You can display the Full post on your Blog Page
Tibbi Ərazi Bölmələrini İdarəetmə Birliyinə (TƏBİB) məxsus “Azərtibbtəchizat” MMC 2025-ci il üzrə maliyyə hesabatlarının auditi ilə bağlı elan etdiyi kotirovka sorğusuna yekun vurub.
Sorğunun qalibi “Hesabat” MMC-dir.
Qalib şirkətə 1 000 manat ödəniləcək.
Ötən il bu sorğunun qalibi “Abacus Audit And Consulting” MMC olub. Ona 3 370 manat ödənilib.
Mənbə: report.az
Azərbaycanda vergi qanunvericiliyinə edilən dəyişikliklər ölkə Prezidentinin fərman və sərəncamları ilə verilmiş tapşırıqlara əsaslanır.
Bnu İqtisadiyyat Nazirliyi yanında Dövlət Vergi Xidmətinin Vergi siyasəti baş idarəsinin rəisi Nicat İmanov Bakıda keçirilən “Vergi sistemində gələcəyə baxış: yeni idarəetmə modeli və data əsaslı qərarlar” adlı forumda bildirib.
Onun sözlərinə görə, dəyişikliklər həm də sosial-iqtisadi inkişaf strategiyasına, sahibkarlarla keçirilən görüşlərdən qaynaqlanan və onların təklifləri əsasında formalaşan bazaya əsaslanır.
“İndiyə qədər yanlış təəssürat formalaşmışdı ki, sahibkarlarla müzakirə aparılmadan Vergi Məcəlləsi dəyişdirilir və sahibkarlar bundan ilin sonunda – qəfildən xəbər tutur. Bu günə qədər ixtisaslaşmış qaydada keçirilən görüşlərin sayı 350-yə yaxın olub, təxminən 600 təklif əldə edilib. Nəticə olaraq biznes mühitinin inkişafı və problemlərin həlli ilə bağlı 114 dəyişiklik artıq qanunvericiliyə daxil edilərək qüvvəyə minib”, – deyə vergi rəsmisi qeyd edib.
Mənbə: report.az
“Bu gün dünya sürətlə dəyişir. Qlobal çağırışlar vergi idarəçiliyindən daha çox sürət, şəffaflıq və effektivlik tələb edir. Bu reallıqda vergi sistemi artıq yalnız fiskal nəzarət funksiyası yerinə yetirən qurum ola bilməz. Bizim yanaşmamız ondan ibarətdir ki, Dövlət Vergi Xidməti iqtisadi proseslərə istiqamət verən, dəyər yaradan instituta çevrilməlidir. Bu yeni mərhələyə keçid xarici təzyiqlərin məcburi nəticəsi deyil. Bu keçid daxildən başlayan transformasiyanın nəticəsidir. İdarəetmədə, qərarvermədə və məsuliyyət bölgüsündə dəyişiklik etmədən davamlı inkişaf mümkün deyil”.
Bu sözləri İqtisadiyyat Nazirliyi yanında Dövlət Vergi Xidməti (DVX) tərəfindən təşkil olunmuş “Vergi sistemində gələcəyə baxış: yeni idarəetmə modeli və data əsaslı qərarlar” mövzusunda Forumdakı çıxışında DVX-nin rəisi Orxan Nəzərli deyib.
Orxan Nəzərli ötən il Dövlət Vergi Xidmətinin 2025-2028-ci illər üçün strategiyasının qəbul edildiyini və dərhal da onun icrasına başlanıldığını diqqətə çatdırıb:
“Strategiya bizim üçün idarəetmə modelidir. Bu model dəyişən iqtisadi mühitə çevik uyğunlaşmanı, aydın strateji baxışı və uzunmüddətli missiyanı özündə birləşdirir. Strategiyamız dörd əsas dəyərə söykənir və bu dəyərlər gündəlik fəaliyyətimizdə konkret qərarlara çevrilir”.
DVX rəisi deyib ki, burada əsas məsələ yalnız texnologiya və ya struktur deyil. Əsas məsələ düşüncə tərzinin və təşkilati mədəniyyətin dəyişməsidir:
“Şəffaflıq və etimad vergi ödəyiciləri ilə münasibətlərin təməlidir və bu etimad olmadan dayanıqlı vergi sistemi qurmaq mümkün deyil. Hər bir strateji addımın ölçülə bilən nəticəsi olmalıdır. Məqsədimiz aydındır — ədalətli, şəffaf və dayanıqlı vergi sistemi. Biz artıq strategiyanın real praktiki icrasına keçmişik. Strategiyanın reallaşmasında növbəti mərhələ kimi biz idarəetmədə üç əsas sütunu önə çıxarırıq:
Mənbə: vergiler.az
2025-ci il qlobal siyasi və iqtisadi qeyri-müəyyənliklər fonunda Azərbaycan iqtisadiyyatı üçün sabitliyin və çevik uyğunlaşmanın ön plana çıxdığı bir il oldu. Bu mürəkkəb şəraitdə fiskal dayanıqlığın qorunması və dövlət gəlirlərinin davamlı təmin edilməsi əsas prioritetlərdən biri idi. Görülən tədbirlər nəticəsində fiskal daxilolmalarda müsbət dinamika əldə olunub.
Bu sözləri İqtisadiyyat Nazirliyi yanında Dövlət Vergi Xidməti (DVX) tərəfindən təşkil olunmuş “Vergi sistemində gələcəyə baxış: yeni idarəetmə modeli və data əsaslı qərarlar” mövzusunda Forumdakı çıxışında DVX-nin rəisi Orxan Nəzərli deyib.
Orxan Nəzərli bildirib ki, ötən il Dövlət Vergi Xidmətinin üzərində olan fiskal daxilolmaların həcmi 24,2 mlrd. manata yaxın olub ki, bu da ümumi fiskal yığımların 79,1 faizini təşkil edir. 2025-ci ildə cəmi vergi daxilolmaları proqnoza münasibətdə 105,5 faiz, qeyri-neft-qaz sektoru üzrə daxilolmalar isə 102,9 faiz icra edilib. Ümumilikdə dövlət büdcəsinə 16,4 mlrd. manata yaxın vergi daxilolması təmin edilib, bu zaman qeyri-neft-qaz sektoru üzrə daxilolmalar 12 mlrd. manatı keçib.
Mənbə: vergiler.az
