Karantin rejimini pozanları İqtisadiyyat Nazirliyi cərimə edəcək
İqtisadiyyat Nazirliyinin vəzifələri artırılıb
Prezident İlham Əliyev “Azərbaycan Respublikası İnzibati Xətalar Məcəlləsinin təsdiq edilməsi haqqında” Azərbaycan Respublikasının 2015-ci il 29 dekabr tarixli 96-VQ nömrəli Qanununun tətbiqi barədə” Azərbaycan Respublikası Prezidentinin 2016-cı il 15 fevral tarixli 795 nömrəli Fərmanında dəyişiklik edilməsi haqqında” Fərman imzalayıb.
Dəyişikliyə əsasən, İnzibati Xətalar Məcəlləsinin 211-ci maddəsində (epidemiya əleyhinə rejimin, sanitariya-gigiyena və karantin rejimlərinin pozulması) nəzərdə tutulmuş inzibati xətalar haqqında işlərə həmin işlər üzrə inzibati icraata başlamış Daxili İşlər Nazirliyi, sahibkarlıq fəaliyyəti subyektlərinə və onların vəzifəli şəxslərinə münasibətdə isə İqtisadiyyat Nazirliyi yanında Dövlət Vergi Xidməti qismində İqtisadiyyat Nazirliyi baxacaq.
Qeyd edək ki, əvvəllər 211-ci maddədə nəzərdə tutulmuş inzibati xətalar haqqında işlərə yalnız Daxili İşlər Nazirliyi baxırdı.
Mənbə: vergiler.az
Teleqram qrupumuza üzv olun
