Kiçik və orta sahibkarlıq üçün ən yaxşı biznes-ideyalar (5-ci hissə)
Biznes-ideyalar barədə düşünmüsünüz? Pul qazanmaq üçün nə ilə məşğul olacağınızı bilmirsiniz? Bu yazıda biz 2020-ci ilin ən aktual 30 biznes-ideyalarını birləşdirmişik. Bu biznes ideyalar artıq yeni fəaliyyətə başlayan sahibkarlarla məşhurdur və yaxın illərdə inkişaf baxımından böyük biznes-perspektivlərinə malikdir.
18-cu biznes-ideya: Burgeriya
2020-ci il üçün əla biznes-ideyalardan biri fastfud yeməkləri sahəsi olub. Belə ki, həmin bazar hər il 5-8% artım göstərməkdədir və öz tempini aşağı salmağı düşünmür. Məlumatlara görə, iri şəhərlərdə fastfud obyektlərində 14,3% artım müşahidə edilib. Fastfud yeməkləri arasında bürger ən populyar yeməklərdən birinə çevrilib. Hətta o qədər məşhurluq qazanıb ki, burgeriya adında ayrıca məkanlar da açılmağa başlayıb. Burgeriyanın açılışında üstün cəhətlər olaraq inqrediyentlərin az qatılması, balaca bir mətbəxi və kiçik işçi ştatını göstərmək olar.
19-cu bznes-ideya: Dil məktəbi
Bu gün Rusiyada ümumtəhsil məktəbləri xarici dillərə keyfiyyətli təhsil tələbatını ödəyə bilmirlər, buna görə də həmin tələbatı özəl dil məktəblər tərəfindən ödənilir. Openbusiness.ru portalının hesablamalarına görə, 100 kvadratmetrlik məkanda hər hansı bir xarici dil məktəbi ilə bağlı biznes-ideyanı həyata keçirmək üçün təxminən 635 min rubl tələb olunur ki, həmin məbləğ altı ay ərzində geri qaytarıla bilər. Hər ayda təmiz gəlir təxminən 140 min rub təşkil edə bilər.
20-ci biznes-idaya: Kosmetika mağazası
Sosioloji sorğulara əsasən, qadınlar hər ay öz gəlirlərinin 15% – ni kosmetikaya sərf etməyə hazırdırlar. Kosmetika növlərinin olduqca çox olması sayəsində bu sahədə kiçik biznesin inkişafı üçün həmişə imkan var. Kosmetika, axı, elit və peşəkar, təbii və dekorativ, brend və əl işi, müalicəvi və ev üçün, Şərq və ərəb istehsalı ola bilər, onunla kataloqlar, internet-mağazalar və TM-də butiklərdən tutmuş, iri mağazalara qədər müxtəlif formatlarda ticarət etmək olar.
