Blog Full - Audit.Az

Oxunma sayı: 130. 475

20 May 2020

Bu dövlət rüsumu ləğv edilib

by Audit.Az | posted in: Xəbər | 0

Xarici ölkələrin ali məktəblərinin diplomlarının tanınmasına görə dövlət rüsumu ləğv olundu

Milli Məclisin bu gün keçirilən iclasında “Dövlət rüsumu haqqında” qanuna dəyişiklik III oxunuşda müzakirəyə çıxarılıb.

Qanuna təklif edilən dəyişikliyə əsasən xarici ölkələrin ali təhsil müəssisələrinin diplomlarının tanınmasına görə tutulan 15 manat dövlət rüsumu ləğv edilib.

Qanuna dəyişiklik müzakirələrdən sonra səsverməyə çıxarılaraq qəbul edilib.

Mənbə: report.az

Auditorlar Palatası bu gun vebinar keçirəcək

by Audit.Az | posted in: Xəbər | 0

Auditorlar Palatası bu gun vebinar keçirəcək

Auditorlar Palatasının üzvü olduğu Avropa Mühasiblər və Auditorlar Federasiyası (EFAA) tərəfindən “Kiçik və Orta müəssisələr üçün hazırda mövcud maliyyələşdirmə variantları haqqında” vebinar keçiriləcəkdir.

Məlumat üçün bildiririk ki, Azərbaycan Respublikasının Auditorlar Palatası -nın üzvü olduğu Avropa Mühasiblər və Auditorlar Federasiyası (EFAA) tərəfindən 2020-ci il 20 may tarixində saat 14:00-da vebinar keçiriləcəkdir. Xahiş edirik ki, Sizə göndərilən gündəlikdə qeyd edilən link vasitəsilə həmin vaxtda vebinara qoşulasınız.

(Əlaqələndirici şəxs: Zaur Almazov 012-564-80-62, 050-321-95-80)

Azərbaycan Respublikasının Auditorlar Palatası

Mənbə: audit.gov.az

Azərbaycanda sahibkarların vergi yükünün bir qədər də azaldılması təklif edilir

by Audit.Az | posted in: Xəbər | 0

Azərbaycanda sahibkarların vergi yükünün bir qədər də azaldılması təklif edilir.

“Azərbaycanda “Kölgə iqtisadiyyatı”nın azaldılması ilə bağlı “Yol xəritəsi” hazırlayaraq Nazirlər Kabinetinə təqdim etmişik. Həmin sənəd tədbirlər kompleksidir və hazırlanarkən qabaqcıl ölkələrin təcrübəsi nəzərə alınıb”.

Bu barədə açıqlamasında Auditorlar Palatasının sədri Vahid Novruzov bildirib.

Onun sözlərinə görə, artıq Nazirlər Kabineti “Yol xəritəsi”nə rəy verilməsi üçün onu müvafiq qurumlara göndərb: “Bundan sonra isə “Yol xəritəsi”nin tətbiqi istiqamətində müxtəlif səpkili tədbirlərin görülməsi gözlənilir”.

V.Novruzov qeyd edib ki, sənəddə vergi qanunvericiliyinin təkmilləşdirilməsi ilə bağlı müddəalar, o cümlədən uçotun, hesabatlılığın, nəzarətin təkmilləşdirilməsi, ictimai nəzarətin geniş tətbiq edilməsi kimi məsələlər yer alıb: “Əsas məqsəd sahibkarların vergi yükünün optimal səviyyədə yüngülləşdirilməsidir ki, vergidənyayınma halları, “kölgə iqtisadiyyatı” olmasın”.

Xatırladaq ki, ölkədə “kölgə iqtisadiyyatı”nın azaldılması, şəffaflığın stimullaşdırılması ilə bağlı böyük bir qanunvericilik paketinin Milli Məclisə daxil olması gözlənilir.

Mənbə: report.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

19 May 2020

“Sumqayıt Kimya Sənaye Parkı” auditor seçir

by Audit.Az | posted in: Audit, Xəbər | 0

“Sumqayıt Kimya Sənaye Parkı” auditor seçir

İqtisadiyyat Nazirliyinə məxsus “Sumqayıt Kimya Sənaye Parkı” MMC ötənilki maliyyə-təsərüffat fəaliyyətinin auditi üçün katirovka sorğusu elan edib.

İddiaçılar kotirovka təkliflərini mayın 22-i, saat 18:00-a qədər şirkətin Bakı şəhəri, Xətai rayonu, Xocalı prospekti, 37 (“Demirchi Tower”) ünvanında yerləşən baş ofisinə təqdim edə bilərlər. Əlaqələndirici şəxs Abbas Mamedovdur (Telefon: (012) 488-80-65).

Təkliflərə mayın 31-də, saat 12:00-da qeyd olunan ünvanda baxılacaq.

Mənbə: report.az