Mühasibat kurslarını bitirən məşhur müğənni
55 yaşlı Eros Ramazotti!
Onu dünyada ən populyar italyan artisti adlandırırlar. Şer və Tina Turner, Co Koker və Andrea Bocelli onunla duet oxumağı özlərinə şərəf bilirlər. Onun özünə aid səsyazma studiyası və banklarda on milyonlarla avro varidatı var. Ümumilikdə götürdükdə, o, gözəl-kişidir və əla oxuyur. Yəqin söhbətin kimdən getdiyini başa düşdünüz, bu xoşbəxtin adı Eros Ramazottidir!
Lakin, buna baxmayaraq, onu taleyin şıltaq etdiyi adam da hesab etmək olmaz. O, 55 il əvvəl, Romanın şəhərətrafı sayılan Cinecitta şəhərciyində işsizlər ailəsində doğulub. Ötən əsrin 60-cı illərinin əvvəlində İtaliyada iqtisadi böhran yaşanırdı. Anası və atası yalnız müavinət hesabına yaşayırdı. Hətta dərdin böyüklüyündən kommunist partiyasına belə üzv olmuşdular. Yeri gəlmişkən, Eros siyasətlə heç maraqlanmırdı. Həyatda ən çox futbol və musiqini sevirdi. Lakin, bu məsələdə də onu uğursuzluqlar gözləyirdi. Onu Latsio futbol komandasının gənclərdən ibarət komandasına götürməmişdilər, sonra isə konservatoriyaya da qəbul etməmişdilər. Bu səbəbdən mühasibat kurslarına yazılmalı oldu, lakin, bu məşğuliyyət də gələcək ulduzun yaradıcı təbiətindən əziyyət çəkirdi.
Küçə (onun böyüyüb başa çatdığı) ona çətinliklərdən və taleyin zərbələrindən qorxmamağı öyrətmişdi. Nəhayət, San-Remoda məşhur festivalın təşkilatçılarının diqqətini cəlb edənə kimi o, gənc ifaçıların çoxsaylı müsabiqələrində inadla iştirak edirdi. Dünya məhz, orada Eros Ramazottinin kim olduğunu öyrəndi.
O, artıq çoxdan kasıblığın nə olduğunu unudub və özünə istənilən kaprizləri layiq görə bilir. Moskva konsertləri zamanı müğənni təkilatçıları çox təəccübləndirmişdi: lüks otel otağında pəncərələrdəki bütün pərdələrin tam şəkildə örtülməsini, gecə-gündüz otaqda müəyyən elektrik gücündə bra lmpalarının yandırılmasını tapşırmışdı. 7 yastıq olmalı idi: ikisi kiçik, ikisi orta və üçü böyük ölçüdə. Otel nömrəsindəki mineral suyun temperaturu isə 36,1 dərəcə olmalı idi. İndi o, hər şeyi haqq edir! Axı, o – Eros Ramazottidir!
Teleqram qrupumuza üzv olun
