Vergi Məcəlləsinin 1 yanvar 2020-ci il tarixdən qüvvəyə minmiş 166-cı maddəsinin müddəalarına əsasən, Əlavə Dəyər Vergisi tutulan əməliyyatın vaxtı təqdim olunmuş mallar (işlər və xidmətlər) üçün ödəmənin aparıldığı vaxtdır. kassa metodu ƏDV
Vergilər Nazirliyinin şərhinə əsasən, ödəmə dedikdə, təqdim edilmiş malların (işlərin, xidmətlərin) Əlavə Dəyər Vergisiz dəyərinin ödənilməsi nəzərdə tutulur. Buna əsasən, 1 yanvar 2020-ci il tarixdən təqdim olunmuş mallara (işlərə, xidmətlərə) görə ƏDV-nin hesablanması həmin malların (işlərin, xidmətlərin) Əlavə Dəyər Vergisiz dəyərinin ödənildiyi hesabat ayında həyata keçirilir. Əlavə Dəyər Vergisi tutulan əməliyyat üzrə iki və ya daha çox ödəmə aparılırsa, hər ödəmə ödəniş miqdarında ayrıca əməliyyat sayılır və ödəniş hissəsinə mütənasib qaydada ƏDV-yə cəlb olunur.
Misal: “A” MMC 10.01.2020-ci il tarixdə, Əlavə Dəyər Vergisi də daxil olmaqla, dəyəri 11.800 manat olan məişət mallarını “B” MMC-yə satıb və müvafiq olaraq elektron qaimə-faktura təqdim edib. “B” MMC alınmış malların dəyərini mart ayında “A” MMC-nin hesabına ödəyib.
Bu halda Əlavə Dəyər Vergisi tutulan əməliyyatın vaxtı – ödəmənin aparıldığı vaxt, yəni mart ayı hesab olunur.
Mənbə: vergiler.az
