kassa aparatının olması təmin edilməlidir ki, ƏDV-ni geri almaq istəyən vətəndaşlar texniki problemlərə görə, dövlətin yaratdığı bu imkandan istifadə edə bilsinlər.
ƏDV-nin bir hissəsinin qaytarılması ilə bağlı daha ətraflı məlumatla buradan tanış olmaq mümkündür.
Mənbə: fed.az
Teleqram qrupumuza üzv olun
“Əmək pensiyaları haqqında” Qanuna təklif edilən dəyişiklik layihəsində ailə başçısını itirmiş ailələrin sosial müdafiəsinin gücləndirilməsi məqsədilə həmin ailələrin pensiya təminatı ilə bağlı yeni humanist yanaşma əksini tapıb. Belə ki, layihə qəbul edilərsə, ailə başçısını itirməyə görə pensiya hüququ olan ailə üzvü bu və ya digər səbəblərdən (özünün digər növ pensiya və ya müavinət hüququ yaranması ilə və s. hallarda) payına düşən pensiya məbləğini almağa davam etmədikdə, ona hesablanan həmin pensiya məbləği digər ailə üzvləri arasında bölüşdürüləcək.
“Kənd təsərrüfatı məhsulları istehsalının subsidiyalaşdırılması Qaydası”na əlavə edilib
Aprelin 1-nə ölkə iqtisadiyyatında muzdla çalışan işçilərin sayı ötən ilin eyni dövrü ilə müqayisədə 65,3 min nəfər və ya 4,1 faiz artaraq 1 milyon 646,1 min nəfər olub.