» » » Ötən il Dövlət Gömrük Komitəsi xətti ilə büdcə daxilolmalarının həcmi artıb

Ötən il Dövlət Gömrük Komitəsi xətti ilə büdcə daxilolmalarının həcmi artıb

posted in: Xəbər | 0
birbank biznes

DGK xətti ilə büdcə daxilolmaları2019-cu ilin dekabr ayında Dövlət Gömrük Komitəsinin (DGK) xətti ilə dövlət büdcəsinə 402.284,4 min manat həcmində vergi və rüsumlar daxil olub ki, bu da ötən ilin noyabr ayına nisbətən 11,4 faiz çoxdur. Dövlət Gömrük Komitəsinin yaydığı məlumata görə, hesabat ayında dövlət büdcəsinə daxil olan gömrük rüsumlarının həcmi ötən ilin noyabr ayı ilə müqayisədə 23,6 faiz artaraq 110.653,7 min manat olub. Dekabrda ƏDV üzrə daxilolmalar aylıq ifadədə 6,3 faiz artaraq 268.995,5 min manat, aksizlər üzrə 38,8 faiz artaraq 18.780,0 min manat, yol vergisi üzrə daxilolmalar isə 22,3 faiz azalaraq 3.855,2 min manat təşkil edib.

Komitə ötən ilin yanvar-dekabr ayları ərzində büdcəyə daxil olan vergi və rüsumlar haqda da məlumat verib. Hesabatda qeyd olunur ki, DGK xətti ilə 2019-cu il ərzində dövlət büdcəsinə 4.408.625,64 min manat həcmində vergi və rüsumlar daxil olub ki, bu da 2018-ci ilin eyni dövrü ilə müqayisədə 28,4 faiz çoxdur.

Hesabat ilində ƏDV üzrə daxilolmalar illik ifadədə 28,3 faiz artaraq 3.004.082,95 min manat, aksizlər üzrə 46,9 faiz artaraq 249.633,18 min manat, yol vergisi üzrə daxilolmalar isə 13,1 faiz artaraq 45.431,64 min manat təşkil edib.

Mənbə: vergiler.az



Teleqram qrupumuza üzv olun


Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun
DGK xətti ilə büdcə daxilolmaları