Blog Full - Audit.Az

Oxunma sayı: 146. 945

31 May 2020

Azərbaycanda bağlanmış bankların vergi borcu açıqlanıb

by Audit.Az | posted in: Bank, Xəbər | 0

Azərbaycanda bağlanmış bankların vergi borcu açıqlanıb

2011-2020-ci illərdə Azərbaycanda lisenziyası ləğv olunmuş 14 bankın 11,2 milyon manat vergi borcu var. Dövlət Vergi Xidmətindən verilən məlumata görə, borcu ən çox olan bank 2016-cı ildə bağlanmış “Texnika Bank” ASC (5,3 milyon manat), ən az olan bank isə 2012-ci ildə bağlanmış “Royal Bank” ASC-dir (2,9 min manat).

Sıra №	Bankın adı	Borcun məbləği (manatla)	Bankın bağlandığı il
1	“Royal Bank”	2.852,92	2012
2	“Deka Bank”	7.973,51	2016
3	“Gəncə Bank”	13.735,93	2016
4	“Evro Bank”	26.313,05	2015
5	“Amrah Bank”	41.117,66	2020
6	“Bank of Azerbaijan”	49.337,38	2016
7	“Kredo Bank”	78.017,73	2016
8	“Birlik Bank”	95.580,57	2011
9	“AGBank”	149.122,17	2020
10	“NBC Bank”	362.990,43	2020
11	“Zamin Bank”	491.550,97	2016
12	“Dəmir Bank”	1.115.653,98	2017
13	“Bank Standard”	3.487.741,44	2016
14	“Texnika Bank”	5.287.815,39	2016
Cəmi borc:		11.209.803,13

Mənbə: vergiler.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

31 May 2020

Beynəlxalq avtomobil nəhəngi kütləvi ixtisarlara hazırlaşır

by Audit.Az | posted in: Xəbər | 0

Beynəlxalq avtomobil nəhəngi kütləvi ixtisarlara hazırlaşır.

Renault (Reno) beynəlxalq avtomobil nəhəngi, koronavirus pandemiyası səbəbi ilə baş verən böhran fonunda əməkdaşların kütləvi ixtisarları barədə anons verib. Bu haqda şirkətin saytında məlumat verilib.

Ümumilikdə, fransız korporasiyası üç il ərzində təxminən 15 min, o cümlədən öz vətəni Fransada 4,6 min əməkdaş sayını azaltmağı planlaşdırır. Şirkət əməkdaşları məcburi olaraq işdən azad etmək niyyətində deyil. İşçilərin pensiyaya göndərilməsi, könüllü işdən çıxarılması və işçilərin yenidən ixtisaslaşdırılması hesabına ştatları azaltmağı planlaşdırır.

İxtisarlardan başqa, Renault istehsal həcmini təxminən 20 faiz azaldaraq xərcləri optimallaşdırmağa hazırlaşır. Belə ki, qrup Mərakeş və Rumıniyada istehsalı artırmaq planlarından imtina edib. Şirkət həmçinin Rusiyada istehsal gücünü tənzimləmək imkanını nəzərdən keçirir.

İşçilərin işdən çıxarılması və istehsal həcmlərinin azaldılması, önümüzdəki üç il ərzində iki milyard avroya qənaət etmək, rəqabət qabiliyyətini bərpa etmək və uzunmüddətli inkişafı təmin etmək üçün Renault şirkətinin planının bir hissəsidir. Planın özünün həyata keçirilməsi şirkətə 1,2 milyard dollara başa gələcək. Ümumilikdə, şirkətdə dünyanın müxtəlif ölkələrində 180 min nəfər çalışır.

