Gəlirli startapı necə təsis etməli (6-cı hissə)

Oxunma sayı: 366

Gəlirli startapı necə təsis etməli (6-cı hissə)

Biznesə yeni başlayan sahibkarlardan ötrü 5 addımdan ibarət təlimat

Bazarın həcmi barədə təsəvvür əldə etmək istəyirsinizmi? Bu hərəkətləri yerinə yetirin:

Bazar haqqında KİV-lərin xülasəsini əldə edin. Gartner və ya IBIS kimi nüfuzlu bazar araşdırmaları agentliklərinin araşdırmalarının nəticələri olan məqalələri tapmağa çalışın.
Bazarın təxmi həcmini yazın, zəruri olduğu halda statistik məlumatları və rəqəmləri toplayın (Google-dən istifadə etmək olar).
Google Trends, Google Keyword Planner və Facebook Advertiser Tools daxil olmaqla müasir analitik vasitələrdən istifadə edərək, reytinqinizə dair əlavə dəlillər toplayın. Bu tətbiqlərdən istifadə edərək, təklif olunan həll üçün tələb səviyyəsini müəyyən edə bilərsiniz.

Məqalənin 5-ci hissəsini buradan oxuya bilərsiniz

Konkret olaraq öz bazarınızın ölçüsünü düzgün hesablamaq üçün statistikanı lazımsız şəkildə ümumiləşdirməməyinizdən əmin olun. Məsələn, əgər siz qadın geyimləri satışı ilə məşğul olan onlayn-mağazanı işə salırsınızsa və Rusiyada 80 milyon qadın yaşayırsa, anlamaq lazımdır ki, bazarın ölçüsü bu rəqəmə bərabər olmayacaq. İnternetdə nə qədər qadının (sizə lazım olan yaş kateqoriyasından olan) alış-veriş etdiyini, təklif etdiyiniz üslublarla maraqlandığını və s. müəyyən edin. Hədəf auditoriyanızın üstünlüklərini və vərdişlərini hərtərəfli başa düşün.

Startap üçün konkret bazar hesablamalarının başqa bir nümunəsi

Tutaq ki, gələcək treyderlər üçün ticarət alqoritmlərini proqramlaşdırmağa imkan verən bir vasitə hazırlayırsınız.
Bazarda 10 milyon treyder işləyir, lakin, biz indicə yuxarıda gördüyümüz kimi, onların sayı bütün bazarı əks etdirmir. Tədqiqat apardıqdan sonra, sizə məlum olur ki,10 milyondan yalnız 2,5 milyonu aktiv treyderlərdir və qalan 7,5 milyonu ayda bir sövdələşmədən daha az əməliyyat həyata keçirir.
Beləliklə, sizin 2,5 milyon potensial müştəriniz var. Əlavə tədqiqatlar göstərir ki, onlardan yalnız 1 milyonu məhsulunuzdan istifadə etmək üçün kifayət qədər proqramlaşdırma bacarıqlarına malikdir. Aydındır ki, bu rəqəmi əldə etmək üçün, məsələn, Google sorğu formaları vasitəsilə treyderlərə müraciət etməlisiniz.
Bazarda oxşar məhsulları araşdıraraq, seqmentinizdə qiymət mexanizmini başa düşürsünüz. Məsələn, məhsul üçün illik lisenziya 500 dollar dəyərindədir. Hesablama aparaq: 500 x 1 mln istifadəşi = 500 milyon dollar. Əgər siz bazarı 100% əhatə edə bilsəniz, bu əldə edə biləcəyiniz maksimum gəlir olacaq.
Bazarı daha yaxşı bilmək üçün, bizim “Problem” bölməsində söz açdığımıza oxşar fokus qrupunda sorğu aparın. Siz yaratdığınız öz alətiniz və onun həllində maraqlı olduğunuz problemin varlığını neçə treyderin tanıyacağı barədə məlumat əldə edəcəksiniz.