Rəqəmsal yuan. Çin elektron valyuta trendini müəyyən edir (2-ci hissə)
“Rəqəmsal yuan – bu dövlət kripto valyutasıdır. Doğrudur, Bitkoin-dən fərqli olaraq, hər hansı bir dövlət kripto valyutası, rəqəmsal yuan və ya rəqəmsal rubl olsun, istifadəçini üstünlüklərdən məhrum edir və onların hamısı faydanı dövlətə verir.
Bitkoinin üstünlükləri nədədir: riyazi alqoritm tərəfindən emissiyanın məhdudlaşdırılması və əməliyyatları izləmə imkanı. Dövlət istədiyi qədər daha çox kripto valyuta zərb edə biləcək, üstəlik bütün əməliyyatları izləyəcəkdir.
Bundan hansı nəticə çıxır? Vergiləri əldə etmək, arzuolunmaz fəaliyyətin maliyyələşdirilmə mənbələrini (terrorizm, ekstremizm, xoşagəlməz siyasi hərəkətlər) izləmək daha asan olacaq, sistemin istənilən arzuolunmaz elementlərini maliyyə sistemindən bir toxunuşla ayırmaq mümkün olacaq”, – Rusiya-Asiya sənayeçilər və sahibkarlar ittifaqının prezidenti Vitali Mankeviç izah edir.
Onun sözlərinə görə, rəqəmsal valyutadan istifadə edərkən bank əməliyyatları daha ucuz olacaq. Bu o deməkdir ki, müəssisələr ekvayrinqə (ticarət müəssisəsi üçün plastik kartlarla mal və xidmətlərə görə nağdsız ödənişləri qəbul etmək imkanı) görə 1,7-3% ödəməli olmayacaqlar. Düzdür, bu halda vətəndaşlar keşbeki (keşbek internet-ticarət, bank işi sahələrində müştəriləri cəlb etmək və onların loyallığını artırmaq üçün bonus proqramının çeşidinin göstərilməsi kimi istifadə olunan termindir) yaddan çıxarmalıdırlar, Minkeviç əlavə edib. Köçürmələr ucuzlaşacaq, bankla əlaqə artıq o qədər də vacib olmayacaq.
Teleqram qrupumuza üzv olun
