Blog Full - Audit.Az

Oxunma sayı: 130. 217

17 İyn 2020

Əmək Məcəlləsinə dəyişiklik edilir

by Audit.Az | posted in: Xəbər | 0

Əmək Məcəlləsində dəyişiklik edilir

Əmək Məcəlləsində dəyişiklik edilməsinə dair Əmək və Əhalinin Sosial Müdafiəsi Nazirliyinin hazırladığı yeni qanun layihəsində Məcəllənin 47-ci maddəsinin təkmilləşdirilməsi təklif edilir.

Nazirlikdən verilən məlumata görə, mövcud qanunvericiliyə əsasən, işin və ya göstərilən xidmətlərin daimi xarakterə malik olduğu qabaqcadan bəlli olduğu hallarda, Məcəllənin 47-ci maddəsində müəyyən edilən hallar istisna olmaqla, əmək müqaviləsi müddətsiz bağlanmalıdır.

Lakin təcrübə göstərir ki, bir sıra hallarda Məcəllənin 47-ci maddəsinin f bəndi (Həmin bəndə görə, işəgötürən və işçinin qarşılıqlı razılığı ilə də əmək müqaviləsi müəyyən müddətə bağlanıla bilər) işəgötürənlər tərəfindən sui-istifadə hallarına şərait yaradır.

Nəticədə işin və ya göstərilən xidmətlərin daimi xarakterə malik olduğu qabaqcadan bəlli olduğu halda işçilərlə müddətli əmək müqavilələrinin bağlanması faktlarına rast gəlinir.

Ona görə də yeni qanun layihəsində işin, xidmətlərin daimi olduğu əvvəlcədən məlum olduğu hallarda işçi ilə əmək müqaviləsinin müddətli bağlanmasına şərait yaradan halların aradan qaldırılması nəzərdə tutulub. Bu məqsədlə Əmək Məcəlləsinin müvafiq maddələrində əlavə və dəyişikliklər ediləcək.

Mənbə: report.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

17 İyn 2020

Əmək haqqının ödənilməsində tətbiq olunan sistemlər

by Audit.Az | posted in: Xəbər | 0

Əmək haqqının ödənilməsində tətbiq olunan sistemlər.

Əmək Məcəlləsinin 157-ci maddəsinə əsasən, işçilərin əməyi vaxtamuzd, işəmuzd və əməyin ödənilməsinin digər sistemləri ilə ödənilir. Mövzunu iqtisadçı ekspert Anar Bayramov şərh edir.

Əməkhaqqının ödənilməsi işin fərdi və kollektiv nəticələrinə görə aparıla bilər

Misal 1. İşəgötürən və işçi arasında bağlanan əmək müqaviləsinə əsasən, işçinin əmək haqqı 600 manat təşkil edir və əməkhaqqı işçinin aylıq iş vaxtı normasına görə müəyyənləşdirilib. 2019-cu ilin oktyabr ayında 23 iş günü olduğuna görə işçinin aylıq iş norması 184 saat (23 x 8 saat) müəyyən edilib. Bu cür yanaşma ilə işçinin həmin aya bir saatlıq əməkhaqqı 3,26 manat (600:184 saat) təşkil edir. Əməyin bu şəkildə ödənilməsi vaxtamuzd hesab edilir.

Misal 2. İşəgötürənin işçi ilə bağlanılmış əmək müqaviləsinə bir saat üzrə 20 manat əməkhaqqı nəzərdə tutulub. 2019-cu ilin oktyabr ayının iş vaxtı uçotu hesabatına əsasən, işçi ay ərzində 40 saat işləyib. Bu zaman işçinin oktyabr ayı üzrə əməkhaqqı 800 (20 x 40 saat) manat təşkil edəcək. Bu cür əməkhaqqı sistemi də vaxtamuzd hesab olunur.

Misal 3. İşəgötürənlə bağlanılmış əmək müqaviləsinə görə işçinin hər doldurduğu kibrit qutusuna görə 0,01 manat ödəniş nəzərdə tutulub. Ay sonundakı hesabata əsasən işçi 50.000 ədəd kibrit qutusunu doldurduğu üçün, ona 500 (50000×0,01 manat) manat əməkhaqqı hesablanır. Bu cür ödəniş sistemi işəmuzd hesab olunur.

Misal 4. İşəgötürənlə işçi arasında bağlanılmış əmək müqaviləsinə əsasən, vergi sahəsindən yazılacaq kitaba görə icra planı müəyyənləşdirilir. Əmək müqaviləsinə əsasən, işçi işi 3 ay ərzində yekunlaşdıracaq və hər ay işçiyə 1.000 manat olmaqla 3.000 manat əməkhaqqı ödəniləcək. Əmək müqaviləsində işin konkret görülmə vaxtı müəyyən edilir. Sadəcə, işin başlanma və bitmə vaxtı öncədən əmək müqaviləsində öz əksini tapır. Əməyin bu şəkildə ödənişi forması isə akkord və ya sərbəst formada əməyin ödənilmə sistemi adlanır.

Mənbə: vergiler.az

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

17 İyn 2020

Para BOKT YAY təcrübə proqramı elan edir

by Audit.Az | posted in: Xəbər | 0

Para BOKT YAY təcrübə proqramı elan edir

Para BOKT hazır və təcrübəli kadrlara üstünlük verdiyi kimi, təcrübəsi olmayan gəncləri də düşünür və onlar üçün daima əlverişli şərait yaradır. Biz, iş stajı olmayan, lakin ali təhsil ocaqlarını yeni bitirmiş və ya qiyabi təhsil alan gəncləri müvafiq təcrübə proqramına cəlb edirik. Təcrübəçilər təşkilatımızda korporativ mühitə düşərək işgüzar həyatla tanış olur, onlar yeni biliklər, bacarıqlar və təcrübə əldə edirlər.

Təcrübə proqramını uğurla başa vuranlar isə təşkilatımızda işlə təmin olunurlar.

Cəmiyyətimizin gələcəyi olan gəncləri Para BOKT-da karyera imkanlarından faydalanmağa və Para BOKT ailəmizin bir üzvü olmağa dəvət edirik.

Maraqlanan şəxslər Yay təcrübə proqramı başlığı ilə vakansiya@parabokt.az / info@finstaff.az ünvanına CV ilə müraciət edə bilərlər.

Teleqram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

17 İyn 2020

Mühasiblərin işlərini itirməklərinin səbəbləri

by Audit.Az | posted in: muhasibat, Məqalə | 0

Bu haqda Rusiyada iş adamları, şirkət sahibləri, ümumiyyətlə idarəetmə sahəsində çalışanlar arasında sorğu keçirilib. Mühasiblərin işdən çıxarılması və ya qovulmasına gətirib çıxaran səbəblər bunlardır:

Səriştəsizlik, təcrübəsizlik;
İş yerində mübahisələr və kollektivdə fikir ayrılıqları;
Oğurluq;
İşə etinasız münasibət;
İntizamla bağlı pozuntular.

Fikir verdinizsə, mühasibin səriştəsizliyi və təcrübəsizliyi birinci yerdə dayanır. Bu səbəbdən, həmkarlar ittifaqının üzvü olun, eləcə də öyrənin, bilikləriniz artırın və inkişaf etdirin, yaxşı mütəxəssisi həmişə qoruyur, müdafiə edir və qiymətləndirirlər!