Dünya iqtisadiyyatına problemlər vəd olunub
Yaxın gələcəkdə bir sıra ölkələrdə koronavirus pandemiyasının növbəti dalğaları nəticəsində dünya iqtisadiyyatı yeni problemlərlə üzləşəcək, Filippinin Mərkəzi bankının rəhbəri Bencamin Diokno belə söyləyib. CNBC onun dediklərinə istinad edib.
“Düşünürəm ki, yaxınlarda baş verənlər, hadisələin qısamüddətli perspektivdə yaxşılığa doğru deyil, pisliyə doğru inkişaf edəcəyini göstərir”, – Diokno belə bəyan edib.
Beynəlxalq valyuta fondunun qiymətləndirməsinə görə, ilin yekunları üzrə dünya ÜDM-i 4,4 faiz aşağı enəcək. Dioknonun qeyd etdiyinə görə, bu hələ optimist proqnozdur.
Dünya peyvəndin başlanılmasından lazımi effekti hələ hiss etməyib, COVİD-19 pandemiyası ABŞ və Avropada iqtisadiyyata artıq yenidən təzyiq göstərməyə başlayıb. Hazırda bütün dünyada 70 milyona yaxın insan virusa yoluxub, bir milyon yarımdan çox adam isə ölüb. Ən mürəkkəb vəziyyət ABŞ, Hindistan və Braziliyadadır. Peyvəndin tapılması, dünya iqtisadiyyatının perspektivini yaxşılaşdıracaq, lakin, bu, 2021-ci ilin birinci rübündən əvvəl baş verməyəcək.
İqtisadi əməkdaşlıq və inkişaf Təşkilatının (İƏİT) proqnozuna görə, dünya iqtisadiyyatı gələn il əvvəlkindən daha yavaş templərlə bərpa olunacaq. İƏİT-də hesab edirlər ki, dünya ÜDM-i 2021-ci ildə 4,25 faiz və 2022-ci ildə isə 3,75 faiz artacaq. Sentyabrda verilən proqnozda isə göstəricinin növbəti ildə beş faiz artacağı təxmin edilirdi.