“Бухгалтер” (Mühasib) jurnalında texnika elmləri namizədi, psixoloq, mühasiblər üçün tədris mərkəzinin treninqlər proqramının rəhbəri Tatyana Lobanovanın “Mühasib dahi ünsiyyətçidirmi?” adlı məqaləsi dərc edilib. Sözügedən məqalənin oxucularımız üçün də maraq kəsb edəcəyəni nəzərə alaraq, onu hissə-hissə saytımızda dərc etməyə qərar verdik.
6-cı hissə
Düzgün və zamanında “yox” deməyi bacarmaqdan ötrü üç əsas məsələni həll etmək lazımdır:
- Başqa insanın özünə hörmətinə diqqət yetirmək;
- Başqalarına imtina cavabı verərkən, narahatlığınızı minimuma endirmək;
- İmtinadan dolayı yaranan mümkün neqativ nəticələrinin qarşısını almaq.
İmtina şəraitinin xoşagəlməz olduğu məlumdur və biz bunun öhdəsindən necə gəlməyi bilmirik, bir çox insanlar bu zaman səhv və ya qeyri-effektiv taktikadan istifadə edirlər. Bəzi hallarda konkret “yox” deməyib, məsələnin həllini başqa günlərə təxirə salırlar.
Təəssüflər olsun ki, bu işi uzatmaqla və “yox” deməni ləngitməklə biz həmin insanı daha çox inciməyə vadar edirik. O isə haqlı olaraq çığırıb belə deyir: “Belə idisə siz niyə mənə bunu ilk gündən demədiniz?” Bir çox hallarda isə diskomfort hiss etməmək məqsədilə kəskin şəkildə yox cavabı verilir.
Belə halda isə həmin şəxs təkcə rədd cavabına görə yox, eyni zamanda “yox” kəlməsinin səslənməsindəki kəskin tondan narazı qalır. Nəticə etibarilə isə münasibətlər korlanır. Formal rədd taktikası da burada kömək etmir – məsələn, quru şəkildə belə bir cavab: “Hazırkı şəraitdə bu məsələnin həlli şirkətin maliyyə məsələlərinə müvafiq gəlmir”.
Rədd cavabı verən bir növ vəzifə maskasının arxasında gizlənir – bax ha, imtina edən mən deyiləm, şirkətdir və etiraz etməyin faydası yoxdur. Nəticədə imtina cavabı alan gücsüzlük və incikliyin daha böyük dozasını alır.
Məqalənin 5-ci hissəsini buradan oxuya bilərsiniz.
