Keçən il Rusiya Federasiyasının konsolidə edilmiş büdcəsinin doldurulmasında hasilat sektoru aparıcı yer tutmuşdur. Federal Vergi Xidmətinin son hesabatında bildirilmişdir ki, xammal sektorundan daxil olan vergilərin rolu ölkə iqtisadiyyatında nəzərəçarpacaq dərəcədə artmışdır.
2017-ci ildə faydalı qazıntıların (daş kömür, neft, qaz, metal filizi və s.) hasilatı sektoru konsolidə edilmiş büdcənin gəlirlərinin 29,2 faizini təşkil etmişdir, bir il əvvəl isə bu göstərici 26,5 faiz idi. Faydalı qazıntıların hasilatından tutulan verginin payı vergi daxilolmalarının artımının ümumi məbləğində 40 faiz olmuşdur.
Mənbə: www.vergiler.az
