Vergi və gömrük güzəştləri üzrə səmərəliliyin qiymətləndirilməsinə başlanılır
Nazirlər Kabineti “Vergi və gömrük güzəştlərinin səmərəliliyinin qiymətləndirilməsi Qaydaları”nı təsdiq edib.
Bununla bağlı Baş Nazir Əli Əsədov qərar imzalayıb.
Qərar “2020-ci il dövlət büdcəsi haqqında” qanunun tətbiqi ilə bağlı bir sıra məsələlər barədə ölkə Prezidentinin 16 dekabr 2019-cu il tarixli fərmanının icrasını təmin etmək məqsədi daşıyır və gələn il yanvarın 1-də qüvvəyə minəcək.
“Vergi və gömrük güzəştlərinin səmərəliliyinin qiymətləndirilməsi Qaydaları”nın təsdiq edilməsi haqqında
“Azərbaycan Respublikasının 2020-ci il dövlət büdcəsi haqqında” Azərbaycan Respublikası Qanununun tətbiqi ilə bağlı bir sıra məsələlər barədə” Azərbaycan Respublikası Prezidentinin 2019-cu il 16 dekabr tarixli 877 nömrəli Fərmanının 3.7-ci bəndinin icrasını təmin etmək məqsədilə Azərbaycan Respublikasının Nazirlər Kabineti qərara alır:
1. “Vergi və gömrük güzəştlərinin səmərəliliyinin qiymətləndirilməsi Qaydaları” təsdiq edilsin (əlavə olunur).
2. Bu Qərar 2021-ci il 1 yanvar tarixindən qüvvəyə minir.
Əli Əsədov
Azərbaycan Respublikasının Baş Naziri
Bakı şəhəri, 3 noyabr 2020-ci il
№ 436