» » » Polşa vergi sistemi haqqında bilmədiklərimiz (2-ci hissə)

Polşa vergi sistemi haqqında bilmədiklərimiz (2-ci hissə)

posted in: Məqalə, Xəbər | 0

Polşa vergi sistemiPolşa vergi sistemi haqqında bilmədiklərimiz

2-ci hissə (1-ci hissəni buradan oxuya bilərsiniz)

Maraqlı olacağını nəzərə alıb, bu dəfə müxtəlif ölkələrin vergiləri barədə oxuculara bir qədər geniş məlumat verəcəyik.  Beləliklə, bu dəfəki yazıda Polşa vergi sistemi haqqında danışacağıq.

Polşada kapital artımına görə xüsusi vergi tarifi yoxdur. Kapital artımı başlıca olaraq fiziki şəxslərin və ya şirkətlərin adi gəlir tariflərinə əlavə olunur.

Şəraitdən asılı olaraq, əgər fiziki şəxs öz daşınmaz əmlakını aldıqdan 5 il sonra satarsa, kapital artımına görə vergidən azad olunur. Yox, əmlak əgər 5 il ərzində satılarsa onda 19% tarifi ilə vergiyə cəlb olunur. Fiziki şəxslər səhmlərin satışından əldə etdikəri gəlirə görə də 19% tarifi ilə vergiyə cəlb olunurlar.

Polşada fiziki şəxslər dividendlər və faizli gəlirlərə görə də 19% tarifi ilə vergi ödəyirlər.

Polşada vergi mənbəyindən vergi ödənişləri.

Sosial sığorta ödənişləri əlillik, xəstəik və bədbəxt hadisələrdən sığorta olunma ilə bağlı halları özündə ehtiva edir.

Həmin ödənişlər bu cür proporsiyada ödənilir:

İşəgötürən 17,48-20,14%

İşçi 13,71%

Qeyd: sosial sığorta üzrə ödənişlər maksimum ölçü ilə məhdudlaşır.

Qeyri-rezidentlərin vergi mənbələrindən vergilər isə bu cədvələ əsasən tutulur:

  1. a) Dividendlər – 19%
  2. b) Müəllif ödənişləri – 20%
  3. c) Kapital fazilərindən – 20%
  4. d) Xidmətlər – 20%
  5. e) Pul köçürmə sahəsi – 0%

Şərh: əcnəbi vətəndaşlar üçün dividendlər, royalti və sərmayədən paylanan vergi mənbəyindən vergi çıxışı ikiqat vergitutmanın qarşısını almaq üçün bir vasitədir. Avropa Birliyindən olan rezident-şirkətlərin polyak şirkətlərindən əldə etdikləri dividendlər vergi mənbəyindən olan vergi tutulmasına məruz qalmırlar.

Polşada vergi ili təqvim ili hesab olunur ki, o da dekabrın 31-də başa çatır.

Yalnız əməkhaqqı olaraq gəlir əldə edən fiziki şəxslərin illik gəlir bəyannaməsi təqdim etmək öhdəliyi yoxdur. Belə ki, işəgötürən həmin şəxsin əməkhaqqından vergi orqanlarına hər ay vergi ödəyir. Özünə çalışan şəxslər isə 11 ay müddətində hər ay, ayın 20-dək  avans ödənişləri etməlidirlər. Dekabr ayında isə noyabr və dekabr ayları üçün avans ödənişi edilir. İllik vergi bəyannaməsi isə aprelinn 30-da təqdim olunur.

Şirkətlər üçün bəyannamələrin təqdim olunması proseduru

Məhdud məsuliyyətli cəmiyyətlər (MMC) üçün də vergi avans ödənişləri, fiziki şəxslər üçün olduğu kimidir. Şirkətlər öz gəlirləri ilə bağlı bəyannamələri vergi orqanlarına martın 31-dək təqdim etməyə və vergilərlə bağlı fərqi ödəməyə borcludurlar. Gəlirlər haqda bəyannamənin son təqdim olunma tarixi sentyabrın 30-dur.


Teleqram kanalımıza üzv olun


Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
Polşa vergi sistemi