Avtomobil sənayesi koronavirus pandemiyası fonunda tələbatın güclü bir enişi ilə qarşılaşıb. Avropa Avtomobil İstehsalçıları Assosiasiyasının məlumatına görə, 2020-ci ilin yanvar-aprel aylarında AB maşınlarına tələbat 38,5 faiz azalıb ki, bu da rekord bir göstəricidir. Avtomobil bazarının üç əsas ölkəsində – İtaliya, İspaniya və Fransada, demək olar ki, 50 faizlik güclü azalma qeydə alınıb. Almaniyada isə tələbat 30 faiz azalıb.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

31 May 2020

“Günümüzün biznes trendi – françayzinq” mövzusunda canlı yayım təşkil ediləcək

by Audit.Az | posted in: Xəbər | 0

“Günümüzün biznes trendi – françayzinq” mövzusunda canlı yayım təşkil ediləcək

Hörmətli Sahibkar!

Azərbaycan Sahibkarlar Konfederasiyasının təşkilatçılığı ilə Sizi, 02 iyun 2020-ci il tarixində saat 16:00-da “Günümüzün biznes trendi – françayzinq” mövzusunda Azərbaycan Françayzinq Mərkəzinin (Azerbaijan Franchising Center) eksperti – məsləhətçisi Elnur İslamovun və Azərbaycan Sahibkarlar Konfederasiyasının Baş katib əvəzi Kristina Məmmədovanın moderatorluğu ilə ASK-nın Facebook platforması üzərindən keçiriləcək canlı yayıma dəvət edirik.

Canlı yayımda iştirak etmək üçün Azərbaycan Sahibkarlar Konfederasiyasının facebook səhifəsini izləməyinizi xahiş edirik: facebook.com/sahibkarlar

Mənbə: ask.org.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

31 May 2020

Azərbaycan auditorları beynəlxalq videokonfransda iştirak ediblər

by Audit.Az | posted in: Audit, Xəbər | 0

Rusiya Federasiyasının “Sodrujestvo” Özünütənzimləyən Auditor Təşkilatları Assosiasiyası tərəfindən Avrasiya regionunun peşəkar mühasibat və auditorlar təşkilatları rəhbərlərinin iştirakı ilə beynəlxalq videokonfrans keçirilib. Konfransda Azərbaycan Respublikasının Auditorlar Palatasının sədri, professor Vahid Novruzov və Palatanın Şurası yanında Elm və auditor fəaliyyətinin mütodoloji təminatı üzrə komitənin sədri Nəcəf Talıbov iştirak və məruzə ilə çıxış ediblər.

Azərbaycan Respublikasının Auditorlar Palatasından bildiriblər ki, beynəlxalq konfransda indiki pandemiya şəraitində mühasibatlıq, hesabatlılıq və təşkilatların maliyyə hesabatlarının auditi sahəsində qarşıya çıxan çətinliklərin dəf edilməsində mühasiblərin və auditorların peşəkar təşkilatlarının işgüzar əlaqələrinin daha da gücləndirilməsi, təcrübə mübadiləsi, mövcud problemlərin həllində qüvvələrin səfərbər edilməsinin vacibliyi vurğulanmış, bu istiqamətdə konkret vəzifələr və onların həlli yolları barədə işgüzar müzakirələr aparılıb. Auditorlar Palatası sədrinin “Koronavirus (COVID-19) şəraitində audit” mövzusunda çıxışı konfrans iştirakçıları tərəfindən maraqla qarşılanıb. Palatanın komitə sədri Nəcəf Talıbov pandemiya şəraitində Auditorlar Palatası tərəfindən qurumun üzvlərinin normal fəaliyyəti üçün həyata keçirilən tədbirlər barədə məlumat verib.

Beynəlxalq konfransda onlayn formada belə müzakirələrin daha tez-tez aparılması zərurəti, mövcud problemlərin həlli üçün təkliflər hazırlamaq məqsədilə müvafiq regional qrupların yaradılması, mühasibatlıq və audit sahəsində regionda beynəlxalq prosedurların daha geniş tətbiqi istiqamətində birgə fəaliyyətin əhəmiyyəti konfrans iştirakçıları tərəfindən dəstəklənib.

Mənbə: azertag.az