Şerman aktı trest yaradılması yolu ilə azad ticarətə maneələri (inhisarçılıq) və bu məqsədlə sövdələşməyə getməyi cinayət olaraq elan edən ilk antitrest (antiinhisar) ABŞ qanunu idi. Akt, federal prokurorların üzərinə bu cür cinayət birliklərini mühakimə etmək vəzifəsini qoymuşu və cərimələr, müsadirə və 10 ilə qədər həbs cəzaları şəklində cəzalar təyin etmişdi. Şerman aktının əhəmiyyətli bir hissəsi bu günə qədər fəaliyyət göstərir, o, ABŞ-ın federal Kodeksinə (15-ci hissə, 107-ci paraqraflar) daxil edilmişdi.
Qanun layihəsinin təşəbbüskarı – 1890-cı ildə – senator və Senatda respublikaçılar fraksiyasının rəhbəri olmuş siyasətçi Con Şermanın adını daşıyır. Şermanın qanun layihəsi Senat tərəfindən 1890-cı il aprelin 8-də (1 səs əleyhinə, 51 səs lehinə olmaqla) nümayəndələr palatası tərəfindən yekdilliklə qəbul edilmişdi. Prezident Harrison tərəfindən imzalandıqdan sonra 1890-cı il iyunun 20-də qanuni qüvvəyə minmişdi.
Şerman aktı fərdi olaraq Con Rokfeller və onun Standard Oil şirkətinə qarşı, həm də ticarət azadlığının (həm ABŞ, həm də beynəlxalq dövlətlər arasında) açıq-aşkar məhdudiyyətlərinə qarşı (inhisarçılıq) yönəldilmişdi. Qanunda verilmiş trestin tərifi (“müqavilə, trest formasında birləşmə və ya ticarəti məhdudlaşdıran başqa formada…”), həm kommersiya müəssisələrinin birliklərinə qarşı, həm də həmkarlar ittifaqlarına qarşı istifadə etməyə imkan verdi; antihəmkarlar boşluğu 1914-cü il Kleyton aktı ilə aradan qaldırıldı.