Bir özbək dayanıb kabab satır, bu vaxt ona bir kişi yaxınlaşıb soruşur:
– Kabab hansı heyvanın ətindəndir?
– Qoyun ətindən.
– Qoyunu nə ilə bəsləmisən?
– Onu nəylə bəsləməmişəm ki, qırmızı, hətta qara kürü də vermişəm.
– Vergi müfəttişiyəm. Sənə 20 sutka cəza verirəm.
– Axı nə üçün?
– Ona görə ki, ölkədə böhrandı, sən qoyunu qırmızı, qara kürü ilə yemləyirsən.
– Qardaş bağışla, ilk dəfədir, bir də belə şeylər təkrarlanmaz, götür 20 şiş kabab sənin olsun.
Özbəyi buraxırlar. Ertəsi gün başqa bir kişi həmin özbəyə yaxınlaşıb soruşur:
-Kabab nədəndir?
– Qoyun ətindən.
– Nə ilə bəsləmisən?
– Bilmirəm, qoyun zibilxanada otlayır.
– Sanitar epidemoloji stansiyadan gəlmişəm, sənə 20 sutka cəza verəcəm.
Özbək həmin kişiyə də 20 şiş kabab verib yola salır. Növbəti gün yenidən bir nəfər özbəyə yaxınlaşıb soruşur:
– Kabab hansı ətdəndir?
– Qoyun ətindən.
– Nə ilə bəsləmisən?
– Bilmirəm, 10 rubl verirəm, özü gedib ürəyi istəyəni tapıb yeyir…
